1 पतरस 2:11 - काँगड़ी

¹¹ हे प्यारे साथी बसुआसियो, मैं तुहां नैं विणती करदा ऐ कि तुहां अपणे आप्पे जो परदेसी कने मुसाफिर जाणी करी तिन्हां संसारे दियां बुरिआं इच्छां ते बची रेह्आ, क्जोकि सैह़ तुहां दे खलाफ लड़ाई करदियां हन।

1 पतरस 2:11 Iomraidhean Croise

लूका 21:34

“इस बज़ाह ते चौकन्ने रेह्आ, कुत्थी इआं नीं होयैं कि तुहां दे मने च खुमार, कने मतवाल़ापन, कने इसा ज़िन्दगिया दी फिकर करी नैं सुस्त होई जान, कने सैह़ दिन तुहां पर गल़फाये साइआं चाणचक आई पोयैं।

प्रेरितां दे कम्म 15:20

अपर तिन्हां जो चिठ्ठी लिखी घल्लन, कि सैह़ मूर्तियां दे सामणै चढ़ाईयां चीज्जां ते, ब्यभिचार, गल़ा घोटी करी मारेयो जानवरां दे मासे ते कने खूने ते दूर रैह़न।

प्रेरितां दे कम्म 15:29

कि तुहां मूर्तियां दे सामणै चढ़ाईयां चीज्जां ते, ब्यभिचार, गल़ा घोटी करी मारेयो जानवरां दे मासे ते कने खूने ते दूर रेह्आ। जे तुहां अपणे आप्पे जो इन्हां गल्लां ते बचाई रखा तां तुहां दा भला हुंगा। अच्छा हुण अहां जो विदा करा।”

रोमियो 12:1

इसतांई हे प्यारे साथी बसुआसियो, मैं तुहां नैं परमात्मे दी दया याद दिलाई नैं विणती करदा ऐ, कि अपणे आप्पे जो जिन्दा, कने पवित्र, कने परमात्मे जो खरा लगणे आल़ा बलिदान चढ़ा। परमात्मे दी भक्ति करणे दा ऐई सच्चा तरीका ऐ ।

रोमियो 7:23

अपर मिन्जो अपणे सरीरे दे अंगा च होर तरीके दी व्यबस्था मसूस हुंदी ऐ, जेह्ड़ी मेरे मने दे बचारां नैं लड़दी ऐ, कने एह़ ताकत मिन्जो पापे दा गुलाम बणादी ऐ जेह्ड़ी हुण भी मेरे सरीरे दे अंगा च ऐ।

रोमियो 8:13

क्जोकि जे तुहां पापी सभावे मताबक ज़िन्दगी जींगे तां परमात्मे ते दूर होई जांगे, जे पवित्र आत्मा दिया सामर्थी दे जरिये पापी सभावे जो मारगे तां जिन्दा रैंह्गे।

2 कुरिन्थियों 5:20

इसतांई अहां मसीह दे राजदूत हन। समझा कि परमात्मा अहां दे जरिये तुहां नैं विणती करा दा ऐ। अहां मसीह दे पास्से ते विणती करदे हन, कि परमात्मे सौगी मेल-जोल करी लेआ।

2 कुरिन्थियों 6:1

अहां जेह्ड़े परमात्मे सौगी कम्म करणे आल़े हन, कने तुहां लोकां नैं एह़ विणती भी करदे हन, कि तिसदा अनुग्रह जेह्ड़ा तुहां पर होएया, तिसियो बेकार मत जाणा देआ।

2 कुरिन्थियों 7:1

हे प्यारे साथी बसुआसियो, जाह़लू अहां नैं एह़ वादे कित्ते, तां ओआ, अहां अपणे आप्पे जो सरीर कने आत्मा दिया सारी बुराईया ते दूर रखन, कने परमात्मे दा डर मन्नी करी पवित्र ज़िन्दगी जीणे दी कोसस करन।

गलातियों 5:24

कने जेह्ड़े यीशु मसीह दे हन, तिन्हां अपणे सरीरे दे एह्सासे कने इच्छा जो मारी दित्या ऐ।

इफिसियों 2:19

इसतांई तुहां होरनी जातिआं आल़े लोक परदेसी कने मुसाफिर नीं रैह्, अपर परमात्मे दे लोकां सौगी संगी-वासी कने तुहां तिसदे परवारे दे माणु हन।

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

2 तीमुथियुस 2:22

तिन्हां बुरिआं चीज्जां ते अप्पु जो दूर रख, जिन्हां जो जुआन माणु करणा चांह़दे हन, कने जेह्ड़े लोक साफ मने नैं प्रभु दी अराधना करदे हन, तिन्हां सौगी-सौगी सच्चाईया नैं, बसुआस नैं, कने प्यार नैं भी मेल-जोल बणाई नैं रख।

इब्रानियों 11:13

एह़ सारे लोक जिन्हां परमात्मे पर बसुआस कित्ता, तिन्हां वादे दियां चीज्जां जो बगैर हासल कित्ते मरी गै। अपर सैह़ समझी गियो थे, कि परमात्मैं ओणे आल़े बग्ते च क्या करणा, कने सैह़ एह़ भी समझी गियो थे, कि “अहां धरतिया पर परदेसी कने बाहरे ते आएयो लोक हन।”

इब्रानियों 6:9

अपर हे प्यारे साथियो, तुहां खरे कम्म करा दे हन, क्जोकि परमात्मैं तुहां जो बचाई लेआ ऐ। इसतांई एह़ सारियां गल्लां तुहां तांई नीं हन।

याकूब 4:1

तुहां लोकां च लड़ाई कने झगड़े कतांह ते ओंदे हन? क्या इन्हां दे पचांह़ तुहां दी बुरी इच्छा नीं ऐ, जेह्ड़ी तुहां दे अंदर लड़दी-झगड़दी रैंह्दी ऐ?

1 पतरस 1:1

मैं शमौन पतरस जेह्ड़ा यीशु मसीह दा प्रेरित ऐ। मैं एह़ चिठ्ठी तिन्हां परदेसियां दे नांऐ पर लिखा दा ऐ, जेह्ड़े पुन्तुस, गलातिया, कप्पदूकिया, आसिया प्रदेस कने बितुनिया प्रदेसे च तितर-बितर होई नैं रैंह्दे हन,

1 पतरस 1:17

परमात्मा जाणदा ऐ कि हर माणुये क्या कित्या ऐ, कने सैह़ सारेयां दा बिना भेदभाव करी नैं न्याय करदा ऐ। जाह़लू तुहां परमात्मे नैं प्रार्थना करदे हन, तां तिसियो पिता ग्लांदे हन। इसतांई जाह़लू तुहां इस संसारे च परदेसियां साइआं रैंह्दे हन तां तिसदी हमेसा इज्जत करा।

1 पतरस 4:12

हे प्यारे साथी बसुआसियो, जेह्ड़े दर्दनाक दुख तुहां झेलदे हन, तिन्हां दे बारे च हरान मत होआ, क्जोकि तुहां मसीह दे हन। एह़ गल्लां तां होआ दियां हन जिसते एह़ पता लग्गैं कि तुहां सच्च बिच्च परमात्मे पर बसुआस करदे हन। इसतांई मत सोचा कि तुहां सौगी कुच्छ अजीब होआ दा ऐ।

1 पतरस 4:2

जिसदा नतीजा एह़ ऐ कि सैह़ माणु अपणी बाक्कि ज़िन्दगी इस संसारे च बुरिआं इच्छां मताबक नीं जींगा, अपर परमात्मे दिया इच्छा मातबक जींगा।

2 पतरस 3:1

हे मेरे प्यारे साथी बसुआसियो, हुण मैं तुहां जो एह़ दूई चिठ्ठी लिखा दा ऐ, कने दून्नी चिठ्ठियां च मैं तुहां जो तिन्हां गल्लां दी जेह्ड़ियां तुहां पैहल्ले ते सिखियां हन, याद करवाणे दी कोसस करी नैं हौंसला दिंदा ऐ, तांजे तुहां तिन्हां गल्लां दे बारे च खरे कित्ते सोचन,