1 यूहन्ना 4:4 - काँगड़ी

⁴ हे मेरे बच्चो, तुहां परमात्मे दे लोक हन, कने तुहां झूठे भविष्यवक्तां पर जय पाई ऐ; क्जोकि पवित्र आत्मा जेह्ड़ा तुहां च ऐ, सैह़ तिस सैताने ते जेह्ड़ा इस संसारे च राज करदा ऐ, म्हान ऐ।

1 यूहन्ना 4:4 Iomraidhean Croise

यूहन्ना 12:31

हुण इस संसारे दा न्याय हुंदा ऐ, हुण इस संसारे दा अधिकारी कड्डी दित्ता जांगा ऐ;

यूहन्ना 14:30

मिन्जो अल्ल हुण तुहां नैं होर मतिआं गल्लां करणे दा बग्त नीं ऐ, क्जोकि इस संसारे दे लोकां पर राज्ज करणे आल़ा सैतान ओआ दा ऐ। मिन्जो पर तिसदा कोई हक्क नीं।

यूहन्ना 16:11

न्याय दे बारे च इसतांई कि क्जोकि इस संसारे दे लोकां पर राज्ज करणे आल़े सैताने जो दोसी ठैहराया गेआ ऐ।

यूहन्ना 17:23

मैं तिन्हां च कने तू मिन्जो च कि सैह़ सिद्ध होई नैं इक्क होई जान कने संसार जाणे कि तैंईं मिन्जो घल्लेया, कने जिंआं तैं मिन्जो नैं प्यार रखेया तिंआं ई तिन्हां नैं प्यार रखेया।

रोमियो 8:31

इन्हां सारियां गल्लां जो ध्याने च रखी नैं अहां इस नतीजे च पुज्जे हन, जे परमात्मा अहां दे पास्से ऐ, तां अहां दा बरोधी कुण होई सकदा ऐ?

रोमियो 8:37

अपर इन्हां सारियां गल्लां च अहां तिसदे जरिये ते जिन्हीं अहां नैं प्यार कित्या ऐ, अहां अल्ल उम्मीदा ते बधी करी जीत्त ऐ।

1 कुरिन्थियों 2:12

अपर अहां जो संसारे दी आत्मा नीं, अपर सैह़ पवित्र आत्मा मिल्लेया ऐ जेह्ड़ी परमात्मे दे पास्से ते ऐ कि अहां तिन्हां गल्लां जो जाणन जेह्ड़ियां परमात्मैं अहां जो दित्तियां हन।

1 कुरिन्थियों 6:13

तुहां च कुच्छ ग्लांगे, कि खाणा अहां दे सरीरे तांई, कने अहां दे सरीर खाणे तांई हन, सैह़ सच्च ऐ अपर परमात्मा सरीरां जो भी कने खाणे जो भी नास करगा, जाह़लू अहां सुअर्गे च होणा। अहां जो अपणे सरीरां दे जरिये सैई करणा चाइदा, जेह्ड़ा प्रभु चांह़दा ऐ, क्जोकि एह़ सरीर प्रभु दे हन।

2 कुरिन्थियों 4:4

इस संसारे दे ईश्वर सैताने तिन्हां बेबसुआसियां दिया अक्ला जो भ्रष्ट करी दित्या ऐ, जिसा बज़ाह ते सैह़ मसीह दे सुसमाचारे कने तिसदिया चमका जो नीं समझी सकदे। क्जोकि मसीह परमात्मे दा स्वरूप ऐ।

2 कुरिन्थियों 6:16

कने मूर्तियां तांई परमात्मे दे मंदरे च कोई जगाह नीं, क्जोकि अहां तां जिन्दे परमात्मे दे मंदर हन। जिंआं पवित्रशास्त्रे च परमात्मैं ग्लाया ऐ, “मैं तिन्हां लोकां सौगी रैंह्गा कने तिन्हां सौगी चलगा फिरगा; कने मैं तिन्हां दा परमात्मा हुंगा, कने सैह़ मेरे लोक हुंगे।”

इफिसियों 2:2

तिस बग्ते च तुहां इस संसारे दे लोकां पचांह़ चलदे थे, जेह्ड़े परमात्मे जो नीं जाणदे, कने तुहां सैताने पचांह़ चल्ले जेह्ड़ा अम्बरे च दुष्टआत्मां पर राज्ज करणे आल़ा प्रधान ऐ। जेह्ड़ा हुण भी परमात्मे दा हुक्म नीं मन्नणे आल़ेआं च कम्म करदा ऐ।

इफिसियों 3:17

इसतांई बसुआसे दे जरिये मसीह तुहां दे मनां च बसें कि तुहां प्यारे च जड़ पकड़ी नैं कने नींई भरी नैं,

इफिसियों 6:10

आखरी च प्रभु दिया सामर्थी दे जरिये आत्मिकता च मजबूत बणां।

1 यूहन्ना 2:1

हे मेरे प्यारे बच्चो, मैं एह़ गल्लां तुहां जो इसतांई लिखदा ऐ, कि तुहां पाप ना करन; कने जे कोई पाप करैं, तां पिता परमात्मे अल्ल अहां तांई इक्क सहायक ऐ, जेह्ड़ा अहां दे पापां दी माफी तांई तिस नैं प्रार्थना करदा ऐ, मतलब यीशु मसीह जेह्ड़ा धर्मी ऐ;

1 यूहन्ना 2:13

हे पिताओ, मैं तुहां जो इसतांई लिखदा ऐ, कि जेह्ड़ा सुरू ते ऐ, तुहां तिसियो जाणदे हन। हे जुआनो, मैं तुहां जो इसतांई लिखदा ऐ, कि तुहां तिस सैताने पर जय पाई ऐ। हे बच्चो, मैं तुहां जो इसतांई लिख्या ऐ, कि तुहां पिता परमात्मे जो जाणी लेआ हन।

1 यूहन्ना 3:20

इसतांई जिसा गल्ला च अहां दा मन अहां जो दोस दिंगा, तां जाणदे हन, क्जोकि परमात्मा अहां दे मने ते बड्डा ऐ, कने सब कुच्छ जाणदा ऐ।

1 यूहन्ना 3:24

कने जेह्ड़ा तिसदे हुक्मां जो मनदा ऐ, सैह़ परमात्मे च कने परमात्मा तिस च बणी रैंह्दा ऐ, कने इसी ते मतलब तिस पवित्र आत्मा ते जेह्ड़ा परमात्मे अहां जो दित्या ऐ, अहां जाणदे हन कि परमात्मा अहां च बणी रैंह्दा ऐ।

1 यूहन्ना 4:13

इसी ते अहां जाणदे हन, कि अहां तिस च ज़िन्दगी जींदे हन, कने सैह़ अहां च; क्जोकि तिन्हीं अपणा पवित्र आत्मा अहां जो दित्या ऐ।

1 यूहन्ना 4:16

जेह्ड़ा प्यार परमात्मा अहां नैं रखदा ऐ, तिसियो अहां जाणी गै कने अहां जो तिस पर बसुआस ऐ। परमात्मा प्यार ऐ, कने जेह्ड़ा प्यारे च ज़िन्दगी जींदा ऐ, सैह़ परमात्मे च ज़िन्दगी जींदा ऐ, कने परमात्मा तिस च ज़िन्दगी जींदा ऐ।

1 यूहन्ना 4:6

अहां परमात्मे दे हन। जेह्ड़ा परमात्मे जो जाणदा ऐ, सैह़ अहां दी सुणदा ऐ; जेह्ड़ा परमात्मे जो नीं जाणदा सैह़ अहां दी नीं सुणदा। इस तरीके नैं अहां सच्चाई दी आत्मा कने झूठी आत्मा जो परखी लैंदे हन।

1 यूहन्ना 5:19

अहां जाणदे हन, कि अहां परमात्मे दे बच्चे हन, कने सारा संसार तिस सैताने दे बसे च पेआ ऐ।

1 यूहन्ना 5:4

क्जोकि जेह्ड़ा कोई परमात्मे दा बच्चा ऐ, तिन्हीं संसारे पर जीत्त हासल कित्ती ऐ; कने सैह़ जीत्त जेह्ड़ी संसारे जो हराई दिंदी ऐ, सैह़ अहां दा बसुआस ऐ।

प्रकाशितवाक्य 12:11

“सैह़ मेम्ने दे खूने दिया बज़ाह कने अपणिया गवाहिया दे वचनां दिया बज़ाह ते तिस पर जीत्त हासल कित्ती, क्जोकि तिन्हां अपणे प्राणा जो प्यारा नीं समझेया, ऐत्थु तिकर कि मौत्त भी झेली लेई।