1 पतरस 1:10 - काँगड़ी

¹⁰ इसी उद्धारे दे बारे च तिन्हां भविष्यवक्तां अपणिया भविष्यवाणियां च तुहां पर होणे आल़े अनुग्रह दे बारे च बड़ी छाण-बीण कने जांच पड़ताल कित्ती।

1 पतरस 1:10 Iomraidhean Croise

मत्ती 13:17

क्जोकि मैं तुहां नैं सच्च ग्लांदा ऐ, कि मते सारे भविष्यवक्तां कने धर्मियां चाया कि जेह्ड़ियां गल्लां तुहां दिक्खा करदे हन, दिक्खन अपर तिन्हां नीं दिक्खियां, कने जेह्ड़ियां गल्लां तुहां सुणदे हन, सुणन अपर तिन्हां नीं सुणियां।”

मत्ती 26:24

मैं माणु दा पुत्तर तां जिंआं तिसदे बारे च पवित्रशास्त्रे च लिख्या ऐ, तिंआं ई इस संसारे ते जांगा; अपर तिस माणु तांई अफसोस ऐ जिसदिया बज़ाह ते माणु दा पुत्तर पकड़ुआया जांदा ऐ, तां तिस माणुये तांई खरा हुंदा कि सैह़ इस संसारे च पैदा ई नीं हुंदा।”

लूका 10:24

क्जोकि मैं तुहां नैं ग्लांदा ऐ, कि मते सारे भविष्यवक्तां कने राजेयां चाया कि जेह्ड़ियां गल्लां तुहां दिक्खा करदे हन, दिक्खन, अपर तिन्हां नीं दिक्खियां, कने जेह्ड़ियां गल्लां तुहां सुणदे हन, सुणन, अपर तिन्हां नीं सुणियां।”

लूका 24:44

भिरी यीशुयैं तिन्हां नैं ग्लाया, “एह़ मेरियां सैह़ गल्लां हन, जेह्ड़ियां मैं तुहां सौगी रेई करी तुहां नैं ग्लाईयां थियां, कि जरूरी ऐ कि जितणियां गल्लां मूसा दी व्यबस्था कने भविष्यवक्तां कने भजनां दिया कताबा च मेरे बारे च लिखियां हन, सारियां पूरियां होन।”

यूहन्ना 5:39

तुहां पवित्रशास्त्रे च तोपदे हन, कने समझदे हन कि तिस च सदा दी ज़िन्दगी ऐ, कने एह़ पवित्रशास्त्र ई जेह्ड़ा मेरे बारे च गवाही दिंदा ऐ।

यूहन्ना 7:52

तिन्हां तिसियो जवाब दित्ता, “क्या तू भी गलील प्रदेसे दा ऐ? पवित्रशास्त्रे च तोप कने दिक्ख, कि गलील प्रदेसे च कोई भविष्यवक्ता प्रगट नीं होणा।”

प्रेरितां दे कम्म 10:43

तिसदी सारे भविष्यवक्ता गवाही दिंदे हन कि जेह्ड़ा कोई तिस पर बसुआस करगा, तिसियो तिस नांऐ दे जरिये पापां दी माफी मिलगी।”

प्रेरितां दे कम्म 17:11

एह़ माणु तां थिस्सलुनीक सैहरे दे यहूदी माणुआं ते जादा खरे थे कने इन्हां लोकां पूरा मन लगाई करी वचन ग्रहण कित्ता, कने हर रोज पवित्रशास्त्रां च तोपदे रैह् कि एह़ गल्लां इआं ई हन कि नीं।

प्रेरितां दे कम्म 28:23

ताह़लू यहूदियां पौलुसे तांई इक्क दिन रखेया, कने बड़े भारी लोक तिस अल्ल किठ्ठे होये, कने सैह़ परमात्मे दे राज्जे दी गवाही दिंदा, कने मूसा दी व्यबस्था कने भविष्यवक्तां दियां कताबां ते यीशुये दे बारे च समझाई-समझाई करी भ्यागा ते लेई करी संझा तिकर सणांदा रेह्आ।

प्रेरितां दे कम्म 7:52

क्या कदी भी कोई ऐदेया भविष्यवक्तां होएया ऐ, जिसियो तुहां दे पूर्वजां नीं सताया होयैं? ऐत्थु तिकर तिन्हां तां तिन्हां भविष्यवक्तां जो भी मारी दित्ता, जिन्हां तिस धर्मी जण दे ओणे दी पैहल्ले ते ई दस्सी दित्या था; कने हुण तुहां भी तिसियो पकड़ुआणे आल़े कने मारी दैणे आल़े बणी गै हन।

इब्रानियों 11:13

एह़ सारे लोक जिन्हां परमात्मे पर बसुआस कित्ता, तिन्हां वादे दियां चीज्जां जो बगैर हासल कित्ते मरी गै। अपर सैह़ समझी गियो थे, कि परमात्मैं ओणे आल़े बग्ते च क्या करणा, कने सैह़ एह़ भी समझी गियो थे, कि “अहां धरतिया पर परदेसी कने बाहरे ते आएयो लोक हन।”

इब्रानियों 11:40

क्जोकि परमात्मे अल्ल सिर्फ तिन्हां तांई खरियां नीं थियां अपर अहां तांई भी थियां। परमात्मैं तिन्हां जो भी अहां सौगी सिद्ध बणाणा चांह़दा था।

1 पतरस 1:11

मसीह दी आत्मा तिन्हां च थी, कने एह़ दस्सा दी थी कि किंआं मसीह दुख झेलगा कने किंआं तिसियो महिमा मिलगी। इसतांई तिन्हां एह़ छाण-बीण कित्ती कि मसीह सच्च बिच्च कुण हुंगा कने एह़ कुस बग्त हुंगा?

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।