1 पतरस 1:1 - काँगड़ी

¹ मैं शमौन पतरस जेह्ड़ा यीशु मसीह दा प्रेरित ऐ। मैं एह़ चिठ्ठी तिन्हां परदेसियां दे नांऐ पर लिखा दा ऐ, जेह्ड़े पुन्तुस, गलातिया, कप्पदूकिया, आसिया प्रदेस कने बितुनिया प्रदेसे च तितर-बितर होई नैं रैंह्दे हन,

1 पतरस 1:1 Iomraidhean Croise

मत्ती 10:2

इन्हां बाराह प्रेरितां दे नां एह़ हन पैहल्ला शमौन, जेह्ड़ा पतरस नांऐ ते जाणेयां जांदा ऐ, कने तिसदा भाऊ अन्द्रियास कने जबदिये दा पुत्तर याकूब, कने तिसदा लोक्का भाऊ यूहन्ना,

मत्ती 24:22

कने जे सैह़ दिन घटाये नीं जांदे तां कोई भी प्राणी नीं बचदा, अपर चुणेयां दिया बज़ाह ते सैह़ दिन घटाये जांगे।

मत्ती 4:18

ताह़लू गलील प्रदेसे दिया झीला दे कनारे चलदे-चलदे यीशुयैं दूँ भाऊआं जो झीला च जाल़ पांदे मच्छियां पकड़दे दिख्या, जिन्हां च इक्की दा नां शमौन जिसियो पतरस ग्लांदे थे, कने तिसदे लोक्के भाऊये दा नां अन्द्रियास था, क्जोकि सैह़ मछुवारे थे।

लूका 18:7

इसतांई क्या परमात्मा अपणे चुणेयां दा न्याय नीं चुकांगा, जेह्ड़े दिन-रात तिसदी दुहाई दिंदे रैंह्दे हन? क्या सैह़ तिन्हां दे बारे च देर करगा?

यूहन्ना 11:52

कने ना सिर्फ इस्राएली लोकां तांई, अपर इसतांई भी कि परमात्मे दे तितर-बितर होएयां बच्चेयां जो इक्क करी दैं।

यूहन्ना 7:35

इसा गल्ला सुणी नैं यहूदी अगुऐ अप्पु च ग्लाणा लग्गे, “एह़ कुत्थू जांगा कि अहां जो दुवारी नीं मिलगा? क्या सैह़ तिन्हां लोकां अल्ल जांगा जेह्ड़े ऐत्थु ते तितर-बितर होई करी यूनानी लोकां सौगी रैंह्दे हन, कने तिन्हां जो भी सिक्षा दिंगा?

प्रेरितां दे कम्म 18:2

तित्थु तिसियो अक्विला नांऐ दा इक्क यहूदी माणु मिल्ला, जिसदा जन्म पुन्तुस प्रदेसे च होएया था। सैह़ अपणिया लाड़िया प्रिसकिल्ला सौगी इटली देसे ते हाल ई च आया था, क्जोकि क्लौदियुस महाराजें सारेयां यहूदियां जो रोम ते निकल़ी जाणे दा हुक्म दित्या था। तिस हुक्मे दिया बज़ाह ते सैह़ तिन्हां अल्ल गेआ।

प्रेरितां दे कम्म 18:23

भिरी कुच्छ दिन रेई करी अन्ताकिया सैहरे ते चली गेआ, कने इक्की पास्से गलातिया कने फ्रूगिया प्रदेसां च सारे चेलेयां जो मजबूत करदा रेह्आ।

प्रेरितां दे कम्म 19:10

दूँ साल्लां तिकर एह़ ई हुंदा रेह्आ, ऐत्थु तिकर कि आसिया प्रदेस दे रैहणे आल़े क्या यहूदी कने क्या यूनानी सारे माणुआं वचन सुणी लेआ।

प्रेरितां दे कम्म 6:9

ताह़लू तिस आराधनालय ते जेह्ड़ा गुलामी ते अजाद नांऐ ते जाणेयां जांदा ऐ, कने कुरेनी, सिकन्दरिया, किलिकिया कने आसिया प्रदेसे दे मते लोक आई नैं सित्फनुस नैं बैंह्सबाजी करणा लग्गे।

प्रेरितां दे कम्म 8:4

जेह्ड़े बसुआसी तितर-बितर होई गियो थे, सैह़ सुसमाचार सणांदे बापस औणां लग्गे;

1 कुरिन्थियों 16:19

आसिया प्रदेसे दी कलीसियां दे पास्से ते तुहां जो नमस्कार; अक्विला कने तिसदिया लाड़िया प्रिसका दा नमस्कार, कने कलीसिया जेह्ड़ी तिन्हां दे घरे च अराधना तांई किठ्ठी हुंदी, तिसादा भी तुहां जो प्रभु च बड़ा-बड़ा नमस्कार।

2 कुरिन्थियों 1:8

हे प्यारे साथी बसुआसियो, अहां चांह़दे हन कि तुहां अहां दी तिसा मुसीबता जो जाणी सकन, जेह्ड़ी आसिया प्रदेसे च अहां पर आई; कि अहां इतणे भारी बोझे नैं दबोयो थे, जिसियो अहां नीं झेली सकदे थे, ऐत्थु तिकर कि अहां जीणे दी आस भी छड्डी दित्तियो थी।

गलातियों 1:2

कने सारे भाऊआं दे पास्से ते जेह्ड़े मिन्जो सौगी हन, मैं एह़ चिठ्ठी गलातिया सैहरे दियां कलीसियां जो लिखदा ऐ।

इफिसियों 2:12

तुहां लोक तिस बग्त मसीह जो नीं जाणदे थे, कने तुहां इस्राएल देसे च परमात्मे दे चुणेयो लोक नीं थे, कने तुहां परमात्मे दे लोकां सौगी तिस वादे च भी सामिल नीं थे। कने बगैर आसा ते कने परमात्मे जो बिना जाणे इस संसारे च रैंह्दे थे।

इफिसियों 2:19

इसतांई तुहां होरनी जातिआं आल़े लोक परदेसी कने मुसाफिर नीं रैह्, अपर परमात्मे दे लोकां सौगी संगी-वासी कने तुहां तिसदे परवारे दे माणु हन।

2 तीमुथियुस 1:15

तू जाणदा ऐ, कि आसिया प्रदेसे दे सारे बसुआसी लोकां मिन्जो छड्डी दित्या ऐ, जिन्हां च फूगिलुस कने हिरमुगिनेस हन।

इब्रानियों 11:13

एह़ सारे लोक जिन्हां परमात्मे पर बसुआस कित्ता, तिन्हां वादे दियां चीज्जां जो बगैर हासल कित्ते मरी गै। अपर सैह़ समझी गियो थे, कि परमात्मैं ओणे आल़े बग्ते च क्या करणा, कने सैह़ एह़ भी समझी गियो थे, कि “अहां धरतिया पर परदेसी कने बाहरे ते आएयो लोक हन।”

याकूब 1:1

मैं याकूब जेह्ड़ा परमात्मे दा कने प्रभु यीशु मसीह दा दास एह़ चिठ्ठी तिन्हां बारांह गोत्रां जो लिखदा ऐ, जेह्ड़े संसारे च तितर-बितर होई नैं रैंह्दे हन, मेरा तिन्हां जो नमस्कार।

1 पतरस 2:11

हे प्यारे साथी बसुआसियो, मैं तुहां नैं विणती करदा ऐ कि तुहां अपणे आप्पे जो परदेसी कने मुसाफिर जाणी करी तिन्हां संसारे दियां बुरिआं इच्छां ते बची रेह्आ, क्जोकि सैह़ तुहां दे खलाफ लड़ाई करदियां हन।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

प्रकाशितवाक्य 1:11

“जेह्ड़ा कुच्छ तू दिक्खदा ऐ तिसियो कताबा च लिखी करी सत्तां कलीसियां जो घल्ली दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया कने लौदीकिया सैहरे जो।”