1 यूहन्ना 3:5 - काँगड़ी

⁵ कने तुहां जाणदे हन, कि यीशु मसीह इसतांई आया ऐ, कि पापां जो दूर करैं; कने तिस च कोई पाप नीं ऐ।

1 यूहन्ना 3:5 Iomraidhean Croise

मत्ती 1:21

सैह़ जागत जम्मगी कने तू तिसदा नां यीशु रखेयां क्जोकि सैह़ अपणे लोकां दा तिन्हां दे पापां ते उद्धार करगा।”

लूका 23:41

अहां तां कानूने मताबक सज़ा पा दे हन, अपर इन्हीं तां कोई बुरा कम्म नीं कित्या।”

लूका 23:47

सूबेदारैं, जेह्ड़ा कुच्छ होएया था दिक्खी नैं परमात्मे दी महिमा कित्ती, कने ग्लाया, “सच्च-बिच्च एह़ माणु धर्मी था।”

यूहन्ना 1:29

दूँये दिने यूहन्ने यीशुये जो अपणे अल्ल ओंदे दिक्खी नैं ग्लाया, “दिक्खा एह़ परमात्मे दा मेम्ना ऐ जेह्ड़ा अपणा बलिदान देई करी संसारे दे पापां जो अप्पु ऊपर लेई लैंदा ऐ,

यूहन्ना 1:31

मैं नीं जाणदा था, कि सैह़ मसीह ऐ, अपर मेरे पांणिये नैं बपतिस्मा दैणे दे जरिये इस्राएल देसे दे लोक इसा गल्ला जो जाणी लैन, कि सैह़ कुण ऐ।”

यूहन्ना 14:30

मिन्जो अल्ल हुण तुहां नैं होर मतिआं गल्लां करणे दा बग्त नीं ऐ, क्जोकि इस संसारे दे लोकां पर राज्ज करणे आल़ा सैतान ओआ दा ऐ। मिन्जो पर तिसदा कोई हक्क नीं।

यूहन्ना 8:46

तुहां च कुण मिन्जो पापी ठैहरांदा ऐ? जे मैं सच्च ग्लांदा ऐ, तां तुहां मेरा बसुआस क्जो नीं करदे?

2 कुरिन्थियों 5:21

मसीह जेह्ड़ा पापे ते अणजाण था, परमात्मे अहां तांई तिस नैं पापिये साइआं बर्ताब कित्ता, कि अहां तिस च होई नैं परमात्मे दे धर्मी माणु बणी जान।

1 तीमुथियुस 1:15

जेह्ड़ी गल्ल मैं तुहां जो दस्सी सैह़ सच्च कने पूरे तरीके नैं बसुआस करणे जोग्गी ऐ। क्जोकि यीशु मसीह अहां पापी लोकां दा उद्धार करणे तांई इस संसारे च आया कने तिन्हां च सबते बड्डा पापी मैं ऐ।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

इब्रानियों 1:3

पुत्तर ई परमात्मे दिया महिमा दी चमक ऐ, कने सैह़ हर किस्मां ते तिस साइआं ऐ। कने सैह़ अपणे सामर्थी दे वचनां ते सारिया सृष्टिया जो मजबूत बणाई रखदा ऐ। सैह़ लोकां दे सारे पापां जो धोई करी सबते ऊची पदविया पर परमात्मे दे सज्जे बक्खे जाई बैठा ऐ।

इब्रानियों 4:15

क्जोकि अहां दा ऐदेया महायाजक ऐ जेह्ड़ा अहां दियां कमजोरियां च अहां पर दया करी सकदा ऐ। अपर सैह़ सारियां गल्लां च अहां साइआं परखेया तां गेआ, भिरी भी पापी नीं निकल़ेया।

इब्रानियों 7:26

ऐदेया ई महायाजक अहां दियां जरूरतां जो पूरा करी सकदा ऐ, जेह्ड़ा पवित्र, बेकसूर, कने साफ मने दा, कने पापियां ते लग्ग, कने सुअर्गे ते भी जादा म्हान कित्या होयैं।

इब्रानियों 9:26

नीं तां संसारे दी सुरूआती ते लेई नैं मसीह जो बार-बार दुख झेलणा पोंदा। अपर हुण इस जुगे दे अन्त च सैह़ इक्क ई बरी प्रगट होएया ऐ, तांजे अपणे ई बलिदाने दे जरिये पापां जो दूर करी दैं।

इब्रानियों 9:28

तिंआं ई मसीह भी मतेआं लोकां दे पापां जो अपणे ऊपर लेई नैं इक्क बरी बलिदान होएया। कने जेह्ड़े लोक तिसदा इन्तजार करदे हन, तिन्हां दे पापां तांई सैह़ दूई बरी मरने तांई नीं आया, अपर तिन्हां दे उद्धारे तांई प्रगट होई जांगा।

1 पतरस 1:18

क्जोकि तुहां जाणदे हन, कि परमात्मे तुहां जो बुरे बर्ताबे ते छड्डाई लेआ, जेह्ड़ा तुहां अपणे पूर्वजां ते सिखया। तिन्हीं तुहां जो बचाणे तांई नास होणे आल़े सोन्ने चाँदी दा इस्तेमाल नीं कित्ता। अपर परमात्मे मसीह दे कीमती खूने दे जरिये तुहां जो बचाया ऐ, जेह्ड़ा पवित्र कने बेकसूर भेड्डा दे बच्चे साइआं ऐ।

1 पतरस 1:20

इस संसारे जो बणाणे ते पैहल्ले ई परमात्मे यीशु मसीह दे बारे एह़ फैसला पैहल्ले ई करी लेआ, कि सैह़ इस संसारे दा उद्धारकर्ता हुंगा, अपर सैह़ हुण इन्हां आखरी दिनां च तुहां तांई प्रगट होएया।

1 पतरस 2:22

ना तां तिन्हीं कोई पाप कित्ता, कने ना तिन्हीं कदी कुसियो धोखा दित्ता।

1 पतरस 2:24

मसीयैं सूल़िया पर अप्पु ई अपणे सरीरे च अहां दे पाप लेई लै, तांजे अहां पापां तांई मरी नैं धार्मिकता तांई ज़िन्दगी जीन, कने तिसदे ई जख्मां दे जरिये अहां खरे होये।

1 पतरस 3:18

मैं एह़ ग्लांदा ऐ, कि यीशु मसीयैं भी अहां दे पापां तांई दुख झेलेया कने मारा गेआ, सैह़ सिर्फ इक्क बरी ई मरेया, कने एह़ दुवारी भिरी करणे दी जरूरत नीं ऐ। सैह़ धर्मी माणु था जेह्ड़ा पापी लोकां तांई मरेया, तांजे तिन्हां जो परमात्मे नेड़े लेई औयें तिन्हां तिसदे सरीरे जो मारेया अपर सैह़ पवित्र आत्मा दिया सामर्थी दे जरिये दुवारी भिरी जिन्दा होई गेआ।

1 यूहन्ना 1:2

सैह़ जेह्ड़ा ज़िन्दगी दिंदा ऐ, धरतिया च आया, कने अहां तिसियो दिख्या, कने तिसदी गवाही दिंदे हन, कने तुहां जो तिसा सदा दी ज़िन्दगिया दा सुसमाचार दिंदे हन जेह्ड़ा पिता सौगी था कने अहां पर प्रगट होएया।

1 यूहन्ना 1:7

अपर जिंआं परमात्मा जोतिया च ऐ, तिंआं ई अहां भी जोतिया च चलण, तां इक्की दूये नैं संगति रखदे हन, कने तिसदे पुत्तर यीशु मसीह दा खून अहां जो सारे पापां ते सुद्ध करदा ऐ।

1 यूहन्ना 2:1

हे मेरे प्यारे बच्चो, मैं एह़ गल्लां तुहां जो इसतांई लिखदा ऐ, कि तुहां पाप ना करन; कने जे कोई पाप करैं, तां पिता परमात्मे अल्ल अहां तांई इक्क सहायक ऐ, जेह्ड़ा अहां दे पापां दी माफी तांई तिस नैं प्रार्थना करदा ऐ, मतलब यीशु मसीह जेह्ड़ा धर्मी ऐ;

1 यूहन्ना 2:2

कने तिन्हीं ई अहां दे पापां दी माफी तांई बलिदान दित्या ऐ, कने सिर्फ अहां तांई नीं अपर सारे संसारे दे लोकां दे पापां तांई भी।

1 यूहन्ना 2:29

जे तुहां जाणदे हन, कि मसीह धर्मी ऐ, तां एह़ भी जाणदे हन, कि जेह्ड़ा कोई धार्मिकता दे कम्म करदा ऐ, सैह़ परमात्मे दे बच्चे हन।

1 यूहन्ना 3:8

जेह्ड़ा कोई लगातार पाप करदा ऐ, सैह़ सैताने दे पास्से ते ऐ, क्जोकि सैतान सुरू ते ई लगातार पाप करदा आया ऐ। परमात्मे दा पुत्तर इसतांई आया ऐ, कि सैताने दे कम्मां दा नास करैं।

प्रकाशितवाक्य 1:5

कने यीशु मसीह दे पास्से ते जेह्ड़ा बसुआसे जोग्गा गवाह कने मरेयां ते जिन्दा होणे आल़ेआं च जेठा कने धरतिया दे राजेयां दा हाकम ऐ, तुहां जो अनुग्रह कने सांति मिलदी रैंह्। जेह्ड़ा अहां नैं प्यार रखदा ऐ, कने तिन्हीं अपणे खूने दे जरिये अहां जो पापां ते छड्डाया ऐ।