1 पतरस 1:12 - काँगड़ी

¹² अपर परमात्मे तिन्हां भविष्यवक्तां जो एह़ ग्लाया, कि तिन्हां दियां गल्लां तिन्हां तांई नीं, अपर तुहां तांई हन, सैह़ सुसमाचार यीशु मसीह दे बारे च ऐ जेह्ड़ा तुहां हुण सुणेया ऐ। परमात्मे तुहां जो सुसमाचार सणाणे तांई सुअर्गे ते पवित्र आत्मा घल्ली नैं लोकां दी मदत कित्ती, कने एह़ बड़ी अनोखी गल्ल ऐ कि सुअर्गदूत भी बड़े चाये नैं इन्हां चीज्जां जो हुंदे दिक्खा दे हन।

1 पतरस 1:12 Iomraidhean Croise

मत्ती 11:25

तिस बग्त यीशुयैं ग्लाया, “हे पिता, सुअर्ग कने धरतिया दे प्रभु, मैं तेरा धन्यावाद करदा ऐ, कि तैं इन्हां गल्लां जो अक्लमंदा कने समझदारां लोकां ते छुपाई नैं रखेया, कने जागतां पर प्रगट कित्ता ऐ।

मत्ती 11:27

“मेरे पितैं मिन्जो सब कुच्छ दित्या ऐ, होर कोई पुत्तरे जो नीं जाणदा, सिर्फ पिता; होर कोई पिता जो नीं जाणदा, सिर्फ पुत्तर; कने सैह़ जिस पर पुत्तर तिसियो प्रगट करणा चां।

मत्ती 16:17

यीशुयैं तिन्हां जो जवाब दित्ता, “हे शमौन, योना दे जागता, तू धन ऐ; क्जोकि मांस कने खून ते नीं, अपर मेरे पितैं जेह्ड़ा सुअर्गे च ऐ, एह़ गल्ल तिज्जो पर प्रगट कित्ती ऐ।

मरकुस 16:15

कने यीशुयैं तिन्हां नैं ग्लाया, “तुहां सारे संसारे च जाई नैं सारिया सृष्टिया दे लोकां जो सुसमाचार प्रचार करा।

लूका 15:10

मैं तुहां नैं ग्लांदा ऐ, इस तरीके नैं मन बदलणे आल़े पापी माणु दे बारे च परमात्मे दे सुअर्गदूतां दे सामणै बड़ी खुसी मनाई जांदी ऐ।”

लूका 2:26

कने पवित्र आत्मा तिसियो दस्सेया, कि जाह़लू तिकर सैह़ परमात्मे दे मसीह जो दिक्खी नीं लैंगा ताह़लू तिकर तिसदी मौत्त नीं हुंगी।

लूका 9:6

सैह़ निकल़ी नैं ग्रांऐ -ग्रांऐ च सुसमाचार सणांदे, कने हर जगाह च लोकां जो चंगा करदे-करदे घूमदे रैह्।

यूहन्ना 15:26

अपर जाह़लू सैह़ सहायक ओंगा, जिसियो मैं तुहां अल्ल पिता दे पास्से ते घल्लगा, मतलब सच्च दा आत्मा, जेह्ड़ा पवित्र आत्मा ऐ, जेह्ड़ा परमात्मे दी सच्चाईया जो प्रगट करदा ऐ, तां सैह़ मेरी गवाही दिंगा।

प्रेरितां दे कम्म 10:44

पतरस एह़ गल्लां ग्ला दा ई था कि सारे वचन सुणने आल़ेआं पर पवित्र आत्मा लौई आया।

प्रेरितां दे कम्म 16:10

तिसदे एह़ दर्शन दिक्खदे ई अहां इकदम मकिदुनिया प्रदेसे जाणे दी सोची, एह़ समझी करी परमात्मैं अहां जो सुसमाचार सणाणे तांई सद्देया ऐ।

प्रेरितां दे कम्म 2:33

इस तरीके नैं परमात्मे दे सज्जे हत्थे नैं सबना ते ऊची जगाह पाई नैं, कने पिता ते सैह़ पवित्र आत्मा पाई करी नैं जिसदा वादा कित्या था, तिन्हीं एह़ देई दित्ता ऐ, जेह्ड़ा तुहां अज्ज दिख्या कने सुणेया ऐ।

प्रेरितां दे कम्म 4:31

जाह़लू सैह़ प्रार्थना करी बैठे, तां सैह़ जगाह जित्थु सैह़ कठ्ठरोयो थे हिल्ली गेई कने सैह़ सारे पवित्र आत्मा नैं भरोई गै, कने परमात्मे दा वचन हिम्मता सौगी सणांदे रैह्।

प्रेरितां दे कम्म 4:8

ताह़लू पतरस पवित्र आत्मा नैं भरोई करी तिन्हां नैं ग्लाणा लग्गा,

प्रेरितां दे कम्म 8:25

कने एह़ गवाही देई करी कने प्रभु यीशुये दे वचन सणाई करी यरूशलेम सैहरे जो बापस चली आये कने ओंदे-ओंदे सामरिया सैहरां दे ग्रांऐ च सुसमाचार सणांदे गै।

रोमियो 1:15

कने मैं तुहां लोकां जो भी जेह्ड़े रोम सैहरे च रैंह्दे हन, सुसमाचार सणाणे जो पूरा त्यार ऐ।

रोमियो 1:17

क्जोकि तिस सुसमाचारे च परमात्मे दी धार्मिकता बसुआसे ते कने बसुआसे तांई प्रगट हुंदी ऐ, जिंआं पवित्रशास्त्रे च लिख्या ऐ, “सैह़ माणु जेह्ड़ा बसुआसे दे जरिये धर्मी बणेया ऐ, जिन्दा रैंह्गा।”

रोमियो 10:15

कने जे घल्ले नीं जान, तां किंआं प्रचार करन? जिंआं पवित्रशास्त्रे च लिख्या ऐ, “कितणे छैल़ हन तिन्हां लोकां दे पैर जेह्ड़े खरियां गल्लां दा सुसमाचार लेई नैं ओंदे हन।”

रोमियो 15:19

कने चमत्कारां, कने अनोखे कम्मां दी सामर्थी ते, कने पवित्र आत्मा दिया सामर्थी सौगी मेरे जरिये कित्ते। ऐत्थु तिकर कि मैं यरूशलेम सैहरे ते लेई नैं चौंन्नी पास्सेयां इल्लुरिकुम सैहरे तिकर यीशु मसीह दे सुसमाचारे दा पूरा-पूरा प्रचार कित्ता।

1 कुरिन्थियों 2:10

अपर एह़ सब कुच्छ परमात्मैं अहां पर अपणिया आत्मा दे जरिये प्रगट कित्ता, क्जोकि पवित्र आत्मा सारियां गल्लां, अपर परमात्मे दियां गूढ़ गल्लां जो भी जाणदा ऐ।

2 कुरिन्थियों 6:6

पवित्रता नैं, ज्ञान नैं, सबर रखी नैं, दया करी नैं, पवित्र आत्मा नैं,

गलातियों 1:12

क्जोकि सैह़ मिन्जो लोकां दे पास्से ते नीं पुज्जया, कने ना मिन्जो सखाया, अपर यीशु मसीह दे तेजे ते मिल्लेया।

इफिसियों 3:10

तांजे हुण कलीसिया दे जरिये परमात्मे दा पूरा ज्ञान तिन्हां प्रधानां कने अधिकारियां पर जेह्ड़े आत्मिक जगांह च हन, तिन्हां पर प्रगट कित्ता जां।

1 थिस्सलुनीकियों 2:9

क्जोकि, हे प्यारे साथी बसुआसियो, तुहां अहां दी मेहनत कने दुखां जो याद रखदे हन। कि अहां इसतांई रात दिन कम्म धंधा करदे होये तुहां च परमात्मे दा सुसमाचार प्रचार कित्ता कि तुहां च कुसी पर भी बोझ नीं बणन।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

इब्रानियों 11:13

एह़ सारे लोक जिन्हां परमात्मे पर बसुआस कित्ता, तिन्हां वादे दियां चीज्जां जो बगैर हासल कित्ते मरी गै। अपर सैह़ समझी गियो थे, कि परमात्मैं ओणे आल़े बग्ते च क्या करणा, कने सैह़ एह़ भी समझी गियो थे, कि “अहां धरतिया पर परदेसी कने बाहरे ते आएयो लोक हन।”

इब्रानियों 2:4

कने इस सौगी परमात्मैं भी अपणिया इच्छा मताबक चमत्कारां, अनोखे कम्मां, कई किस्मां दे सामर्थी दे कम्मां, पवित्र आत्मा दे वरदानां दे कम्मां दे जरिये इस जो सच्च साबित करदा रेह्आ।

इब्रानियों 4:2

क्जोकि अहां जो तिन्हां इस्राएली लोकां साइआं सुसमाचार सणाया ऐ, अपर तिन्हां लोकां जो सुणेयो वचने ते कुच्छ भी फायदा नीं होएया, क्जोकि तिन्हां वचने जो बसुआसे सौगी अपणे मने च नीं अपनाया।

1 पतरस 1:25

अपर प्रभु दा वचन जुगा-जुग मजबूत बणी रैंह्दा ऐ।” कने ऐई सुसमाचारे दा सैह़ वचन ऐ जेह्ड़ा प्रभु यीशु मसीह दे बारे च तुहां जो सणाया था।

1 पतरस 4:6

इसा बज़ाह ते मसीह दा सुसमाचार तिन्हां लोकां जो भी सणाई दित्या ऐ, जेह्ड़े मरी गियो हन। ऐत्थु तिकर कि तिन्हां लोकां दे पास्से मिलियो सज़ा दा अनुभव कित्ता कने सैह़ मरी गै। अपर हुण सैह़ हमेसा तांई परमात्मे दिया आत्मा च जीआ दे हन।

प्रकाशितवाक्य 5:11

जाह़लू मैं दुवारी भिरी दिख्या, तां मैं तिस सिंहासणे कने तिन्हां प्राणियां कने तिन्हां स्याणेयां दे चौंन्नी पास्से मते सारे सुअर्गदूतां दी उआज़ सुणी, जिन्हां दी गिणती लखां कने करोड़ां दी थी,