1 यूहन्ना 1:9 - काँगड़ी

⁹ जे अहां अपणे पापां जो मन्नी लैन, तां परमात्मा अहां दे पापां जो माफ करणे, कने अहां जो सारे बुरे कम्मां ते सुद्ध करणे च बसुआसे जोग्गा कने धर्मी ऐ।

1 यूहन्ना 1:9 Iomraidhean Croise

मत्ती 3:6

कने तिन्हां अपणे-अपणे पापां जो मन्नी नैं यरदन नदिया च यूहन्ने ते बपतिस्मा लेआ।

मरकुस 1:5

यहूदिया प्रदेसे दे, कने यरूशलेम सैहरे दे रैहणे आल़े मते सारे लोक घरे ते निकल़ी नैं यूहन्ने अल्ल आये, कने अपणे पापां जो मन्नी नैं यरदन नदिया च यूहन्ने ते बपतिस्मा लेआ।

लूका 22:57

अपर तिन्हीं एह़ ग्लाई नैं ना कित्ती, “हे नारी, मैं तिसियो नीं जाणदा।”

यूहन्ना 17:25

हे धार्मिक पिता, संसारे दे लोकां मिन्जो नीं जाणेया, अपर मैं तिज्जो जाणेया; कने इन्हां भी जाणेया कि तैंईं मिन्जो घल्लेया ऐ।

प्रेरितां दे कम्म 19:18

जिन्हां बसुआस कित्या था, तिन्हां च मते लोक आई करी अपणेयां-अपणेयां बुरे कम्मां जो मन्नी लेआ कने प्रगट कित्ता।

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

1 कुरिन्थियों 6:11

कने तुहां च कितणे ऐदेय ई थे, अपर तुहां दे पाप प्रभु यीशु मसीह दे नांऐ ते कने अहां दे परमात्मे दिया आत्मा दे जरिये धोणे दिया बज़ाह ते पवित्र कने धर्मी बणैं।

इफिसियों 5:26

तांजे तिसदे वचने जो कलीसिया पर प्रगट करी नैं तिसियो तिसदे पापां ते सुद्ध करी सकैं, ठीक तिंआं ई जिंआं लोक कुसी चीज्जा जो धोई करी साफ करदे हन।

1 तीमुथियुस 1:15

जेह्ड़ी गल्ल मैं तुहां जो दस्सी सैह़ सच्च कने पूरे तरीके नैं बसुआस करणे जोग्गी ऐ। क्जोकि यीशु मसीह अहां पापी लोकां दा उद्धार करणे तांई इस संसारे च आया कने तिन्हां च सबते बड्डा पापी मैं ऐ।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

इब्रानियों 10:23

हुण अहां बगैर शक कित्ते अपणी तिसा आसा च सिद्ध रैह़न, जिसा जो अहां अपनाया ऐ, क्जोकि जिन्हीं वादा कित्या ऐ, सैह़ बसुआसे जोग्गा ऐ।

इब्रानियों 11:11

बसुआसे ते ई अब्राहमे दी लाड़ी सारा अपणे आप्पे जो जबरी होणे पर भी गर्भवती होणे दी ताकत पाई, क्जोकि तिन्नै बसुआस कित्ता, कि परमात्मा अपणे वादे जो पूरा करगा।

इब्रानियों 6:10

क्जोकि परमात्मा गलत फैसला नीं करदा ऐ, कि तुहां दे कम्मां कने तिस प्यारे जो भुल्ली जां, जेह्ड़ा तुहां तिसदे नांऐ तांई इस तरीके नैं दस्सेया, कि तिसदे लोकां दी सेवा कित्ती कने करा दे भी हन।

1 यूहन्ना 1:7

अपर जिंआं परमात्मा जोतिया च ऐ, तिंआं ई अहां भी जोतिया च चलण, तां इक्की दूये नैं संगति रखदे हन, कने तिसदे पुत्तर यीशु मसीह दा खून अहां जो सारे पापां ते सुद्ध करदा ऐ।

प्रकाशितवाक्य 15:3

सैह़ परमात्मे दे दास मूसा दा गीत, कने मेम्ने दा गीत गाई-गाई करी ग्लांदे थे, “हे सर्वशक्तिमान प्रभु परमात्मा तेरे कम्म म्हान कने अनोखे हन; हे जुगा-जुग दे राजा, तेरी चाल खरी कने सच्ची ऐ।