1 पतरस 1:23 - काँगड़ी

²³ तुहां एह़ ज़िन्दगी परमात्मे दे पास्से ते नौई हासल कित्तियो ऐ, क्जोकि तुहां जो एह़ ज़िन्दगी तिसा चीज्जा दे जरिये हासल नीं कित्ती, जेह्ड़ी नास होई जांदी ऐ, अपर तिसा चीज्जा जरिये जेह्ड़ी सदा बणी रैंह्दी ऐ, कने सैह़ चीज्ज परमात्मे दा जिन्दा कने हमेसा रैहणे आल़ा वचन ऐ।

1 पतरस 1:23 Iomraidhean Croise

मत्ती 24:35

अम्बर कने धरती टल़ी सकदे हन, अपर मेरियां गल्लां कदी नीं टली सकदियां।

लूका 8:11

“उदारणे दा मतलब एह़ ऐ, बीई परमात्मे दा वचन ऐ।

यूहन्ना 1:13

सैह़ ना तां माँ-बुढ़े ते, ना तां सरीरे दिया इच्छा ते, ना तां माणुये दिया मर्जिया ते अपर परमात्मे दिया इच्छा दे मताबक पैदा होएया ऐ।

यूहन्ना 1:3

कने परमात्मैं सब कुच्छ तिसदे जरिये बणाया गेआ ऐ, कने जेह्ड़ा कुच्छ बणाया गेआ ऐ, तिस च कोई भी चीज्ज तिसदे बिना नीं बणियो।

यूहन्ना 3:3

यीशुयैं तिस जो जवाब दित्ता, “मैं तिज्जो नैं सच्च-सच्च ग्लांदा, जे कोई दूई बरी जन्म ना लैं, तां परमात्मे दे राज्जे जो कदी नीं दिक्खी सकदा।”

यूहन्ना 3:5

यीशुयैं जवाब दित्ता, “मैं तिज्जो नैं सच्च-सच्च ग्लांदा ऐ, जाह़लू तिकर कोई माणु पाणी कने आत्मा ते नीं जम्में तां सैह़ परमात्मे दे राज्जे च कदी नीं पुज्जी सकदा।

यूहन्ना 6:63

परमात्मे दा आत्मा ई ऐ, जेह्ड़ा सदा दी ज़िन्दगी दैणे आल़ा ऐ, अपर सरीर नीं देई सकदा; जेह्ड़े वचन मैं तुहां नैं ग्लाये सैह़ आत्मिक भी हन, कने सदा दी ज़िन्दगी भी दिंदे हन।

रोमियो 1:23

कने तिन्हां हमेसा जिन्दे रैहणे आल़े प्रतापी परमात्मे दिया महिमा जो छड्डी करी, नास होणे आल़े माणुआं, पंछियां, चिड़ियां, कने रैंगणे आल़े जन्तुआं दी मूर्तिया दी महिमा कित्ती।

इब्रानियों 4:12

क्जोकि परमात्मे दा वचन जिन्दा कने असरदार ऐ, कने सैह़ हर इक्क दूँ धारां आल़िआ तलवारा ते भी बड़ा पैना ऐ। कने प्राणा, आत्मा जो, कने गठ्ठी-गठ्ठी कने गूदे-गूदे जो लग्ग करी नैं आर पार बिन्नदा ऐ; कने मने दियां इच्छां कने बचारां जो जांचदा ऐ।

याकूब 1:18

तिन्हीं अपणिया इच्छा दे मताबक अहां जो सच्चाई दे वचनां दे जरिये नौई ज़िन्दगी दित्तियो ऐ, तांजे अहां सारियां चीज्जां च जेह्ड़ियां परमात्मे बणाईयां हन तिन्हां च खास होन, जिंआं फसला दा पैहल्ला फल़ खास हुंदा ऐ।

1 पतरस 1:25

अपर प्रभु दा वचन जुगा-जुग मजबूत बणी रैंह्दा ऐ।” कने ऐई सुसमाचारे दा सैह़ वचन ऐ जेह्ड़ा प्रभु यीशु मसीह दे बारे च तुहां जो सणाया था।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,

1 यूहन्ना 3:9

जेह्ड़े कोई भी परमात्मे दे बच्चे हन, सैह़ लगातार पाप नीं करदे; क्जोकि तिसदी ज़िन्दगी तिन्हां च बणी रैंह्दी ऐ, कने सैह़ लगातार पाप करी ई नीं सकदे, क्जोकि सैह़ परमात्मे दे बच्चे हन।

1 यूहन्ना 5:18

अहां जाणदे हन, कि जेह्ड़ा कोई परमात्मे दा बच्चा ऐ, सैह़ लगातार पाप नीं करदा; अपर जेह्ड़े परमात्मे दे पुत्तर यीशु मसीह दे बच्चे हन, तिन्हां जो सैह़ बचाई रखदा ऐ, कने सैह़ सैतान तिन्हां जो छुई नीं पांदा।