1 यूहन्ना 2:5 - काँगड़ी

⁵ अपर जेह्ड़ा कोई परमात्मे दे वचनां जो मनदा ऐ, तिस च सच्च-बिच्च परमात्मे दा प्यार प्रगट होएया ऐ। इसते अहां जाणदे हन, कि अहां तिस च हन।

1 यूहन्ना 2:5 Iomraidhean Croise

यूहन्ना 14:23

यीशुयैं तिसियो जवाब दित्ता, “जे कोई मिन्जो नैं प्यार रखगा, तां सैह़ मेरे वचनां जो मनगा, कने मेरा पिता तिस नैं प्यार रखगा, कने अहां तिस अल्ल ओंगे कने तिस सौगी रैंह्गे।

यूहन्ना 14:21

जिस अल्ल मेरे हुक्म हन कने सैह़ तिन्हां जो मनदा ऐ, सैई मिन्जो नैं प्यार रखदा ऐ; कने जेह्ड़ा मिन्जो नैं प्यार रखदा ऐ तिस नैं मेरा पिता भी प्यार रखगा, कने मैं तिस नैं प्यार रखगा, कने अपणे आप्पे जो तिस पर प्रगट करगा।”

लूका 11:28

तिन्हीं ग्लाया, “हाँ, अपर धन सैह़ हन जेह्ड़े परमात्मे दा वचनां जो सुणदे कने मनदे हन।”

1 यूहन्ना 3:24

कने जेह्ड़ा तिसदे हुक्मां जो मनदा ऐ, सैह़ परमात्मे च कने परमात्मा तिस च बणी रैंह्दा ऐ, कने इसी ते मतलब तिस पवित्र आत्मा ते जेह्ड़ा परमात्मे अहां जो दित्या ऐ, अहां जाणदे हन कि परमात्मा अहां च बणी रैंह्दा ऐ।

प्रकाशितवाक्य 14:12

परमात्मे दे लोकां दा सबर इसी च ऐ, जेह्ड़े परमात्मे दे हुक्मां जो मनदे कने यीशु पर बसुआस रखदे हन।

1 यूहन्ना 5:2

जाह़लू अहां परमात्मे नैं प्यार रखदे हन, कने तिसदे हुक्मां जो मनदे हन, तां इसी ते अहां जाणदे हन कि अहां परमात्मे दियां औलांदी नैं प्यार रखदे हन।

यूहन्ना 15:5

मैं अंगूरा दी बेल ऐ, तुहां डाल़िआं हन। जेह्ड़ा मिन्जो सौगी जुड़ी रैंह्दा ऐ कने मैं तिस सौगी, सैह़ मते फल़ दिंदा ऐ, क्जोकि मिन्जो ते लग्ग होई नैं तुहां कुच्छ भी नीं करी सकदे।

1 यूहन्ना 4:18

प्यारे च डर नीं हुंदा, अपर सिद्ध प्यार डरे जो दूर करी दिंदा ऐ; क्जोकि डरे दा रिस्ता सज़ा नैं हुंदा ऐ, कने जेह्ड़ा डरदा ऐ सैह़ प्यारे च सिद्ध नीं होएया।

2 कुरिन्थियों 5:17

इसतांई जे कोई मसीह पर बसुआस करदा ऐ, तां सैह़ मसीह च नौआं माणु ऐ। पराणियां गल्लां बीती गियां हन। दिक्खा, सारियां गल्लां नौईआं होई गियां हन।

प्रकाशितवाक्य 12:17

ताह़लू अजगर जणासा पर गुस्सा होएया, कने तिसा दी बाक्कि औलादी नैं, जेह्ड़ी परमात्मे दे हुक्मां जो मनदे कने यीशु दी गवाही दैणे पर मजबूत हन, लड़णा गेआ,

1 यूहन्ना 5:20

अहां एह़ भी जाणदे हन, कि परमात्मे दा पुत्तर यीशु मसीह इस संसारे च आई गेआ ऐ कने तिन्हीं अहां जो समझ दित्तियो ऐ, कि अहां तिस सच्चे परमात्मे जो पणछैणन; कने अहां तिस च जेह्ड़ा सच्च ऐ, मतलब तिसदे पुत्तर यीशु मसीह च रैंह्दे हन। सच्चा परमात्मा कने सदा दी ज़िन्दगी ऐई ऐ।

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

रोमियो 8:1

इसतांई हुण जेह्ड़ा यीशु मसीह च ऐ, तिन्हां पर सज़ा दा हुक्म नीं। क्जोकि सैह़ सरीरे मताबक नीं अपर पवित्र आत्मा मताबक चलदे हन।

याकूब 2:22

तां तैं दिक्खी लेआ कि बसुआसैं तिसदे खरे कम्मां सौगी मिल्ली नैं असर दस्सेया ऐ, कने खरे कम्मां ते बसुआस सिद्ध होएया।

2 कुरिन्थियों 5:21

मसीह जेह्ड़ा पापे ते अणजाण था, परमात्मे अहां तांई तिस नैं पापिये साइआं बर्ताब कित्ता, कि अहां तिस च होई नैं परमात्मे दे धर्मी माणु बणी जान।

यूहन्ना 6:56

जेह्ड़ा मेरा सरीर खांदा कने मेरा खून पींदा ऐ सैह़ मिन्जो च बणी रैंह्दा ऐ, कने मैं तिस च।

1 यूहन्ना 4:17

इसी ते प्यार अहां च सिद्ध होएया, कि अहां जो न्याय दे दिन हिम्मत होयैं। जिंआं यीशु मसीह परमात्मे सौगी इक्क होई करी रेह्आ, तिंआं ई अहां जो भी इस संसारे च परमात्मे सौगी इक्क होई करी रैह़न।

2 यूहन्ना 1:6

कने प्यार एह़ ऐ कि अहां तिसदे हुक्मां मताबक चलण। एह़ सैई हुक्म ऐ जेह्ड़ा तुहां सुरू ते सुणेया ऐ, कने तुहां जो इस पर चलणा भी चाइदा।