1 यूहन्ना 1:6 - काँगड़ी

⁶ अपर अहां ग्लान, कि परमात्मे सौगी अहां दी संगति ऐ, कने भिरी नेहरे च चलण, तां अहां झूठे हन कने सच्चाईया पर नीं चलदे।

1 यूहन्ना 1:6 Iomraidhean Croise

मत्ती 7:22

कने मते लोक न्याय दे दिन मिन्जो नैं ग्लांगे, ‘हे प्रभु हे प्रभु, क्या अहां तेरे नांऐ ते भविष्यवाणी नीं कित्ती, कने तेरे नांऐ ते दुष्टआत्मां जो नीं कड्डेया, कने तेरे नांऐ ते मते चमत्कार नीं कित्ते?’

यूहन्ना 11:10

जे कोई राती चल्लैं तां ठोकर लगदी ऐ, क्जोकि तिस अल्ल लौ नीं हुंदी।”

यूहन्ना 12:35

यीशुयैं तिन्हां नैं ग्लाया, “जोत्ती हुण थोड़ी देर तिकर तुहां सौगी ऐ। जाह़लू तिकर जोत्ती तुहां सौगी ऐ ताह़लू तिकर चली रेह्आ, इआं नीं होयैं कि नेहरा तुहां जो आई नैं घेरी लैं; जेह्ड़ा नेहरे च चलदा ऐ सैह़ नीं जाणदा कि कतांह चलेया ऐ।

यूहन्ना 12:46

मैं संसारे च जोत्ती बणी नैं आया ऐ, तांजे जेह्ड़ा कोई मिन्जो पर बसुआस करैं सैह़ नेहरे च नीं रैंह्।

यूहन्ना 8:12

यीशुयैं भिरी लोकां नैं ग्लाया, “संसारे दी जोत्ती मैं ऐ; जेह्ड़ा मिन्जो पचांह़ चलदा ऐ, सैह़ नेहरे च नीं चलदा, अपर सैह़ जोत्ती पांदा ऐ, जेह्ड़ी ज़िन्दगी दिंदी ऐ।”

यूहन्ना 8:55

तुहां तां तिसियो नीं जाणेया अपर मैं तिसियो जाणदा ऐ। जे मैं ग्लां कि मैं तिसियो नीं जाणदा तां मैं तुहां साइआं झूठा ठैहरगा; अपर मैं तिसियो जाणदा कने तिसदेयां वचनां पर चलदा ऐ।

1 तीमुथियुस 4:2

जेह्ड़े लोक एह़ झूठी सिक्षा दिंदे हन, सैह़ झूठे हन, क्जोकि तिन्हां दी अन्तर आत्मा मरी चुकियो ऐ, जिंआं इक्क गरम लोहें तिसा जो जल़ाई दित्या ऐ।

याकूब 2:14

हे प्यारे साथी बसुआसियो, जे कोई ग्लां कि मिन्जो प्रभु यीशु मसीह च बसुआस ऐ अपर सैह़ खरे कम्म नीं करदा ऐ, तां इसते क्या फायदा? क्या ऐदेया बसुआस कदी तिसदा उद्धार करी सकदा ऐ?

याकूब 2:16

कने तुहां च कोई तिन्हां नैं ग्लां, “तुहां खुस होई नैं जा, गरम-गरम कपड़े पैहना, कने पेट भरी खा,” अपर जेह्ड़ियां चीज्जां सरीरे तांई जरूरी हन सैह़ तुहां तिन्हां जो ना दैंन, तां क्या फायदा?

याकूब 2:18

जे कोई ग्लांदा ऐ, “कि तिज्जो अल्ल बसुआस ऐ कने मैं खरे कम्म करदा ऐ,” अपर मैं ग्लांदा ऐ, तू अपणा बसुआस मिन्जो खरे कम्मां ते बगैर तां दस्स; कने मैं अपणा बसुआस अपणे खरे कम्मां दे जरिये तिज्जो दस्सगा।

1 यूहन्ना 1:10

जे अहां ग्लान कि अहां पाप नीं कित्या, तां परमात्मे जो झूठा बणांदे हन, कने तिसदा वचन अहां च नीं ऐ।

1 यूहन्ना 1:3

जेह्ड़ा कुच्छ अहां दिख्या कने सुणेया ऐ तिसदा समाचार तुहां जो भी दिंदे हन, तांजे तुहां भी अहां सौगी संगति रखन; कने अहां दी एह़ संगति पिता सौगी कने तिसदे पुत्तर यीशु मसीह सौगी ऐ।

1 यूहन्ना 1:8

जे अहां ग्लान, कि अहां च कुच्छ भी पाप नीं, तां अपणे आप्पे जो धोखा दिंदे हन, कने अहां च कोई सच्चाई नीं।

1 यूहन्ना 2:4

जेह्ड़ा कोई एह़ ग्लांदा ऐ, “मैं तिसियो जाणी गेआ ऐ,” कने तिसदेयां हुक्मां जो नीं मनदा, सैह़ झूठा ऐ; कने परमात्मे दिया सच्चाईया दे मताबक नीं जींदा ऐ।

1 यूहन्ना 4:20

जे कोई ग्लां, “मैं परमात्मे नैं प्यार रखदा ऐ,” अपर अपणे बसुआसी भाऊये नैं बैर रखैं; तां सैह़ झूठा ऐ; क्जोकि जेह्ड़ा अपणे बसुआसी भाऊये नैं, जिसियो तिन्हीं दिख्या ऐ, प्यार नीं रखदा, तां सैह़ परमात्मे नैं भी जिसियो तिन्हीं नीं दिख्या प्यार नीं रखी सकदा।