1 पतरस 1:14 - काँगड़ी

¹⁴ जिंआं बच्चे अपणे बुढ़े दियां गल्लां मनदे हन, तिंआं ई तुहां भी परमात्मे दे हुक्मां जो मन्ना, क्जोकि तुहां भी तिसदे बच्चे हन, तिन्हां बुरे कम्मां जो मत करा, जिन्हां जो तुहां परमात्मे दिया सच्चाईया जो जाणने ते पैहल्ले करणे दी इच्छा रखदे थे।

1 पतरस 1:14 Iomraidhean Croise

प्रेरितां दे कम्म 17:30

इसतांई परमात्मैं लोकां दिया मूर्खता पर ध्यान नीं दित्ता, अपर हुण हर जगाह सारे माणुआं जो मने बदलणे दा हुक्म दिंदा ऐ।

रोमियो 12:2

कने इस संसारे दे लोकां साइआं मत बणा; अपर तुहां दे मनां दे पूरे बदली जाणे ते तुहां दा चाल-चलण भी बदलदा जां, जिसते तुहां परमात्मे दी खरी, कने मने जो भाणे आल़ी, कने सिद्ध इच्छा दा तजरबा करी नैं जाणदे रेह्आ।

रोमियो 6:4

इसतांई जाह़लू अहां बपतिस्मा लेआ तां अहां यीशु मसीह सौगी मारे कने दब्बे गै। तांजे जिंआं मसीह पिता परमात्मे दी महिमा दे जरिये मरेयां ते जिन्दा होई गेआ, तिंआं ई अहां भी इक्क नौई ज़िन्दगी जीन।

इफिसियों 2:2

तिस बग्ते च तुहां इस संसारे दे लोकां पचांह़ चलदे थे, जेह्ड़े परमात्मे जो नीं जाणदे, कने तुहां सैताने पचांह़ चल्ले जेह्ड़ा अम्बरे च दुष्टआत्मां पर राज्ज करणे आल़ा प्रधान ऐ। जेह्ड़ा हुण भी परमात्मे दा हुक्म नीं मन्नणे आल़ेआं च कम्म करदा ऐ।

इफिसियों 5:6

कोई तुहां जो एह़ ग्लाई नैं धोखा नीं दैं, कि जेह्ड़े लोक ऐदेय पाप करदे हन, परमात्मा तिन्हां लोकां जो सज़ा नीं दिंगा।

1 थिस्सलुनीकियों 4:5

तुहां जो होरनी जातिआं दे लोकां साइआं गंदे कम्म करणे दी इच्छा नीं करणी चाइदी, जेह्ड़े परमात्मे जो नीं जाणदे हन।

1 पतरस 1:2

पिता परमात्मे बड़ी पैहल्ले ते तुहां जो अपणे लोक होणे तांई कने पवित्र आत्मा दे जरिये पवित्र करणे तांई फैसला लेई लेआ था, तिन्हीं एह़ तां कित्ता कि तुहां यीशु मसीह जो मनन कने तिसदे खूने दे जरिये सुद्ध होन। मैं प्रार्थना करदा ऐ, कि परमात्मा तुहां जो बड़ा जादा अनुग्रह कने सांति दिंदा रैंह्।