1 यूहन्ना 1:8 - काँगड़ी

⁸ जे अहां ग्लान, कि अहां च कुच्छ भी पाप नीं, तां अपणे आप्पे जो धोखा दिंदे हन, कने अहां च कोई सच्चाई नीं।

1 यूहन्ना 1:8 Iomraidhean Croise

यूहन्ना 8:44

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।

रोमियो 3:10

जिंआं पवित्रशास्त्रे च लिख्या ऐ: “परमात्मे दे सामणै कोई भी धर्मी नीं, इक्क भी नीं।

रोमियो 3:23

इसतांई कि सबना पाप कित्या ऐ कने परमात्मे दी महिमा ते दूर होई गियो हन,

1 कुरिन्थियों 3:18

जे तुहां च कोई सोचैं कि तुहां इस संसारे दे लोकां च बड़े भरी ज्ञानी हन, तुहां जो इस संसारे दे लोकां च मूर्ख बणी जाणा चाइदा, इसतांई तुहां परमात्मे दिया नजरा च अपणे आप्पे जो ज्ञानी बणाई सकन।

गलातियों 6:3

क्जोकि जे कोई कुच्छ ना होणे पर भी अपणे आप्पे जो कुच्छ खास समझदा ऐ, तां अपणे आप्पे जो धोखा दिंदा ऐ।

1 तीमुथियुस 6:5

कने इक्की दूये सौगी नीं मुकणे आल़े झगड़े, जिन्हां दी अक्ल भरष्ठ होई गेई ऐ, कने सैह़ सच्चाईया जो नीं समझी सकदे हन, कने समझदे हन कि परमात्मे दी सेवा करणा ई अमीर होणे दा जरिया ऐ।

2 तीमुथियुस 3:13

अपर दुष्ट कने धोखा दैणे आल़े लोक होर भी जादा बुरे कम्म करगे, सैह़ दूये लोकां जो धोखा दिंगे, कने सैह़ अप्पु भी दूयेयां ते धोखा खांगे।

याकूब 1:22

अपर परमात्मे दे वचनां दा पालण करणे आल़े बणा, कने सिर्फ सुणने आल़े ई नीं जेह्ड़े अपणे आप्पे जो धोखा दिंदे हन।

याकूब 1:26

जे कोई अपणे आप्पे जो परमात्मे दा भक्त समझैं, कने अपणिया जीभा पर लगाम ना दैं, अपर अपणे मने जो धोखा दैं, तां तिसदी भक्ति बेकार ऐ।

याकूब 3:2

अहां सारे ग्लाणे च मती बरी गलती करी जांदे हन; अपर जेह्ड़ा कोई ग्लाणे च गलती नीं करदा सैई तां सिद्ध माणु ऐ, कने सैह़ सारे सरीरे जो अपणे बसे च करी सकदा ऐ।

2 पतरस 2:13

इन्हां दे बुरे कम्मां दा बुरा फल़ मिलगा। तिन्हां जो दिन दोपैर सरीरे दियां इच्छां च पोणा कने मौज-मस्ती करणा खरा लगदा ऐ। सैह़ तुहां बिच्च बदनामिया दे दाग हन, जाह़लू सैह़ तुहां सौगी खांदे पींदे हन, तां सैह़ कपटी गल्लां करी नैं बड़े खुस हुंदे हन।

1 यूहन्ना 1:10

जे अहां ग्लान कि अहां पाप नीं कित्या, तां परमात्मे जो झूठा बणांदे हन, कने तिसदा वचन अहां च नीं ऐ।

1 यूहन्ना 1:6

अपर अहां ग्लान, कि परमात्मे सौगी अहां दी संगति ऐ, कने भिरी नेहरे च चलण, तां अहां झूठे हन कने सच्चाईया पर नीं चलदे।

1 यूहन्ना 2:4

जेह्ड़ा कोई एह़ ग्लांदा ऐ, “मैं तिसियो जाणी गेआ ऐ,” कने तिसदेयां हुक्मां जो नीं मनदा, सैह़ झूठा ऐ; कने परमात्मे दिया सच्चाईया दे मताबक नीं जींदा ऐ।

1 यूहन्ना 4:20

जे कोई ग्लां, “मैं परमात्मे नैं प्यार रखदा ऐ,” अपर अपणे बसुआसी भाऊये नैं बैर रखैं; तां सैह़ झूठा ऐ; क्जोकि जेह्ड़ा अपणे बसुआसी भाऊये नैं, जिसियो तिन्हीं दिख्या ऐ, प्यार नीं रखदा, तां सैह़ परमात्मे नैं भी जिसियो तिन्हीं नीं दिख्या प्यार नीं रखी सकदा।

2 यूहन्ना 1:2

सैह़ सच्च जेह्ड़ा अहां च पक्का बणी रैंह्दा ऐ, कने सदा तांई अहां सौगी मजबूत रैंह्गा।

3 यूहन्ना 1:3

क्जोकि जाह़लू बसुआसी भाऊआं आई नैं, तेरे तिस सच्च दी गवाही दित्ती, जिसा पर तू सच्च-बिच्च चलदा ऐ, तां मैं बड़ा ई खुस होएया।