1 पतरस 2:10 - काँगड़ी

¹⁰ तुहां पैहल्लैं परमात्मे दे लोक नीं थे, अपर हुण तुहां परमात्मे दे लोक हन; पैहल्लैं तुहां परमात्मे दिया दया नीं जो नीं जाणदे थे अपर हुण तुहां जाणदे हन, क्जोकि तिन्हीं अपणी दया तुहां पर कित्ती ऐ।

1 पतरस 2:10 Iomraidhean Croise

रोमियो 10:19

मैं भिरी ग्लांदा ऐ, इस्राएली लोक मसीह दे वचनां जो जाणदे थे। पैहल्ले तां परमात्मे मूसा भविष्यवक्ता दे जरिये ग्लाया ऐ: “मैं तुहां यहूदी लोकां दे मनां च जल़ण पैदा करगा; जाह़लू तुहां होरनी जातिआं दे लोकां तांई मेरा प्यार दिक्खगे। तिन्हां मूर्ख जातिआं दे लोकां दे जरिये मैं तुहां दे मनां च गुस्सा पैदा करगा।”

रोमियो 11:30

क्जोकि जिंआं तुहां पैहल्ले परमात्मे दा हुक्म नीं मन्नेया, अपर हुण यहूदी लोकां दे हुक्म नीं मन्नणे ते तुहां पर दया होई।

1 कुरिन्थियों 7:25

हुण मिन्जो अल्ल कुआरियां दे बारे च प्रभु दे पास्से ते कोई हुक्म नीं ऐ, अपर प्रभुयैं अपणी दया करी नैं मिन्जो बुद्धि दित्तियो ऐ, जेह्ड़ी भरोसेमंद ऐ, कने मैं तिसादे मताबक ई अपणी सलाह दिंदा ऐ।

1 तीमुथियुस 1:13

मसीह च बसुआस करणे ते पैहल्लैं मैं मसीह दी निंदा करदा था, कने बसुआसी लोकां पर जुल्म करी नैं बड़ी बेरैहमिया नैं तिन्हां दा नकसान करदा था। अपर भिरी भी परमात्मे मिन्जो पर दया कित्ती, क्जोकि मिन्जो नीं पता था कि मैं क्या करा दा ऐ, कने तिस बग्ते तिकर मैं यीशु मसीह पर बसुआस नीं करदा था।

इब्रानियों 4:16

इसतांई ओआ, अहां परमात्मे दे सिंहासणे दे सामणै हिम्मत करी नैं चलण, जेह्ड़ा अनुग्रह नैं भरोया ऐ, ताह़लू परमात्मा अहां पर दया कने अनुग्रह करगा, जेह्ड़ा जरूरतां दे बग्त अहां दी मदत करदा ऐ।