1 पतरस 1:25 - काँगड़ी

²⁵ अपर प्रभु दा वचन जुगा-जुग मजबूत बणी रैंह्दा ऐ।” कने ऐई सुसमाचारे दा सैह़ वचन ऐ जेह्ड़ा प्रभु यीशु मसीह दे बारे च तुहां जो सणाया था।

1 पतरस 1:25 Iomraidhean Croise

मत्ती 5:18

क्जोकि मैं तुहां जो सच्च ग्लांदा ऐ, कि जाह़लू तिकर अम्बर कने धरती टल़ी नीं जां, ताह़लू तिकर व्यबस्था ते इक्क मात्रा या इक्क बिंदु भी पूरा होये बगैर नीं टलगा। एह़ व्यबस्था ताह़लू तिकर रैहणी ऐ, जाह़लू तिकर तिसादा मकसद पूरा नीं होई जां।

लूका 16:17

जाह़लू तिकर अम्बर कने धरती टल़ी नीं जां, ताह़लू तिकर व्यबस्था ते इक्क मात्रा या इक्क बिंदु भी पूरा होये बगैर नीं टलगा। एह़ व्यबस्था ताह़लू तिकर रैहणी ऐ, जाह़लू तिकर तिसादा मकसद पूरा नीं होई जां।

यूहन्ना 1:1

सारी सृष्टिया दे सुरू होणे ते पैहल्ले वचन था, कने सैह़ वचन परमात्मे सौगी था। कने सैह़ वचन परमात्मा था।

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

1 कुरिन्थियों 2:2

क्जोकि मैं एह़ फैसला करी लेआ था कि मैं यीशु मसीह जो कने तिसदिया सूल़िया दिया मौत्ती जो छड्डी नैं होर कुसी भी गल्ला जो नीं जाणेया।

इफिसियों 2:17

कने मसीयैं आई नैं तुहां जो जेह्ड़े होरनी जातिआं आल़े हन परमात्मे ते दूर थे कने यहूदी लोकां जो जेह्ड़े नेड़े थे दून्नी जो मेल-जोल दा सुसमाचार सणाया।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

तीतुस 1:3

कने हुण ठीक बग्ते पर परमात्मे अहां पर सुसमाचारे जो प्रगट कित्या ऐ। अहां दे उद्धार करणे आल़े परमात्मे मिन्जो एह़ जिम्मेवारी दित्तियो ऐ, कने इस कम्मे जो करणे तांई हुक्म दित्या ऐ।

इब्रानियों 6:5

कने तिन्हां परमात्मे दे पास्से ते ओणे आल़े संदेसे जो मसूस कित्ता ऐ, जेह्ड़ा खरा ऐ, कने तिन्हां ओणे आल़े बग्ते दिया सामर्थी जो भी मसूस कित्ता ऐ।

1 पतरस 1:12

अपर परमात्मे तिन्हां भविष्यवक्तां जो एह़ ग्लाया, कि तिन्हां दियां गल्लां तिन्हां तांई नीं, अपर तुहां तांई हन, सैह़ सुसमाचार यीशु मसीह दे बारे च ऐ जेह्ड़ा तुहां हुण सुणेया ऐ। परमात्मे तुहां जो सुसमाचार सणाणे तांई सुअर्गे ते पवित्र आत्मा घल्ली नैं लोकां दी मदत कित्ती, कने एह़ बड़ी अनोखी गल्ल ऐ कि सुअर्गदूत भी बड़े चाये नैं इन्हां चीज्जां जो हुंदे दिक्खा दे हन।

1 पतरस 1:23

तुहां एह़ ज़िन्दगी परमात्मे दे पास्से ते नौई हासल कित्तियो ऐ, क्जोकि तुहां जो एह़ ज़िन्दगी तिसा चीज्जा दे जरिये हासल नीं कित्ती, जेह्ड़ी नास होई जांदी ऐ, अपर तिसा चीज्जा जरिये जेह्ड़ी सदा बणी रैंह्दी ऐ, कने सैह़ चीज्ज परमात्मे दा जिन्दा कने हमेसा रैहणे आल़ा वचन ऐ।

1 पतरस 2:2

तुहां च परमात्मे दे वचने जो सीखणे दी इच्छा होणी चाइदी, ठीक तिंआं ई जिंआं इक्क दुद पीणे आल़ा बच्चा अपणिया माँऊ ते दूदे दी इच्छा रखदा ऐ, तांजे तुहां आत्मिकता च मजबूत होई जान। ताह़लू परमात्मा तुहां जो इस संसारे दे बुरे कम्मां ते पूरे तरीके नैं बचाई लैंगा।

2 पतरस 1:19

इस तजुरबे दे जरिये अहां जो भविष्यवक्तां दे जरिये ग्लायो वचनां पर होर भी जादा भरोसा होई गेआ ऐ जेह्ड़े वचन तिन्हां लिख्यो हन। जाह़लू तिकर प्रभु यीशु मसीह बापस नीं आई जां, तुहां जो तिन्हां वचनां पर बड़िया बरीकिया नैं ध्यान दैणा चाइदा। तिसदे बापस ओणे दी रोशनी भ्यागा दिया निकल़दिया पैहल्लिया रोशनिया साइआं होणी ऐ, जेह्ड़ी तुहां दे मनां च चमकगी, कने परमात्मे जो तुहां पर प्रगट करगी। क्जोकि जिंआं इक्क दीय्या लोकां जो नेहरे च चलणे तांई मदत करदा ऐ, तिंआं ई एह़ वचन तुहां जो सच्च जाणने तांई मदत करगे।

1 यूहन्ना 1:1

अहां इक्क ऐदेय माणुये दे बारे च लिखा दे हन, जेह्ड़ा ज़िन्दगिया दा वचन ऐ। सैह़ सृष्टिया दे पैहल्ले ते ई था, तिसियो अहां सुणेया, कने अपणियां अखीं नैं कने ध्याने दिख्या, ऐत्थु तिकर अहां तिसियो अपणे हत्थां नैं भी छुता।

1 यूहन्ना 1:3

जेह्ड़ा कुच्छ अहां दिख्या कने सुणेया ऐ तिसदा समाचार तुहां जो भी दिंदे हन, तांजे तुहां भी अहां सौगी संगति रखन; कने अहां दी एह़ संगति पिता सौगी कने तिसदे पुत्तर यीशु मसीह सौगी ऐ।

प्रकाशितवाक्य 14:6

भिरी मैं इक्क होर सुअर्गदूते जो अम्बरे च उड़दे दिख्या, जिस अल्ल संसारे दे लोकां दी हर इक्क जाति, गोत्र, भासा, कने लोकां जो सणाणे तांई सदा काल दा सुसमाचार था।