1 पतरस 1:8 - काँगड़ी

⁸ बेसक तुहां प्रभु जो नीं दिख्या ऐ, भिरी भी तिस नैं प्यार रखदे हन, कने हुण तुहां तिसियो इस बग्त नीं दिक्खा दे हन, अपर तुहां तिस च बसुआस करदे हन, इसतांई तुहां खुसिया नैं बड़े भरी मग्न हुंदे हन, जेह्ड़ा महिमा नैं भरोया ऐ, कने जिसदा सब्दां च बखान करणा मुस्कल ऐ।

1 पतरस 1:8 Iomraidhean Croise

मत्ती 10:37

“जेह्ड़ा माँऊ या बुढ़े जो मिन्जो ते जादा प्यारा जाणदा ऐ, सैह़ मेरा चेला बणने जोग्गा नीं, कने जेह्ड़ा जागते या कुड़िया जो मिन्जो ते जादा प्यारा जाणदा ऐ, सैह़ मेरा चेला बणने जोग्गा नीं ऐ।

यूहन्ना 14:15

“जे तुहां मिन्जो नैं प्यार रखदे हन, तां मेरे हुक्मां जो मनगे।

यूहन्ना 14:21

जिस अल्ल मेरे हुक्म हन कने सैह़ तिन्हां जो मनदा ऐ, सैई मिन्जो नैं प्यार रखदा ऐ; कने जेह्ड़ा मिन्जो नैं प्यार रखदा ऐ तिस नैं मेरा पिता भी प्यार रखगा, कने मैं तिस नैं प्यार रखगा, कने अपणे आप्पे जो तिस पर प्रगट करगा।”

यूहन्ना 14:24

जेह्ड़ा मिन्जो नैं प्यार नीं रखदा, सैह़ मेरेयां वचनां नीं मनदा; कने जेह्ड़ा वचन तुहां सुणदे हन, सैह़ मेरा नीं अपर पिता दा ऐ, जिन्हीं मिन्जो घल्लेया।

यूहन्ना 16:22

तिंआं ई तुहां जो भी हुण तां दुख ऐ, अपर जाह़लू मैं तुहां नैं भिरी मिलगा, तां तुहां बड़े खुस होई जांगे; कने तुहां दिया खुसिया जो कोई तुहां ते खोई नीं सकदा।

यूहन्ना 20:29

यीशुयैं तिस नैं ग्लाया, “क्या तैं दिक्खी नैं मिन्जो पर बसुआस कित्ता ऐ? धन हन सैह़ जिन्हां मिन्जो नीं दिख्या, भिरी भी बसुआस कित्ता।”

यूहन्ना 8:42

यीशुयैं तिन्हां नैं ग्लाया, “जे परमात्मा तुहां दा पिता हुंदा, तां तुहां मिन्जो नैं प्यार रखदे; क्जोकि मैं परमात्मे दे पास्से ते आया। मैं अप्पु ते नीं आया, अपर तिन्हीं मिन्जो घल्लेया।

प्रेरितां दे कम्म 16:34

ताह़लू जेलर पौलुस कने सीलासे जो अपणे घरेयो लेईआ कने तिन्हां जो खाणे जो दित्ता, कने पूरे परवारे सौगी परमात्मे पर बसुआस करी नैं बड़े खुस थे।

रोमियो 14:17

क्जोकि परमात्मे दा राज्ज च खाणा-पीणा इतणी जरूरी गल्ल नीं ऐ, अपर जरूरी गल्ल एह़ ऐ, कि परमात्मे सौगी धर्मी ज़िन्दगी जीणा, सांति कने खुसी ऐ, जेह्ड़ी पवित्र आत्मा दे जरिये मिलदी ऐ।

रोमियो 15:13

मैं प्रार्थना करदा ऐ, कि परमात्मा जेह्ड़ा आसा दा दाता ऐ, तुहां जो बसुआस करणे च हर तरीके नैं खुसी कने सांतिया नैं भरैं, कि पवित्र आत्मा दिया सामर्थी ते तुहां दी उम्मीद बधदी जां।

1 कुरिन्थियों 16:22

हे अहां दे प्रभु, आ।

2 कुरिन्थियों 12:4

कि मैं सुअर्गे पर चुक्की लेआ था, कने देहई गल्ल सुणी जेह्ड़ी ग्लाणे आल़ी नीं ऐ। कने जेह्ड़ा मुँऐ पर लेयोणा माणुये जो ठीक नीं ऐ।

2 कुरिन्थियों 4:18

कने अहां तां दिक्खियां चीज्जां जो नीं अपर अणदिखियां चीज्जां जो दिक्खदे रैंह्दे हन। क्जोकि दिक्खियां चीज्जां थोड़े ई दिनां दियां हन, अपर अणदिखियां चीज्जां हमेसा बणी रैंह्दियां हन।

2 कुरिन्थियों 5:7

क्जोकि अहां मसीह पर बसुआस करी नैं जीआ दे हन, ना कि तिन्हां चीज्जां पर जेह्ड़ियां अहां दिक्खदे दे हन।

2 कुरिन्थियों 9:15

परमात्मे दा, तिसदे दान तांई जेह्ड़ा बखान करणे ते बाहर ऐ, तिसदा धन्यावाद होयैं।

गलातियों 5:22

अपर पवित्र आत्मा दा फल़ प्यार, खुसी, सांति, सबर, दया, भलाई, बसुआस,

गलातियों 5:6

जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।

इफिसियों 3:19

कने मैं प्रार्थना करदा ऐ, कि तुहां मसीह दे तिस प्यारे जो जाणी सकन, जिसते तुहां दा सभाव परमात्मे दे सभावे साइआं बणी जां।

इफिसियों 6:24

जेह्ड़े अहां दे प्रभु यीशु मसीह नैं सच्चा प्यार रखदे हन, तिन्हां सबना पर अनुग्रह हुंदा रैंह्।

फिलिप्पियों 1:25

इसतांई कि मिन्जो इसदा भरोसा ऐ, कने मैं जाणदा ऐ, कि मैं जिन्दा रैंह्गा, हलांकि तुहां सारेयां सौगी रैंह्, जिसते मैं तुहां जो बसुआसे च मजबूत करणे कने तिस च खुस रैहणे च तुहां दी मदत करगा।

फिलिप्पियों 3:3

क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

फिलिप्पियों 4:4

प्रभु च सदा खुस रेह्आ। मैं भिरी ग्लांदा ऐ, खुस रेह्आ।

इब्रानियों 11:1

हुण बसुआस आसा कित्तियां चीज्जां दा पक्का कित्या होएया, कने अणदिखियां चीज्जां दा सबूत ऐ।

इब्रानियों 11:27

बसुआसे ते ई राजे दे गुस्से ते नीं डरी करी मूसैं मिस्र देसे जो छड्डी दित्ता, क्जोकि सैह़ जाणी गेआ, कि सैह़ अणदिखे परमात्मे जो दिक्खा दा ऐ।

1 पतरस 1:6

तुहां जो इन्हां सारियां गल्लां च खुस होणा चाइदा, बेसक हुण तुहां थोड़े बग्ते तांई लग्ग-लग्ग दुखां दिया बज़ाह ते दुखी हन।

1 पतरस 2:7

एह़ पत्थर तुहां तांई जेह्ड़े यीशु मसीह पर बसुआस करदे हन बड़ा भरी कीमती ऐ, अपर पवित्रशास्त्र तिन्हां लोकां दे बारे च जेह्ड़े बसुआस नीं करदे एह़ ग्लांदा ऐ: “जिस पत्थरे जो राजमिस्त्रियां बेकार समझेया था, सैई कुणे दा सिरा बणी गेआ,”

1 पतरस 5:4

कने जाह़लू अहां दा प्रधान गुआल़ा यीशु मसीह बापस ओंगा, तां तुहां जो महिमा दा मुकट दित्ता जांगा जेह्ड़ा कदी अपणी चमक नीं गुआंगा।