1 यूहन्ना 4:5 - काँगड़ी

⁵ सैह़ झूठे भविष्यवक्ता संसारे दे हन, इसतांई सैह़ संसारे दियां गल्लां ग्लांदे हन, कने इस संसारे दे लोक तिन्हां दी सुणदे हन।

1 यूहन्ना 4:5 Iomraidhean Croise

लूका 16:8

“मालकैं तिस अधर्मी भण्डारिये जो साबासी दित्ती, कि तिन्हीं चलाकिया दा कम्म कित्ता ऐ। क्जोकि इस संसारे दे लोक अपणे बग्ते दे लोकां सौगी अपणे सभावे च जोतिया दे लोकां ते जादा चलाक हन।

यूहन्ना 17:14

मैं तेरा वचन तिन्हां अल्ल पज्जाई दित्ता ऐ; कने संसारे दे लोकां तिन्हां नैं बैर कित्ता, क्जोकि जिंआं मैं संसारे दा नीं ऐ; तिंआं ई सैह़ भी संसार दे नीं हन।

यूहन्ना 17:16

जिंआं मैं संसारे दा नीं ऐ, तिंआं ई सैह़ भी संसारे दे नीं हन।

यूहन्ना 3:31

“जेह्ड़ा सुअर्गे ते ओंदा ऐ, सैह़ सबते म्हान ऐ, जेह्ड़ा धरतिया ते ओंदा ऐ सैह़ धरतिया दा ऐ, कने धरतिया दियां गल्लां ग्लांदा ऐ, जेह्ड़ा सुअर्गे ते ओंदा ऐ, सैह़ सबना ते ऊपर ऐ।

यूहन्ना 8:23

यीशुयैं तिन्हां नैं ग्लाया, “तुहां इस संसारे च जन्म लेआ, अपर मैं सुअर्गे ते आया ऐ, तुहां संसारे दे हन, मैं संसार दा नीं ऐ।

2 तीमुथियुस 4:3

क्जोकि ऐदेया बग्त भी औणां, कि जाह़लू लोक खरी सिक्षा जो झेली नीं सकगे, अपर जेह्ड़ा तिन्हां जो सुणना खरा लगगा, तिसदे मताबक सैह़ अपणे तांई मते सारे गुरू कठ्ठेरी लैंगे।

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,