1 यूहन्ना 4:8 - काँगड़ी

⁸ जेह्ड़ा दूयेयां नैं प्यार नीं रखदा सैह़ परमात्मे जो नीं जाणदा ऐ, क्जोकि परमात्मा प्यार ऐ।

1 यूहन्ना 4:8 Iomraidhean Croise

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

इफिसियों 2:4

अपर परमात्मा जेह्ड़ा दया दा धनी ऐ, अपणे तिस बड्डे प्यारे दिया बज़ाह ते जिसते तिन्हीं अहां नैं प्यार कित्ता,

इब्रानियों 12:29

क्जोकि अहां दा परमात्मा भस्म करणे आल़ी अग्ग ऐ।

1 यूहन्ना 1:5

जेह्ड़ा समाचार अहां यीशु मसीह ते सुणेया, कने तुहां जो सणांदे हन, सैह़ एह़ ऐ कि परमात्मा जोत्ती ऐ कने तिस च जरा भी नेहरा नीं।

1 यूहन्ना 2:4

जेह्ड़ा कोई एह़ ग्लांदा ऐ, “मैं तिसियो जाणी गेआ ऐ,” कने तिसदेयां हुक्मां जो नीं मनदा, सैह़ झूठा ऐ; कने परमात्मे दिया सच्चाईया दे मताबक नीं जींदा ऐ।

1 यूहन्ना 2:9

जेह्ड़ा कोई एह़ ग्लांदा ऐ, कि मैं लौई च जीआ दा ऐ, अपर अपणे बसुआसी भाऊये नैं बैर रखदा ऐ, तां सैह़ अह्ल्ली तिकर नेहरे च जीआ दा ऐ।

1 यूहन्ना 3:10

इसते परमात्मे दिया औलादी कने सैताने दिया औलादी दा पता चलदा ऐ; जेह्ड़ा कोई धार्मिकता दे कम्म करदा ऐ, कने अपणे भाऊये नैं प्यार रखदा, सैह़ परमात्मे दा बच्चा ऐ।

1 यूहन्ना 3:6

जेह्ड़ा कोई तिस च बणी रैंह्दा ऐ, सैह़ लगातार पाप नीं करदा; जेह्ड़ा कोई लगातार पाप करदा ऐ, तिन्हीं ना तां तिसियो दिख्या ऐ, कने ना तिसियो जाणेया ऐ।

1 यूहन्ना 4:16

जेह्ड़ा प्यार परमात्मा अहां नैं रखदा ऐ, तिसियो अहां जाणी गै कने अहां जो तिस पर बसुआस ऐ। परमात्मा प्यार ऐ, कने जेह्ड़ा प्यारे च ज़िन्दगी जींदा ऐ, सैह़ परमात्मे च ज़िन्दगी जींदा ऐ, कने परमात्मा तिस च ज़िन्दगी जींदा ऐ।

1 यूहन्ना 4:7

हे मेरे प्यारे साथी बसुआसियो, अहां अप्पु च प्यार रखन; क्जोकि प्यार परमात्मे ते ऐ। कने जेह्ड़ा कोई दूयेयां नैं प्यार करदा ऐ, सैह़ परमात्मे दा बच्चा ऐ, कने परमात्मे जो जाणदा ऐ।