1 यूहन्ना 2:4 - काँगड़ी

⁴ जेह्ड़ा कोई एह़ ग्लांदा ऐ, “मैं तिसियो जाणी गेआ ऐ,” कने तिसदेयां हुक्मां जो नीं मनदा, सैह़ झूठा ऐ; कने परमात्मे दिया सच्चाईया दे मताबक नीं जींदा ऐ।

1 यूहन्ना 2:4 Iomraidhean Croise

यूहन्ना 8:44

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।

तीतुस 1:10

मैं एह़ तां ग्लांदा ऐ, क्जोकि मत्ते लोक खरिया सिक्षा दा बरोध करदे हन, जेह्ड़े बक-बक करणा कने दूयेयां जो धोखा दैणा सखांदे हन। खास करी नैं एह़ गल्ल तिन्हां यहूदी लोकां तांई साबित हुंदी ऐ, जेह्ड़े बसुआस करदे हन।

तीतुस 1:16

सैह़ झूठे सिक्षक ग्लांदे हन कि अहां परमात्मे जो जाणदे हन, अपर अपणे कम्मां ते तिसदा इन्कार करदे हन। क्जोकि सैह़ घृणित कने हुक्मां नीं मन्नणे आल़े हन, कने कुसी खरे कम्मे जोग्गे नीं हन।

1 यूहन्ना 1:10

जे अहां ग्लान कि अहां पाप नीं कित्या, तां परमात्मे जो झूठा बणांदे हन, कने तिसदा वचन अहां च नीं ऐ।

1 यूहन्ना 1:6

अपर अहां ग्लान, कि परमात्मे सौगी अहां दी संगति ऐ, कने भिरी नेहरे च चलण, तां अहां झूठे हन कने सच्चाईया पर नीं चलदे।

1 यूहन्ना 1:8

जे अहां ग्लान, कि अहां च कुच्छ भी पाप नीं, तां अपणे आप्पे जो धोखा दिंदे हन, कने अहां च कोई सच्चाई नीं।

1 यूहन्ना 2:3

जे अहां परमात्मे दे हुक्मां जो मनगे, तां इसते अहां जो पता लग्गी जांगा कि अहां तिसियो जाणदे हन।

1 यूहन्ना 2:9

जेह्ड़ा कोई एह़ ग्लांदा ऐ, कि मैं लौई च जीआ दा ऐ, अपर अपणे बसुआसी भाऊये नैं बैर रखदा ऐ, तां सैह़ अह्ल्ली तिकर नेहरे च जीआ दा ऐ।

1 यूहन्ना 3:6

जेह्ड़ा कोई तिस च बणी रैंह्दा ऐ, सैह़ लगातार पाप नीं करदा; जेह्ड़ा कोई लगातार पाप करदा ऐ, तिन्हीं ना तां तिसियो दिख्या ऐ, कने ना तिसियो जाणेया ऐ।

1 यूहन्ना 4:20

जे कोई ग्लां, “मैं परमात्मे नैं प्यार रखदा ऐ,” अपर अपणे बसुआसी भाऊये नैं बैर रखैं; तां सैह़ झूठा ऐ; क्जोकि जेह्ड़ा अपणे बसुआसी भाऊये नैं, जिसियो तिन्हीं दिख्या ऐ, प्यार नीं रखदा, तां सैह़ परमात्मे नैं भी जिसियो तिन्हीं नीं दिख्या प्यार नीं रखी सकदा।

1 यूहन्ना 4:7

हे मेरे प्यारे साथी बसुआसियो, अहां अप्पु च प्यार रखन; क्जोकि प्यार परमात्मे ते ऐ। कने जेह्ड़ा कोई दूयेयां नैं प्यार करदा ऐ, सैह़ परमात्मे दा बच्चा ऐ, कने परमात्मे जो जाणदा ऐ।