1 यूहन्ना 4:2 - काँगड़ी

² परमात्मे दी पवित्र आत्मा जो तुहां इस तरीके नैं पणछैणी सकदे हन; जेह्ड़ी आत्मा मन्नी लैंदी ऐ, कि यीशु मसीह सरीरे च होई नैं आया ऐ सैह़ परमात्मे दे पास्से ते ऐ,

1 यूहन्ना 4:2 Iomraidhean Croise

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

1 कुरिन्थियों 12:3

इसतांई मैं चांह़दा ऐ कि तुहां जाणी सकन, जेह्ड़ा कोई परमात्मे दिया आत्मा दी अगुआईया नैं ग्लांदा ऐ, सैह़ नीं ग्लांदा कि यीशु श्रापित ऐ; कने ना कोई पवित्र आत्मा दे बगैर ग्लाई सकदा ऐ कि यीशु प्रभु ऐ।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 यूहन्ना 1:2

सैह़ जेह्ड़ा ज़िन्दगी दिंदा ऐ, धरतिया च आया, कने अहां तिसियो दिख्या, कने तिसदी गवाही दिंदे हन, कने तुहां जो तिसा सदा दी ज़िन्दगिया दा सुसमाचार दिंदे हन जेह्ड़ा पिता सौगी था कने अहां पर प्रगट होएया।

1 यूहन्ना 2:23

जेह्ड़ा कोई पुत्तरे जो नीं मनदा ऐ, तिस अल्ल पिता परमात्मा भी नीं ऐ; जेह्ड़ा पुत्तरे जो मनदा ऐ, तिस अल्ल पिता परमात्मा भी ऐ।

1 यूहन्ना 4:15

जेह्ड़ा कोई एह़ मन्नी लैंदा ऐ, कि यीशु परमात्मे दा पुत्तर ऐ, परमात्मा तिस च ज़िन्दगी जींदा ऐ, कने सैह़ परमात्मे च।

1 यूहन्ना 4:3

कने जेह्ड़ी आत्मा यीशुये जो नीं मनदी, सैह़ परमात्मे दे पास्से ते नीं; कने सैई तां मसीह दे बरोधिये दी आत्मा ऐ, जिसदी चर्चा तुहां सुणी चुकेयो हन, कि सैह़ ओणे आल़ा ऐ; कने हुण भी संसारे च ऐ।

1 यूहन्ना 5:1

जिस माणु दा एह़ बसुआस ऐ कि यीशु ई मसीह ऐ, सैह़ परमात्मे दा बच्चा ऐ; कने जेह्ड़ा कोई पिता परमात्मे नैं प्यार रखदा ऐ, तां सैह़ दूयेयां नैं भी प्यार रखदा ऐ, जेह्ड़े तिसदे बच्चे हन।

2 यूहन्ना 1:7

क्जोकि मते सारे लोक दूयेयां जो भरमाणे तांई इस संसारे च आई गियो हन, जेह्ड़े एह़ नीं मनदे कि यीशु मसीह सरीरे च होई नैं आया। भरमाणे आल़ा कने मसीह दे बरोधी ऐई हन।