1 यूहन्ना 3:1 - काँगड़ी

¹ जरा सोचा, कि पिता परमात्मैं अहां नैं कितणा प्यार कित्या ऐ, कि अहां परमात्मे दी औलाद बणन, कने सच्च-बिच्च अहां तिसदे बच्चे हन भी। अपर इस संसार दे लोक एह़ नीं जाणदे कि अहां तिसदे बच्चे हन, क्जोकि तिन्हां परमात्मे जो नीं जाणेया।

1 यूहन्ना 3:1 Iomraidhean Croise

लूका 20:36

सैह़ भिरी मरने जो भी नीं; क्जोकि सैह़ सुअर्गदूतां साइआं हुंगे, कने दुवारी जिन्दे होणे दी औलाद होणे ते परमात्मे दी भी औलाद हुंगे।

यूहन्ना 1:12

अपर जितणेयां तिसियो अपनाया, तिन्हीं तिन्हां जो परमात्मे दी औलाद होणे दा हक्क दित्ता, मतलब तिन्हां जो जेह्ड़े तिसदे नांऐ पर बसुआस रखदे हन।

यूहन्ना 11:52

कने ना सिर्फ इस्राएली लोकां तांई, अपर इसतांई भी कि परमात्मे दे तितर-बितर होएयां बच्चेयां जो इक्क करी दैं।

यूहन्ना 15:21

अपर सैह़ तुहां जो मेरे नांऐ दिया बज़ाह ते सतांगे, क्जोकि सैह़ मेरे घल्लणे आल़े परमात्मे जो नीं जाणदे।

यूहन्ना 16:3

इआं तिन्हां इसतांई करणा कि तिन्हां ना तां पिता जो जाणेया ऐ कने ना तां मिन्जो जाणदे हन।

यूहन्ना 17:25

हे धार्मिक पिता, संसारे दे लोकां मिन्जो नीं जाणेया, अपर मैं तिज्जो जाणेया; कने इन्हां भी जाणेया कि तैंईं मिन्जो घल्लेया ऐ।

यूहन्ना 3:16

“क्जोकि परमात्मैं इस संसारे दे लोकां नैं इतणा प्यार कित्ता कि तिन्हीं अपणा इकलौता पुत्तर देई दित्ता, तांजे जेह्ड़ा कोई भी तिस पर बसुआस करगा सैह़ नास नीं हुंगा पर सदा दी ज़िन्दगी पांगा।

रोमियो 5:8

अपर परमात्मे अहां पर अपणे प्यार दी भलाई इस तरीके नैं प्रगट करदा ऐ, कि जाह़लू अहां पापी थे ताह़लू मसीह अहां तांई मरेया।

रोमियो 8:19

क्जोकि सारी सृष्टि बड़ी आस लगाई नैं तिस बग्ते दा इन्तजार करा दी ऐ, कि काह़लू परमात्मा अपणे बच्चेयां जो प्रगट करगा।

रोमियो 8:21

कि सृष्टि भी अप्पु ई विनाशे दिया गुलामिया ते छुटकारा पाई नैं, परमात्मे दियां औलांदी दी महिमा दी अजादी हासल करगी।

रोमियो 8:32

जिन्हीं अपणे इकलौते पुत्तरे जो भी नीं रखी छड्डेया, अपर अहां पर दया करी नैं तिसियो भी अहां सबना तांई देई दित्ता। तां इतणा कुच्छ दैणे ते बाद भी सैह़ अहां जो अपणे पुत्तरे सौगी सब कुच्छ क्जो नीं दिंगा?

2 कुरिन्थियों 6:18

कने मैं तुहां दा पिता हुंगा, कने तुहां मेरे बच्चे हुंगे। एह़ सर्वशक्तिमान प्रभु परमात्मे दा वचन ऐ।”

गलातियों 3:26

क्जोकि तुहां सारे तिस बसुआसे दिया बज़ाह ते जेह्ड़ा यीशु मसीह पर ऐ, परमात्मे दी औलाद हन।

गलातियों 3:29

क्जोकि जे तुहां मसीह दे हन, तां तुहां हुण अब्राहमे दे परवारे दा हिस्सा हन, कने तुहां जो सैह़ हर इक्क चीज्ज मिलगी, जिसदा परमात्मैं अब्राहमे सौगी वादा कित्या था।

कुलुस्सियों 3:3

क्जोकि तुहां तां अपणे पापी सभावे च मरी गियो थे, कने तुहां दी ज़िन्दगी मसीह सौगी परमात्मे च छुपियो ऐ।

1 यूहन्ना 3:10

इसते परमात्मे दिया औलादी कने सैताने दिया औलादी दा पता चलदा ऐ; जेह्ड़ा कोई धार्मिकता दे कम्म करदा ऐ, कने अपणे भाऊये नैं प्यार रखदा, सैह़ परमात्मे दा बच्चा ऐ।

1 यूहन्ना 3:2

हे मेरे प्यारे साथी बसुआसियो, हुण अहां परमात्मे दी औलाद हन, कने अह्ल्ली तिकर एह़ प्रगट नीं होएया कि अहां क्या कुच्छ हुंगे। बस इतणा जाणदे हन, कि जाह़लू यीशु मसीह प्रगट हुंगा तां तिस साइआं हुंगे, क्जोकि तिसियो तिंआं ई दिक्खगे जिंआं सैह़ ऐ।

1 यूहन्ना 4:17

इसी ते प्यार अहां च सिद्ध होएया, कि अहां जो न्याय दे दिन हिम्मत होयैं। जिंआं यीशु मसीह परमात्मे सौगी इक्क होई करी रेह्आ, तिंआं ई अहां जो भी इस संसारे च परमात्मे सौगी इक्क होई करी रैह़न।

प्रकाशितवाक्य 21:7

जेह्ड़ा जीत्तगा, सैई इन्हां चीज्जां दा वारस हुंगा, कने मैं तिसदा परमात्मा हुंगा कने सैह़ मेरा पुत्तर हुंगा।