1 यूहन्ना 2:1 - काँगड़ी

¹ हे मेरे प्यारे बच्चो, मैं एह़ गल्लां तुहां जो इसतांई लिखदा ऐ, कि तुहां पाप ना करन; कने जे कोई पाप करैं, तां पिता परमात्मे अल्ल अहां तांई इक्क सहायक ऐ, जेह्ड़ा अहां दे पापां दी माफी तांई तिस नैं प्रार्थना करदा ऐ, मतलब यीशु मसीह जेह्ड़ा धर्मी ऐ;

1 यूहन्ना 2:1 Iomraidhean Croise

लूका 10:22

मेरे पितैं मिन्जो सब कुच्छ दित्या ऐ; कने कोई नीं जाणदा कि पुत्तर कुण ऐ सिर्फ पिता, कने पिता कुण ऐ एह़ भी कोई नीं जाणदा सिर्फ पुत्तरे दे सिवाय, कने सैह़ जिस पर पुत्तर तिसियो प्रगट करणा चां।”

यूहन्ना 10:15

जिंआं पिता मिन्जो जाणदा ऐ, कने तिंआं ई मैं पिता जो जाणदा ऐ। कने मैं भेड्डां तांई अपणे प्राण दिंदा ऐ।

यूहन्ना 13:33

हे प्यारेयो, मैं होर थोड़ी देर तुहां अल्ल ऐ, भिरी तुहां मिन्जो तोपणा, कने जिंआं मैं यहूदियां नैं ग्लाया, ‘जित्थु मैं चलेया ऐ तित्थु तुहां नीं आई सकदे,’ तिंआं ई मैं हुण तुहां नैं भी ग्ला दा ऐ।

यूहन्ना 14:16

मैं पिता नैं विणती करगा, कने सैह़ तुहां जो इक्क होर सहायक दिंगा, कि सैह़ हमेसा तुहां सौगी रैंह्।

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

यूहन्ना 21:5

ताह़लू यीशुयैं तिन्हां नैं ग्लाया, हे जागतो, क्या तुहां अल्ल कुच्छ मच्छियां हन? तिन्हां जवाब दित्ता, “नीं हन।”

यूहन्ना 5:14

इन्हां गल्लां होणे दे बाद सैह़ बमार माणु यीशुये जो मंदरे दे अँगणे च मिल्ला। यीशुयैं तिस नैं ग्लाया, “दिक्ख तू खरा होई गेआ ऐ; हुण भिरी ते पाप मत करदा, नीं तां बड़े दुख तिज्जो पर आई सकदे हन।”

यूहन्ना 5:36

अपर मिन्जो अल्ल जेह्ड़ी गवाही ऐ सैह़ यूहन्ना दी गवाहिया ते बड्डी ऐ; क्जोकि जेह्ड़े कम्म पिता परमात्मे मिन्जो पूरा करणे दी जिम्मेवारी दित्तियो मतलब जिन्हां कम्मां जो मैं करदा ऐ, सैई कम्म मेरे गवाह हन, कि मिन्जो मेरे पिता परमात्मे घल्लेया ऐ।

यूहन्ना 6:27

तिस खाणे तांई मेहनत मत करा जेह्ड़ा नास होई जांदा ऐ, अपर तिस खाणे तांई मेहनत करा जेह्ड़ा सदा दी ज़िन्दगिया तिकर बणी रैंह्गा, जिसियो मैं माणुये दा पुत्तर तुहां जो दिंगा, क्जोकि पिता परमात्मैं मिन्जो इसियो दैणे दा हक्क दित्या ऐ।”

यूहन्ना 8:11

तिन्नै ग्लाया, “हे प्रभु कुणी भी नीं।” यीशुयैं ग्लाया, “मैं भी तिज्जो सज़ा दा हुक्म नीं दिंदा; अपणे घरेयो जा कने भिरी पाप मत करदी।”

प्रेरितां दे कम्म 7:52

क्या कदी भी कोई ऐदेया भविष्यवक्तां होएया ऐ, जिसियो तुहां दे पूर्वजां नीं सताया होयैं? ऐत्थु तिकर तिन्हां तां तिन्हां भविष्यवक्तां जो भी मारी दित्ता, जिन्हां तिस धर्मी जण दे ओणे दी पैहल्ले ते ई दस्सी दित्या था; कने हुण तुहां भी तिसियो पकड़ुआणे आल़े कने मारी दैणे आल़े बणी गै हन।

रोमियो 5:10

क्जोकि जाह़लू अहां परमात्मे दे बैरी होणे दिया हालता च थे, तां तिसदे पुत्तरे दे मरने दे जरिये अहां दा मेल-जोल परमात्मे सौगी होएया, तां भिरी मेल-जोल होई जाणे पर तिसदिया ज़िन्दगिया दिया बज़ाह ते अहां उद्धार क्जो नीं पांगे?

रोमियो 6:15

तां क्या होएया? क्या अहां इसतांई पाप करन कि अहां व्यबस्था दे बसे च नीं अपर अनुग्रह दे बसे च हन? नीं, कदी भी नीं।

रोमियो 8:34

भिरी कुण ऐ जेह्ड़ा अहां पर दोस लगाई सकदा ऐ? कोई भी नीं। क्जोकि यीशु मसीह ई ऐ जिन्हीं अपणे प्राण अहां तांई देई दित्ते, कने जेह्ड़ा मरेयां ते जिन्दा भी होई गेआ, कने परमात्मे दे सज्जे पास्से ऐ, कने अहां तांई विणती भी करदा ऐ।

1 कुरिन्थियों 15:34

सतर्क होई जा, कने पाप करणा छड्डी देआ। क्जोकि तुहां च कुच्छ लोक ऐदेय हन जेह्ड़े परमात्मे जो नीं जाणदे, मैं तुहां जो सर्मिंदा करणे तांई एह़ ग्लादा ऐ।

2 कुरिन्थियों 5:21

मसीह जेह्ड़ा पापे ते अणजाण था, परमात्मे अहां तांई तिस नैं पापिये साइआं बर्ताब कित्ता, कि अहां तिस च होई नैं परमात्मे दे धर्मी माणु बणी जान।

गलातियों 4:19

हे मेरे प्यारे बच्चेयो, जिंआं इक्क जणांस बच्चे जो जन्म दिंदे बग्त दर्द मसूस करदी ऐ, तिंआं ई मैं भी जाह़लू तिकर तुहां पूरे तरीके नैं मसीह साइआं नीं बणी जान, सैई दर्द मसूस करदा ऐ।

इफिसियों 2:18

क्जोकि मसीह दे जरिये इक्की आत्मा च अहां सारे पिता परमात्मे अल्ल पुज्जी सकदे हन।

इफिसियों 4:26

गुस्सा तां करा, अपर पाप मत करा; इसा गल्ला च पक्के होई जा, कि तुहां दा गुस्सा दिन ढलणे ते पैहल्ले सांत होई जां।

1 तीमुथियुस 2:5

क्जोकि इक्क ई परमात्मा ऐ, कने सिर्फ परमात्मा ई माणुआं च मेल-जोल कराई सकदा कने सैह़ यीशु मसीह ई ऐ जेह्ड़ा इक्क माणु दे रूपे च पैदा होएया था।

1 तीमुथियुस 3:14

हलांकि मिन्जो आस ऐ कि मैं तौल़ी तिज्जो अल्ल ओंगा, अपर एह़ गल्लां तिज्जो इसतांई लिखा दा ऐ,

इब्रानियों 9:24

क्जोकि यीशु मसीह जिसा पवित्र जगाह च गेआ, सैह़ माणुये दे हत्थां नैं नीं बणाईयो थी, जेह्ड़ा सच्ची पवित्र जगाह दा नक्सा ऐ। अपर सुअर्गे च गेआ तांजे अहां तांई हुण परमात्मे दिया हजुरिया च दुस्सें।

याकूब 1:27

अहां दे पिता परमात्मे दे सामणै सुद्ध कने सच्ची भक्ति एह़ ऐ कि अनाथां कने बिधवां दे दुखां च तिन्हां दा ख्याल रखन, कने अपणे आप्पे जो संसारे दे बुरे कम्मां ते बचाई करी रखन।

याकूब 3:9

इसा जीभा नैं अहां प्रभु कने पिता दी स्तुति करदे हन, कने इसा ते माणुआं जो जेह्ड़े परमात्मे दे रूपे साइआं बणायो हन तिन्हां जो श्राप दिंदे हन।

1 पतरस 2:22

ना तां तिन्हीं कोई पाप कित्ता, कने ना तिन्हीं कदी कुसियो धोखा दित्ता।

1 पतरस 3:18

मैं एह़ ग्लांदा ऐ, कि यीशु मसीयैं भी अहां दे पापां तांई दुख झेलेया कने मारा गेआ, सैह़ सिर्फ इक्क बरी ई मरेया, कने एह़ दुवारी भिरी करणे दी जरूरत नीं ऐ। सैह़ धर्मी माणु था जेह्ड़ा पापी लोकां तांई मरेया, तांजे तिन्हां जो परमात्मे नेड़े लेई औयें तिन्हां तिसदे सरीरे जो मारेया अपर सैह़ पवित्र आत्मा दिया सामर्थी दे जरिये दुवारी भिरी जिन्दा होई गेआ।

1 यूहन्ना 3:18

हे मेरे प्यारे बच्चो, अहां वचने ते कने गल्लां-बातां ते ई नीं, अपर कम्मे कने सच्चाईया दे जरिये भी प्यार करन।

1 यूहन्ना 3:5

कने तुहां जाणदे हन, कि यीशु मसीह इसतांई आया ऐ, कि पापां जो दूर करैं; कने तिस च कोई पाप नीं ऐ।

1 यूहन्ना 3:7

हे प्यारे बच्चो, कुसी दे भटकाणे च मत ओआ। जेह्ड़ा धार्मिकता दे कम्म करदा ऐ, सैई मसीह साइआं धर्मी ऐ।

1 यूहन्ना 4:4

हे मेरे बच्चो, तुहां परमात्मे दे लोक हन, कने तुहां झूठे भविष्यवक्तां पर जय पाई ऐ; क्जोकि पवित्र आत्मा जेह्ड़ा तुहां च ऐ, सैह़ तिस सैताने ते जेह्ड़ा इस संसारे च राज करदा ऐ, म्हान ऐ।

1 यूहन्ना 5:17

हर तरीके दे बुरे कम्म तां पाप हन, अपर ऐदेय पाप भी हन, जिन्हां दा नतीजा मौत्त नीं।

1 यूहन्ना 5:21

हे मेरे बच्चो, अपणे आप्पे जो मूर्तियां ते बचाई करी रखा।

3 यूहन्ना 1:4

मिन्जो इसते बधी नैं होर कोई खुसी नीं, कि जिसियो मैं सुणैं, कि सैह़ सारे जेह्ड़े मेरे बाल-बच्चेयां साइआं हन सच्चाई पर चलदे हन।