1 पतरस 1:13 - काँगड़ी

¹³ इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 1:13 Iomraidhean Croise

मत्ती 20:4

कने तिन्हां नैं ग्लाया, ‘तुहां भी अंगूरा दे बागे च जा, कने जेह्ड़ा कुच्छ ठीक ऐ, तुहां जो दिंगा, सैह़ भी कम्म करणा गै।’

लूका 12:35

“परमात्मे दे कम्मां तांई तुहां हमेसा त्यार रेह्आ, जिंआं कम्म करणे तांई लोक कमर कसी नैं सारी रात दीय्ये बाल़ी करी त्यार रैंह्दे हन।

लूका 17:30

“मैं माणुये दे पुत्तर जाह़लू दुवारी बापस ओंगा, तां तिन्हां दिनां च भी इआं ई हुंगा।

लूका 17:8

नीं अपर सैह़ ग्लांगा, कि मेरा खाणा त्यार कर, कने जाह़लू तिकर मैं खां-पीयैं ताह़लू तिकर कमरा कसी नैं मेरी सेवा कर; तिसते बाद तूंमी खाई पी लेआं।

रोमियो 13:13

अहां दा सभाव बग्ते दे मताबक कने दिने साइआं खरा होणा चाइदा, ना कि लीला क्रीड़ा, पियक्कड़पण च, ना ब्यभिचार च, कने ना लुचपण च, कने ना झगड़े कने ना जल़निया च।

रोमियो 8:19

क्जोकि सारी सृष्टि बड़ी आस लगाई नैं तिस बग्ते दा इन्तजार करा दी ऐ, कि काह़लू परमात्मा अपणे बच्चेयां जो प्रगट करगा।

1 कुरिन्थियों 1:7

ऐई बज़ाह ऐ कि जाह़लू तुहां अहां दे प्रभु यीशु मसीह दा बापस ओणे दा बेसबरिया नैं इन्तजार करा दे हन, तां हुण तुहां अल्ल सैह़ सारे आत्मिक वरदान हन, जिन्हां दी तुहां जो जरूरत ऐ।

1 कुरिन्थियों 13:13

अपर हुण बसुआस, आसा, कने प्यार एह़ त्रीनो हमेसा बणी रैंह्दे हन, अपर इन्हां सबना ते ऊपर प्यार ऐ।

इफिसियों 6:14

इसतांई परमात्मे दिया सच्चाईया जो अपणे लक्के च बैल्टा साइआं कसी लेआ, कने अपणा खरा बर्ताब रखा, क्जोकि एह़ इक्क कबच पैहनणे साइआं ऐ।

कुलुस्सियों 3:4

जाह़लू मसीह, जेह्ड़ा तुहां जो नौई ज़िन्दगी दिंदा ऐ, जाह़लू इस संसारे च दुवारी बापस ओंगा, ताह़लू तुहां भी ओंगे, कने तिसदी महिमा च हिस्सेदार बणगे।

2 थिस्सलुनीकियों 1:7

सैह़ तुहां जो कने अहां जो भी चैन दिंगा, जेह्ड़े हुण दुख झेला दे हन, एह़ ताह़लू हुंगा, जाह़लू प्रभु यीशु मसीह अपणे सामर्थी सुअर्गदूतां सौगी सुअर्गे ते अग्गी दियां लपटां च होई नैं ओंगा,

2 तीमुथियुस 4:5

अपर तू सारियां गल्लां ते चौकन्ना रैह्, कने दुख झेल, सुसमाचार सणाणे दा कम्म कर, कने अपणिया सेवा जो पूरा कर।

2 तीमुथियुस 4:8

प्रभु मिन्जो इक्क मुकट दिंगा, जेह्ड़ा धार्मिकता दा मुकट ऐ। सैह़ सच्चा न्याय करणे आल़ा अपणे बापस ओणे आल़े दिन च मिन्जो तिस इनामे जो दिंगा। सैह़ मिन्जो नीं अपर तिन्हां सबना जो भी जेह्ड़े तिसदे बापस ओणे दे इन्तजारे च हन।

इब्रानियों 10:35

इसतांई जाह़लू तुहां जो सतांगे, तां अपणी हिम्मता मत छड्डदे, क्जोकि इसदा इनाम बड्डा ऐ।

इब्रानियों 3:6

अपर मसीह इक्क पुत्तरे साइआं परमात्मे दे घरे दा हक्कदार ऐ; कने तिसदा घर अहां हन। जे अहां अपणे मजबूत बसुआसे कने आसा जो आखरी तिकर हिम्मता नैं थमी रखदे हन।

इब्रानियों 6:19

सैह़ आसा अहां दे प्राणा तांई समुंदरी जाह्जां दे लंगरा साइआं मजबूत कने पक्की ऐ। जेह्ड़ी अहां जो परमात्मे दी बड़ी पवित्र जगाह तिकर लेई करी जांदी ऐ जेह्ड़ी पड़दे पचांह़ ऐ,

इब्रानियों 9:28

तिंआं ई मसीह भी मतेआं लोकां दे पापां जो अपणे ऊपर लेई नैं इक्क बरी बलिदान होएया। कने जेह्ड़े लोक तिसदा इन्तजार करदे हन, तिन्हां दे पापां तांई सैह़ दूई बरी मरने तांई नीं आया, अपर तिन्हां दे उद्धारे तांई प्रगट होई जांगा।

1 पतरस 1:10

इसी उद्धारे दे बारे च तिन्हां भविष्यवक्तां अपणिया भविष्यवाणियां च तुहां पर होणे आल़े अनुग्रह दे बारे च बड़ी छाण-बीण कने जांच पड़ताल कित्ती।

1 पतरस 3:15

अपर मसीह जो प्रभु समझी नैं अपणे-अपणे मने च पवित्र समझा। जेह्ड़ा कोई तुहां ते तुहां दी आसा दे बारे च कुच्छ पुछैं, जेह्ड़ी अहां सारे बसुआसी अप्पु च साझी करदे हन, तां हमेसा तिसादे बारे च नम्रता कने डरे सौगी जवाब दैणे तांई त्यार रेह्आ,

1 पतरस 4:7

सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।

1 पतरस 5:12

मैं सिलवानुसे दिया मदता दे जरिये जिसियो मैं इक्क बसुआसी भाऊ समझदा ऐ, कने मैं तुहां जो हौंसला दैणे तांई कने समझाणे तांई एह़ चिठ्ठी बड़े थोड़े सब्दां च लिखा दा ऐ, कने एह़ गवाही दिंदा ऐ कि परमात्मे दा सच्चा अनुग्रह ऐई ऐ, इसी च मजबूत बणी रेह्आ।

1 पतरस 5:8

हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।

1 यूहन्ना 3:3

कने जेह्ड़ा कोई मसीह पर एह़ आस रखदा ऐ, सैह़ अपणे आप्पे जो तिंआं ई पवित्र करदा ऐ, जिंआं सैह़ पवित्र ऐ।