1 पतरस 1:7 - काँगड़ी

⁷ इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

1 पतरस 1:7 Iomraidhean Croise

मत्ती 19:28

यीशुयैं तिन्हां नैं ग्लाया, “मैं तुहां नैं सच्च ग्लांदा ऐ, कि नौईआ सृष्टिया च जाह़लू माणु दा पुत्तर अपणी महिमा दे सिंहासणे पर बैंगा, तां तुहां भी जेह्ड़े मिन्जो पचांह़ चली पैयो, बारांह सिंहासणे पर बेई नैं इस्राएल देसे दे बारांह गोत्रां दा न्याय करगे।

मत्ती 25:21

तिसदे मालकैं तिस नैं ग्लाया, ‘धन, हे अच्छे कने बसुआसे जोग्गे दास, तू थोड़ी धन दौलता जो सम्भाल़णे च ईमानदार रेह्आ; मैं तिज्जो मतिआं चीज्जां दा अधिकारी बणांगा। अपणे मालके दिया खुसिया च साझीदार बण।’

मत्ती 25:23

तिसदे मालकैं तिस नैं ग्लाया, ‘धन, हे अच्छे कने बसुआसे जोग्गे दास, तू भी बड़ी थोड़ी धन दौलता जो सम्भाल़णे च ईमानदार रेह्आ; मैं तिज्जो मतिआं चीज्जां दा अधिकारी बणांगा। अपणे मालके दिया खुसिया च साझीदार बण।’

लूका 12:33

अपणिया धन दौलता बेची करी दान करी देआ; अपणे तांई ऐदेय बटुए बणा जेह्ड़े पराणे नीं हुंदे, ग्लाणे दा मतलब एह़ ऐ कि सुअर्गे च इतणा धन दौलत कठ्ठेरा जेह्ड़ी घटदी नीं कने जिस अल्ल चोर नीं जांदा, कने कीड़ा नीं लगदा।

लूका 17:30

“मैं माणुये दे पुत्तर जाह़लू दुवारी बापस ओंगा, तां तिन्हां दिनां च भी इआं ई हुंगा।

यूहन्ना 12:26

जे कोई मेरी सेवा करणा चां, तां सैह़ मेरा चेला बणैं; कने जित्थु मैं ऐ, तित्थु मेरा चेला भी हुंगा। जे कोई मेरी सेवा करैं, तां पिता तिसदा आदर करगा।

यूहन्ना 5:44

तुहां मिन्जो च बसुआस किंआं करी सकदे हन, क्जोकि तुहां जेह्ड़े इक्की दूये ते आदर चांह़दे हन। कने सैह़ आदर जेह्ड़ा सिर्फ इक्क सच्चे परमात्मे दे पास्से ते ऐ तिसियो नीं पाणा चांह़दे।

प्रेरितां दे कम्म 8:20

पतरस तिस नैं ग्लाणा लग्गा, “तू कने तेरे पैसे नास होन, क्जोकि तैं परमात्मे दा दान पैसेयां नैं खरीदणे दा बचार कित्ता।

रोमियो 2:10

अपर हर इक्क खरे कम्म करणे आल़े जो महिमा, आदर कने सांति मिलगी। परमात्मा सबना ते पैहल्ले यहूदी लोकां जो तिसते बाद यूनानी लोकां जो दिंगा।

रोमियो 2:29

अपर सच्चा यहूदी सैई ऐ जिसदा मन परमात्मे च ऐ। कने सच्चा खतणा सिर्फ मूसा दी व्यबस्था मन्नणे ते नीं, अपर परमात्मे दिया आत्मा दे कम्मे दे जरिये मन बदलणा ऐ। ऐदेय लोकां दी बड़ेयाई माणुआं ते नीं अपर परमात्मे दे पास्से ते हुंदी ऐ।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

रोमियो 8:19

क्जोकि सारी सृष्टि बड़ी आस लगाई नैं तिस बग्ते दा इन्तजार करा दी ऐ, कि काह़लू परमात्मा अपणे बच्चेयां जो प्रगट करगा।

1 कुरिन्थियों 3:13

अहां जेह्ड़ा कुच्छ भी इसा नीआ पर बणांदे हन, तां सैह़ न्याय आल़े दिने अग्गी नैं परखेया जांगा; ताह़लू सारे एह़ दिक्खगे कि तिन्हां इसा बणाणे तांई सोन्ना, चाँदी, कीमती पत्थर, लकड़ी, घाह, भूये दा इस्तेमाल कित्या ऐ।

1 कुरिन्थियों 4:5

इसतांई प्रभु दे बापस ओणे तिकर कुसी दा भी न्याय मत करा, जेह्ड़ा कुच्छ नेहरे च छुपेया ऐ कने कुसी दे दिले च ऐ, प्रभु तिसियो प्रगट करगा, ताह़लू परमात्मा अहां दी तारीफ करगा।

याकूब 1:12

धन ऐ सैह़ माणु, जेह्ड़ा परीक्षा च पक्का रैंह्दा ऐ, क्जोकि सैह़ परीक्षा च सफल होई नैं सदा दी ज़िन्दगिया दा सैह़ मुकट पांगा जेह्ड़ा वादा परमात्मे अपणे प्यार करणे आल़ेआं नैं कित्या ऐ।

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 1:5

कने तुहां दे बसुआसे दिया बज़ाह ते परमात्मा तुहां जो अपणी सामर्थी दे जरिये ताह़लू तिकर बचा दा ऐ, जाह़लू तिकर तुहां तिस उद्धारे जो हासल नीं करी लैन, जेह्ड़ा तिस आखरी दिने जो प्रगट होणे तांई त्यार ऐ, तांजे सारे तिसियो दिक्खी सकन।

1 पतरस 2:4

जिंआं तुहां तिस अल्ल ओंदे हन, जेह्ड़ा जिन्दा पत्थर ऐ, जिसियो लोकां तां छड्डी दित्ता, अपर परमात्मे तांई सैह़ कीमती कने जिन्दा पत्थर ऐ, जिसियो तिन्हीं चुणेया ऐ।

1 पतरस 2:7

एह़ पत्थर तुहां तांई जेह्ड़े यीशु मसीह पर बसुआस करदे हन बड़ा भरी कीमती ऐ, अपर पवित्रशास्त्र तिन्हां लोकां दे बारे च जेह्ड़े बसुआस नीं करदे एह़ ग्लांदा ऐ: “जिस पत्थरे जो राजमिस्त्रियां बेकार समझेया था, सैई कुणे दा सिरा बणी गेआ,”

1 पतरस 4:12

हे प्यारे साथी बसुआसियो, जेह्ड़े दर्दनाक दुख तुहां झेलदे हन, तिन्हां दे बारे च हरान मत होआ, क्जोकि तुहां मसीह दे हन। एह़ गल्लां तां होआ दियां हन जिसते एह़ पता लग्गैं कि तुहां सच्च बिच्च परमात्मे पर बसुआस करदे हन। इसतांई मत सोचा कि तुहां सौगी कुच्छ अजीब होआ दा ऐ।

1 पतरस 4:13

अपर तुहां इस च खुस रेह्आ, कि तुहां यीशु मसीह दे दुखां च साझीदार होएयो हन, तांजे जाह़लू तिसदी महिमा प्रगट होयैं, तां तुहां खुसिया नैं भरोई जान।

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

2 पतरस 1:4

क्जोकि तिसदिया महिमा कने भलाईया दे जरिये तिन्हीं अहां जो बड़े म्हान कने कीमती वादे दित्यो हन, तांजे जेह्ड़ा भ्रष्टाचार इस संसारे च बुरिआं इच्छां दिया बज़ाह ते हुंदा ऐ, तिसते छुटी करी परमात्मे दे सभावे च साझीदार होई जान।

2 पतरस 3:14

इसतांई, हे मेरे प्यारे साथी बसुआसियो, जाह़लू कि तुहां तिस न्याय आल़े दिने दी आस रखदे हन, तां कोसस करा कि तुहां सांतिया नैं तिस सामणै बेदाग कने बेकसूर ठैह़रन,

यहूदा 1:24

कने हुण परमात्मा तिस धोखे ते बचाई सकदा ऐ, जेह्ड़ा तुहां जो पापी ज़िन्दगिया ते मिलदा ऐ। सैह़ तुहां जो जेह्ड़ा महिमा नैं भरोया ऐ खुसिया नैं कने बेकसूर करी नैं अप्पु सामणै खरेड़ी सकदा ऐ,

प्रकाशितवाक्य 1:7

दिक्खा, सैह़ बदल़ां सौगी ओणे आल़ा ऐ, कने हर कोई तिसियो दिक्खगा, अपर जिन्हां तिसियो सूल़िया पर मारेया था सैह़ भी तिसियो दिक्खगे, कने धरतिया दे सारे लोक तिसदिया बज़ाह ते जोरे नैं रोंगे। हाँ, एह़ जरूर हुंगा! आमीन।

प्रकाशितवाक्य 2:10

जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।

प्रकाशितवाक्य 3:18

इसतांई मैं तिज्जो इक्क सलाह दिंदा ऐ कि अग्गी च तपाया सोन्ना मिन्जो ते खरीदी लै कि तू दौलतमंद होई जां, कने चिट्टे कपड़े लेई लै कि पैहनी करी तिज्जो अपणे नंगेपन दी सर्म नीं होयैं, कने अपणियां अखीं च मल़णे तांई सुर्मा लै कि तू दिक्खणा लग्गी पोयैं।