1 पतरस 1:21 - काँगड़ी

²¹ यीशु मसीह दे जरिये तुहां परमात्मे पर बसुआस करदे हन, तांजे तुहां दा बसुआस कने आसा तिस परमात्मे पर होयैं, जिन्हीं मसीह जो मरेयां ते जिन्दा कित्ता कने तिसियो महिमा दित्ती।

1 पतरस 1:21 Iomraidhean Croise

मत्ती 28:18

यीशुयैं तिन्हां अल्ल आई नैं ग्लाया, “सुअर्ग कने धरतिया दा सारा हक्क मिन्जो दित्या ऐ।

यूहन्ना 12:44

यीशुयैं भीड़ा दे लोकां जो जोरे नैं ग्लाया, “जेह्ड़ा मिन्जो पर बसुआस करदा ऐ, सैह़ मिन्जो पर नीं अपर मिन्जो घल्लणे आल़े पर बसुआस करदा ऐ।

यूहन्ना 14:1

यीशुयैं ग्लाया, “तुहां दा मन बेचैन ना होयैं; परमात्मे पर बसुआस रखा कने मिन्जो पर भी बसुआस रखा।

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

यूहन्ना 17:1

यीशुयैं अपणे चेलेयां नैं एह़ गल्लां ग्लाणे ते बाद सुअर्गे पास्से दिक्खी नैं ग्लाया, “हे पिता, सैह़ बग्त आई रेह्आ ऐ; अपणे पुत्तरे दी महिमा कर कि पुत्तर भी तेरी महिमा करैं,

यूहन्ना 17:24

हे पिता, मैं चांह़दा कि जिन्हां जो तैं मिन्जो दित्या ऐ, जित्थु मैं ऐ तित्थु सैह़ भी मिन्जो सौगी होन, कि सैह़ मेरी तिसा महिमा जो दिक्खन जेह्ड़ी तैं मिन्जो दित्ती ऐ, क्जोकि तैं संसारे दी सृष्टिया ते पैहल्ले मिन्जो नैं प्यार रखेया।

यूहन्ना 17:5

हुण हे पिता, तू अप्पु सौगी मेरी महिमा तिसा महिमा नैं कर जेह्ड़ी महिमा संसारे दिया सृष्टिया ते पैहल्ले, तिज्जो सौगी थी।

यूहन्ना 3:34

क्जोकि जिसियो परमात्मैं घल्लेया ऐ, सैह़ परमात्मे दियां गल्लां ग्लांदा ऐ, क्जोकि परमात्मा तिसियो पवित्र आत्मा नापी-नापी करी नीं दिंदा, अपर भरपूरी नैं दिंदा ऐ।

प्रेरितां दे कम्म 2:24

अपर तिसियो परमात्मैं मौत्ती दे बंधना ते छड्डाई करी जिन्दा कित्ता; क्जोकि तिस तांई सम्भव ई नीं था कि मौत्त तिसियो अपणे बसे च रखी पांदी।

प्रेरितां दे कम्म 3:13

अब्राहमे कने इसहाक कने याकूबे दे परमात्मा, अहां दे पूर्वजां दे परमात्मैं अपणे सेवक यीशु दी महिमा कित्ती, जिसियो तुहां पकड़ुआई दित्ता, कने जाह़लू पिलातुसैं तिसियो छड्डणे दा बचार कित्ता, ताह़लू तुहां तिसदे सामणै यीशुये जो नीं अपनाया।

प्रेरितां दे कम्म 3:15

कने तुहां सदा दी ज़िन्दगिया दा रस्ता दस्सणे आल़े जो तुहां मारी दित्ता, जिसियो परमात्मैं मरेयां ते जिन्दा कित्ता; कने इसा गल्ला दे अहां गवाह हन।

प्रेरितां दे कम्म 4:10

तां तुहां सारे कने इस्राएली लोक जाणी लैन कि यीशु मसीह नासरी दे नांऐ ते खरा कित्ता ऐ। जिस यीशुये जो तुहां सूल़िया पर चढ़ाई दित्या था, कने परमात्मैं तिसियो मरेयां ते दुवारी जिन्दा कित्ता, एह़ माणु तिस नांऐ दे जरिये तुहां दे सामणै भला चंगा खड़ोत्या ऐ।

रोमियो 10:9

जे तू अपणे मुँऐ नैं यीशुये जो प्रभु जाणी नैं अंगीकार करैं, कने अपणे मने च बसुआस करैं कि परमात्मैं तिसियो मरेयां ते जिन्दा कित्या, तां तू पक्का उद्धार पांगा।

रोमियो 4:24

अपर अहां तांई भी। जे अहां परमात्मे च बसुआस करगे, जिन्हीं अहां दे प्रभु यीशुये जो मरेयां ते जिन्दा कित्या, तां अहां भी बसुआसे दिया बज़ाह ते धर्मी गिणे जांगे।

2 कुरिन्थियों 6:15

कने मसीह दा बलियाल नांऐ दे सैताने सौगी क्या लगाव? या बसुआसिये सौगी बेबसुआसी दा क्या नाता?

इफिसियों 1:15

इसा बज़ाह ते, जाह़लू ते मैं प्रभु यीशु पर तुहां दे बसुआसे कने परमात्मे दे सारे लोकां तांई तुहां दे प्यारे दे बारे च समाचार सुणी नैं,

कुलुस्सियों 1:27

परमात्मैं एह़ फैसला लेआ कि तिसदे लोक इस सानदार कने महिमा आल़े रहस्य जो जाणी सकन, जेह्ड़ा सारे लोकां तांई तिस अल्ल ऐ। एह़ रहस्य मसीह अप्पु ई ऐ जेह्ड़ा तुहां च रैंह्दा ऐ, सिर्फ सैई महिमा तांई अहां दी उम्मीद ऐ।

1 तीमुथियुस 1:1

मैं पौलुस जेह्ड़ा अहां दे उद्धार करणे आल़े परमात्मे कने यीशु मसीह जिस पर अहां आसा रखदे हन, तिन्हां दे हक्के दे जरिये यीशु मसीह दा प्रेरित ऐ, तुहां जो एह़ चिठ्ठी लिखा दा ऐ।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

इब्रानियों 2:9

अपर अहां यीशुये जो जेह्ड़ा सुअर्गदूतां ते थोड़े बग्ते तांई घट रखेया था, मौत्ती दा दुख झेलणे दिया बज़ाह ते तिसियो महिमा कने आदरे दा मुकट पैहनेयो दिक्खदे हन, तांजे परमात्मे दे अनुग्रह ते सैह़ हर इक्क माणुये तांई मरें।

इब्रानियों 6:1

इसतांई जाह़लू अहां पैहल्ली बरी मसीह दे बारे सिखया, तां ओआ मसीह दी सिक्षा ते गांह बधी करी सिद्धता च तरक्की करन। अहां अपणे बुरे कम्मां ते मन बदली लैन जेह्ड़े मौत्ती पास्से लेई जांदे हन, कने परमात्मे पर बसुआस करणे दी दुवारी गल्ल नीं करणी चाइदी।

इब्रानियों 7:25

इसतांई जेह्ड़े यीशुये दे जरिये परमात्मे अल्ल ओंदे हन, सैह़ तिन्हां दा पूरा-पूरा उद्धार करी सकदा ऐ, क्जोकि सैह़ तिन्हां तांई विणती करणे जो सदा जिन्दा ऐ।

1 पतरस 1:11

मसीह दी आत्मा तिन्हां च थी, कने एह़ दस्सा दी थी कि किंआं मसीह दुख झेलगा कने किंआं तिसियो महिमा मिलगी। इसतांई तिन्हां एह़ छाण-बीण कित्ती कि मसीह सच्च बिच्च कुण हुंगा कने एह़ कुस बग्त हुंगा?

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,

1 पतरस 3:22

कने सैह़ सुअर्गे जो चली गेआ। जित्थु सैह़ हुण परमात्मे दे सज्जे पास्से ऐ, जेह्ड़ी बड़ी खास जगाह ऐ, कने सैह़ सारे सुअर्गदूतां, सारे अधिकारियां कने सारियां ताकतां ऊपर राज्ज करा दा ऐ।