1 पतरस 1:22 - काँगड़ी

²² क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

1 पतरस 1:22 Iomraidhean Croise

यूहन्ना 15:17

इन्हां गल्लां दे हुक्म मैं तुहां जो इसतांई दित्ते कि तुहां इक्की दूये नैं प्यार रखन।

यूहन्ना 15:3

तुहां तां तिन्हां वचनां दिया बज़ाह ते जेह्ड़े मैं तुहां नैं ग्लाये हन, सुद्ध हन।

यूहन्ना 17:17

तेरे वचनां च सच्चाई ऐ, कने सच्चाईया नैं तिन्हां जो पवित्र कर।

यूहन्ना 17:19

कने तिन्हां तांई मैं अप्पु जो पवित्र करदा, तांजे सैह़ भी सच्चाईया नैं पवित्र कित्ते जान।

प्रेरितां दे कम्म 15:9

कने बसुआसे दिया बज़ाह ते तिन्हां दे मन साफ करी नैं अहां च कने तिन्हां च कोई भेत नीं रखेया,

प्रेरितां दे कम्म 6:7

कने परमात्मे दा वचन फैलदा गेआ कने यरूशलेम सैहरे च चेलेयां दी गिणती बड़ी बधदी गेई; कने यहूदी याजकां दा इक्क बड़ा बड्डा समाज यीशु मसीह दियां इन्हां सिक्षां जो अपनाणा लग्गा।

रोमियो 1:5

मसीह दे जरिये मिन्जो अनुग्रह कने प्रेरित दी सेवकाई मिल्ली कि तिसदे नांऐ दिया बज़ाह ते सारी जातिआं दे लोक मसीह पर बसुआस करी नैं तिसदी मनन,

रोमियो 2:8

अपर जेह्ड़े लोक सुवार्थी हन कने सच्च जो नीं मनदे अपर बुरे कम्मां जो करदे हन, तिन्हां पर परमात्मा अपणा गुस्सा कने कोप दस्सगा।

रोमियो 8:13

क्जोकि जे तुहां पापी सभावे मताबक ज़िन्दगी जींगे तां परमात्मे ते दूर होई जांगे, जे पवित्र आत्मा दिया सामर्थी दे जरिये पापी सभावे जो मारगे तां जिन्दा रैंह्गे।

2 कुरिन्थियों 6:6

पवित्रता नैं, ज्ञान नैं, सबर रखी नैं, दया करी नैं, पवित्र आत्मा नैं,

गलातियों 3:1

हे नासमझ गलातिया दे बसुआसियो कुणी तुहां दियां अखीं पर पड़दा पाई दित्या ऐ? अहां तां तुहां जो खरे कित्ते समझाया कि क्जो यीशु मसीह सूल़िया पर मरेया।

गलातियों 5:5

मैं एह़ ग्लाई सकदा ऐ, क्जोकि अहां जो पवित्र आत्मा दे पास्से ते पूरा भरोसा ऐ, कि परमात्मा अहां जो धर्मियां साइआं अपनांगा, क्जोकि अहां यीशु मसीह पर बसुआस करदे हन।

गलातियों 5:7

तुहां मसीह सौगी गांह बधणे च खरी तरक्की करा दे थे। हुण तुहां जो मसीह दी सच्चाईया जो नीं मन्नणे ते कुणी रोकी दित्ता?

इफिसियों 4:3

कने इसियो अपणिया तरफा ते खरा करणे दी कोसस करदे रेह्आ, तांजे तुहां लगातार मिल्ली नैं रैह़न, क्जोकि परमात्मे दिया आत्मा दे जरिये तुहां इक्क कित्यो हन।

फिलिप्पियों 1:9

मैं एह़ प्रार्थना करदा ऐ, कि तुहां दा इक्की दूये नैं प्यार, ज्ञान कने पूरिया समझा नैं होर भी बधदा जां,

1 थिस्सलुनीकियों 3:12

कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

2 थिस्सलुनीकियों 2:13

हे प्यारे साथी बसुआसियो, अहां जो हमेसा परमात्मे दा धन्यावाद करणा चाइदा, क्जोकि प्रभु तुहां नैं प्यार करदा ऐ। तुहां जो परमात्मैं सुरू ते ई चुणी लेआ कि आत्मा दे जरिये पवित्र बणी करी, कने सच्चाईया दा बसुआस करी नैं उद्धार पा।

1 तीमुथियुस 1:3

मैं तिज्जो भिरी ग्ला दा ऐ, जेह्ड़ा तिज्जो नैं इफिसुस सैहरे जो छड्डी करी मकिदुनिया प्रदेसे जो जाणे ते पैहल्लैं करणे जो दस्सेया था, कि तिन्हां झूठे सिक्षकां जो हुक्म देई नैं रोका कि झूठी सिक्षा मत देआ,

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 5:2

बुढियां जणासां जो अपणिया माँऊ साइआं समझी करी; कने जुआन जणासां जो पूरी पवित्रता नैं बैह्णी साइआं समझी करी प्यारे नैं समझाई दे।

2 तीमुथियुस 1:14

कने पवित्र आत्मा दे जरिये जेह्ड़ा अहां च बसदा ऐ, इस सुसमाचारे दी रखवाल़ी कर।

इब्रानियों 11:8

बसुआसे ते ई अब्राहमे जो जाह़लू परमात्मे इक्क जगाह च जाणे तांई सद्देया, तां सैह़ हुक्म मन्नी करी तिसा जगाह जो चली गेआ, जित्थु परमात्मा तिसियो तिसदे हिस्से दी जमीन दैणे आल़ा था। कने सैह़ एह़ नीं जाणदा था, कि मैं कुत्थू चलेया ऐ भिरी भी सैह़ चली गेआ।

इब्रानियों 13:1

अप्पु च बैह्णी-भाऊआं साइआं प्यार रखा।

इब्रानियों 5:9

कने सिद्ध बणी करी, अपणे सारे हुक्म मन्नणे आल़ेआं तांई सदा काल दे उद्धारे दी बज़ाह होई गेआ,

इब्रानियों 6:10

क्जोकि परमात्मा गलत फैसला नीं करदा ऐ, कि तुहां दे कम्मां कने तिस प्यारे जो भुल्ली जां, जेह्ड़ा तुहां तिसदे नांऐ तांई इस तरीके नैं दस्सेया, कि तिसदे लोकां दी सेवा कित्ती कने करा दे भी हन।

इब्रानियों 9:14

तां मसीह दा खून, जिन्हीं अपणे आप्पे जो सदा जिन्दा रैहणे आल़ी आत्मा दे जरिये परमात्मे सामणै बेकसूर बल़िया दे रूपे च चढ़ाई दित्ता, जिन्दे परमात्मे दी सेवा करणे तांई अहां दे जमीरे जो पापी कम्मां ते क्जो नीं सुद्ध करगा?

याकूब 1:21

इसतांई सारे मनां दे मैल कने बैर बरोधां दी बढ़तिया जो दूर करी नैं, परमात्मे दे वचनां जो नम्रता नैं मन्नी लेआ, जेह्ड़ा मने च रखेया ऐ सैई तुहां दे प्राणा दा उद्धार करी सकदा ऐ।

याकूब 4:8

परमात्मे नेड़े ओआ तां सैह़ भी तुहां दे नेड़े ओंगा। हे पापियो, अपणिया ज़िन्दगिया ते पाप दूर करा। कने हे दोगले लोको अपणे मनां जो पवित्र करा।

1 पतरस 1:2

पिता परमात्मे बड़ी पैहल्ले ते तुहां जो अपणे लोक होणे तांई कने पवित्र आत्मा दे जरिये पवित्र करणे तांई फैसला लेई लेआ था, तिन्हीं एह़ तां कित्ता कि तुहां यीशु मसीह जो मनन कने तिसदे खूने दे जरिये सुद्ध होन। मैं प्रार्थना करदा ऐ, कि परमात्मा तुहां जो बड़ा जादा अनुग्रह कने सांति दिंदा रैंह्।

1 पतरस 2:17

साबना दी इज्जत करा, बसुआसी बैह्णी-भाऊआं नैं प्यार रखा, परमात्मे ते डरा, कने बड्डे अधिकारियां दी इज्जत करा।

1 पतरस 3:1

हे लाड़ियों, अपणे-अपणे लाड़े दे इआं अधीन रेह्आ। जिसते कि जे तिन्हां च कोई परमात्मे दे वचने पर बसुआस करणे ते मन्ना करैं, तांजे सैह़ तुहां दे बिना कुच्छ ग्लांये तुहां दे सभावे जो दिक्खी करी बसुआस करी सकन। क्जोकि सैह़ दिक्खगियां कि तुहां कितणे सच्चे मने नैं परमात्मे दी अराधना करदे हन।

1 पतरस 3:20

एह़ तिन्हां दियां आत्मां हन जिन्हां बड़ी पैहल्ले परमात्मे दे हुक्मे जो नीं मन्नेया, जाह़लू नूह जाह्जे बणा दा था, तां परमात्मे बड़ा सबर रखी नैं इन्तजार कित्ता, कि एह़ लोक बची जान, अपर सिर्फ अठ माणु ई तिसा खतरनाक जल प्रलयै ते बची सके।

1 पतरस 3:8

आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।

1 पतरस 4:17

क्जोकि सैह़ बग्त आई रेह्आ ऐ कि परमात्मा पैहल्ले अपणे लोकां दा न्याय करैं, इसतांई कि जाह़लू सैह़ अहां बसुआसियां दा सबते पैहल्ले न्याय करगा तां तिन्हां खतरनाक गल्लां दे बारे च सोचा जेह्ड़ियां तिन्हां सौगी हुंगिया, जेह्ड़े परमात्मे दे सुसमाचारे जो नीं मनदे?

1 पतरस 4:8

साबना ते बड्डी गल्ल एह़ ऐ कि इक्की दूये नैं प्यार रखा, क्जोकि जे तुहां इक्की दूये नैं प्यार करदे हन तां तुहां हमेसा तिन्हां देयां अपराधां जो माफ करणे तांई त्यार रैंह्दे हन, जेह्ड़ियां तिन्हां कित्तियां हन।

2 पतरस 1:7

कने तुहां जो सिर्फ सैदई ज़िन्दगी ई नीं जीणी चाइदी, जेह्ड़ी परमात्मे जो खुस करदी ऐ, अपर तुहां जो दूयेयां सौगी अपणे परवारे साइआं प्यार भी करणा चाइदा, कने तुहां जो सिर्फ दूयेयां सौगी प्यार नीं रखणा चाइदा, अपर तुहां जो सारे लोकां नैं भी प्यार रखणा चाइदा।

1 यूहन्ना 3:11

जेह्ड़ा समाचार तुहां सुरू ते सुणेया, सैह़ एह़ ऐ कि अहां इक्की दूये नैं प्यार रखन;

1 यूहन्ना 3:23

परमात्मे दा हुक्म एह़ ऐ कि अहां तिसदे पुत्तर यीशु मसीह दे नांऐ पर बसुआस करन, कने जिंआं तिन्हीं अहां जो हुक्म दित्या ऐ तिसदे मताबक अप्पु च प्यार रखन।

1 यूहन्ना 4:12

परमात्मे जो कदी कुणी नीं दिख्या; जे अहां अप्पु च प्यार रखन, तां परमात्मा अहां च बणी रैंह्दा ऐ कने तिसदा प्यार अहां च सिद्ध होई गेआ ऐ।

1 यूहन्ना 4:20

जे कोई ग्लां, “मैं परमात्मे नैं प्यार रखदा ऐ,” अपर अपणे बसुआसी भाऊये नैं बैर रखैं; तां सैह़ झूठा ऐ; क्जोकि जेह्ड़ा अपणे बसुआसी भाऊये नैं, जिसियो तिन्हीं दिख्या ऐ, प्यार नीं रखदा, तां सैह़ परमात्मे नैं भी जिसियो तिन्हीं नीं दिख्या प्यार नीं रखी सकदा।

1 यूहन्ना 4:7

हे मेरे प्यारे साथी बसुआसियो, अहां अप्पु च प्यार रखन; क्जोकि प्यार परमात्मे ते ऐ। कने जेह्ड़ा कोई दूयेयां नैं प्यार करदा ऐ, सैह़ परमात्मे दा बच्चा ऐ, कने परमात्मे जो जाणदा ऐ।

प्रकाशितवाक्य 2:4

अपर मेरी तिज्जो नैं एह़ शकायत ऐ: कि तू मिन्जो नैं हुण सद्देया प्यार नीं करदा जदेया पैहल्लैं करदा था।