1 यूहन्ना 4:1 - काँगड़ी

¹ हे मेरे साथी बसुआसियो, हर इक्की पर बसुआस मत करा, जेह्ड़ा आत्मा च होई करी ग्लाणे दा दावा करदा ऐ कने तिसायो परखा कि सैह़ परमात्मे दे पास्से ते ऐ कि नीं; क्जोकि मते झूठे भविष्यवक्ता संसारे च हन।

1 यूहन्ना 4:1 Iomraidhean Croise

मरकुस 13:21

तिस बग्त जे कोई तुहां नैं ग्लां, ‘दिक्खा, मसीह ऐत्थु ऐ,’ या ‘दिक्खा औत्थू ऐ,’ तां बिलकुल बसुआस मत करदे।

लूका 12:57

“तुहां जो अप्पु फैसला करणा चाइदा, कि अहां जो क्या करणा ठीक ऐ?

लूका 21:8

तिन्हीं ग्लाया, “चौकन्ने रेह्आ कि भरमाये नीं जान, क्जोकि मते भरी मेरे नांऐ ते आई नैं ग्लांगे, मैं सैई ऐ, कने एह़ भी कि, ‘बग्त आई रेह्आ ऐ।’ तुहां तिसदे पचांह़ मत चली जांदे।

प्रेरितां दे कम्म 17:11

एह़ माणु तां थिस्सलुनीक सैहरे दे यहूदी माणुआं ते जादा खरे थे कने इन्हां लोकां पूरा मन लगाई करी वचन ग्रहण कित्ता, कने हर रोज पवित्रशास्त्रां च तोपदे रैह् कि एह़ गल्लां इआं ई हन कि नीं।

प्रेरितां दे कम्म 20:29

मैं जाणदा ऐ कि मेरे जाणे ते बाद फाड़णे आल़े भेड़िये तुहां च ओंगे जिन्हां झुंडे जो नीं छड्डणा।

1 कुरिन्थियों 12:10

कुसी जो सामर्थी दे कम्म करणे दा, कुसी जो परमात्मे दा वचन सणाणे दा, कने कुसी जो आत्मा दी परखणे दा, कुसी जो लग्ग-लग्ग भासा च ग्लाणे दा, कने कुसी जो भासा दा मतलब दस्सणे दा वरदान दिंदी ऐ ।

1 कुरिन्थियों 14:29

भविष्यवक्तां च दो या त्रै ग्लान, कने सैह़ किठ्ठे नीं अपर इक्क-इक्क करी नैं ग्लान, कने बाक्कि लोक तिन्हां दे वचनां बड़े ध्याने नैं सुणन।

1 थिस्सलुनीकियों 5:20

भविष्यवाणियां जो सुणी करी अणसुणा मत करा।

1 थिस्सलुनीकियों 5:21

सारियां गल्लां जो परखा; जेह्ड़ियां खरिया हन, तिन्हां गल्लां जो ग्रहण करा।

2 थिस्सलुनीकियों 2:2

तुहां चाणचक अपणिया होसा जो कुसी भी आत्मा, वचन, चिठ्ठी दिया बज़ाह ते मत गुआंदे, जेह्ड़ी लगदी ऐ कि अहां लिखियो ऐ। कने जिसा च एह़ लिख्या होयैं कि प्रभु दा दिन आई पुज्जया ऐ; तां तुहां दा मन चाणचक घबराई नीं जां।

1 तीमुथियुस 4:1

पवित्र आत्मा साफ तरीके नैं ग्लांदा ऐ, कि आखरी दिनां च कुच्छ लोक मसीह दिया सिक्षा पर बसुआस करणा छड्डी करी दुष्टआत्मां दियां सिक्षां पर बसुआस करगे, कने सैह़ तिन्हां भटकाणे आल़ी दुष्टआत्मां जो अपनांगे।

2 तीमुथियुस 3:13

अपर दुष्ट कने धोखा दैणे आल़े लोक होर भी जादा बुरे कम्म करगे, सैह़ दूये लोकां जो धोखा दिंगे, कने सैह़ अप्पु भी दूयेयां ते धोखा खांगे।

2 पतरस 2:1

जिंआं बड़ी पैहल्ले इस्राएली लोकां च झूठे भविष्यवक्ता थे, तिंआं ई तुहां च भी झूठी सिक्षा दैणे आल़े हुंगे, सैह़ ऐदिआं झूठियां सिक्षां च फंसी जांगे, जिसदिया बज़ाह ते सैह़ यीशु मसीह पर बसुआस करणा छड्डी दिंगे। ऐत्थु तिकर कि एह़ झूठे सिक्षक यीशु मसीह जो अपणा मालक मन्नणे ते इन्कार करगे, जिन्हीं तिन्हां जो अपनाया कने पापे दिया ताकता दे अजाद कित्ता, इस तरीके नैं सैह़ तिन्हां जो चाणचक नास करी दिंगे।

1 यूहन्ना 2:18

हे बच्चो, एह़ आखरी बग्त ऐ; कने जिंआं तुहां सुणेया ऐ, कि मसीह दा बरोधी ओणे आल़ा ऐ, तिसदे मताबक हुण भी मते मसीह बरोधी उठी खड़ोत्यो हन; इसते अहां जाणदे हन, कि एह़ आखरी बग्त ऐ।

1 यूहन्ना 2:7

हे प्यारे साथी बसुआसियो, मैं तुहां जो कोई नौआं हुक्म नीं लिखदा, अपर सैई पराणा हुक्म जेह्ड़ा सुरू ते तुहां जो मिल्लेया ऐ; एह़ पराणा हुक्म सैई वचन ऐ, जिसियो तुहां सुणेया ऐ, कने यीशु मसीह च बसुआस कित्ता।

2 यूहन्ना 1:7

क्जोकि मते सारे लोक दूयेयां जो भरमाणे तांई इस संसारे च आई गियो हन, जेह्ड़े एह़ नीं मनदे कि यीशु मसीह सरीरे च होई नैं आया। भरमाणे आल़ा कने मसीह दे बरोधी ऐई हन।

3 यूहन्ना 1:11

हे मेरे प्यारे बसुआसी भाऊ, बुराईया दे नीं अपर भलाईया दे पचांह़ चल। जेह्ड़े भलाई करदे हन, सैह़ परमात्मे दे पास्से ते हन। अपर जेह्ड़ा बुराई करदा ऐ, तिन्हीं परमात्मे जो नीं दिख्या।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।