1 यूहन्ना 1:3 - काँगड़ी

³ जेह्ड़ा कुच्छ अहां दिख्या कने सुणेया ऐ तिसदा समाचार तुहां जो भी दिंदे हन, तांजे तुहां भी अहां सौगी संगति रखन; कने अहां दी एह़ संगति पिता सौगी कने तिसदे पुत्तर यीशु मसीह सौगी ऐ।

1 यूहन्ना 1:3 Iomraidhean Croise

यूहन्ना 17:11

मैं हुण संसारे च नीं रैहणा, अपर इन्हां संसारे च रैहणा, कने मैं तिज्जो अल्ल ओआ दा। हे पवित्र पिता, अपणे तिस नांऐ ते जेह्ड़ा तैं मिन्जो दित्या ऐ, तिन्हां दी रक्षा कर कि सैह़ भी अहां साइआं इक्क होन।

यूहन्ना 17:21

कि सैह़ सारे इक्क होन; जिंआं तू हे पिता मिन्जो च ऐ, कने मैं तिज्जो च, तिंआं ई सैह़ भी अहां च होन, जिसते संसारे सारे लोक बसुआस करन कि तैंईं मिन्जो घल्लेया ऐ।

यूहन्ना 17:25

हे धार्मिक पिता, संसारे दे लोकां मिन्जो नीं जाणेया, अपर मैं तिज्जो जाणेया; कने इन्हां भी जाणेया कि तैंईं मिन्जो घल्लेया ऐ।

यूहन्ना 17:3

कने सदा दी ज़िन्दगी एह़ ऐ कि सैह़ तिज्जो इकमात्र सच्चे परमात्मे जो कने यीशु मसीह जो, जिसियो तैं घल्लेया ऐ, जाणन।

यूहन्ना 19:35

जिन्हीं एह़ दिख्या, तिन्हीं गवाही दित्ती ऐ, कने तिसदी गवाही सच्ची ऐ; कने सैह़ जाणदा ऐ, जेह्ड़ा तिन्हीं ग्लाया सैह़ सच्च ऐ, कि तुहां भी बसुआस करन।

प्रेरितां दे कम्म 13:32

“कने अहां तिज्जो तिस वादे जो जेह्ड़ा पूर्वजां नैं कित्या था, एह़ सुसमाचार सणांदे हन,

प्रेरितां दे कम्म 13:41

“‘हे निंदा करणे आल़ेयो, दिक्खा कने हरान होई करी मरी जा; क्जोकि मैं तुहां दे दिनां च इक्क कम्म करदा ऐ, एह़ कम्म कि जे कोई तुहां नैं तिसदी निंदा करैं, तां तुहां कदी बसुआस नीं करगे।’”

प्रेरितां दे कम्म 2:42

कने सैह़ सारे प्रेरितां ते सिक्षा पाणे, कने संगति रखणे च, कने रोटी तोड़णे च, कने प्रार्थना करणे च लगातार लग्गी रैह़न।

प्रेरितां दे कम्म 20:27

क्जोकि मैं परमात्मे दे सारे मकसद तुहां जो खुली नैं कने पूरे तरीके नैं दस्सी दित्ते।

प्रेरितां दे कम्म 4:20

क्जोकि एह़ तां अहां ते होई नीं सकदा कि जेह्ड़ा अहां दिख्या कने सुणेयां ऐ, सैह़ नीं ग्लान।”

रोमियो 15:27

तिन्हां खुसिया नैं गरीबां जो दान दित्ता, अपर सैह़ यरूशलेम सैहरे दे रैहणे आल़े लोकां दे कर्जदार भी हन, क्जोकि जे होरनी जातिआं दे लोक तिन्हां दियां आत्मिक आसीषां च साझी होन, तां तिन्हां जो भी ठीक ऐ कि गरीबां जो दान देई नैं तिन्हां दी मदत करन।

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

1 कुरिन्थियों 15:1

हे मेरे प्यारे साथी बसुआसियो, हुण मैं तुहां जो सैई सुसमाचार याद दुआंदा ऐ जेह्ड़ा तुहां जो पैहल्लैं सणाई दित्या ऐ, जिस पर तुहां बसुआस भी कित्ता, कने जिस च तुहां मजबूत हन,

2 कुरिन्थियों 13:14

प्रभु यीशु मसीह दा अनुग्रह कने परमात्मे दा प्यार कने पवित्र आत्मा दी सेहभागिता तुहां सबना सौगी हुंदी रैंह्।

इफिसियों 3:6

मतलब एह़ कि यीशु मसीह च सुसमाचारे दे जरिये होरनी जातिआं दे लोक सैई आसीषां हासल करदे हन, कने तिसी सरीरे दे हिस्से कने तिस वादे दे जेह्ड़ा परमात्मे यहूदी लोकां सौगी कित्या था साझी हन।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 2:1

इसतांई जे तुहां लोकां च मसीह च जरा भी हौंसला, प्यारे दे जरिये पैदा सबर, आत्मा दी संगति, कुच्छ करूणा कने दया ऐ,

फिलिप्पियों 3:10

मैं एह़ चांह़दा ऐ कि मसीह जो जाणी लैं। कने तिसदे दुवारी जिन्दे होणे दिया सामर्थी जो मसूस करी सकैं, कने तिसदे दुख झेलणे च साझी होई नैं, कने मौत्ती च तिस साइआं बणी जां।

कुलुस्सियों 1:13

क्जोकि परमात्मे अहां जो सैताने दे बसे ते छड्डाई करी अपणे प्यारे पुत्तरे दे राज्जे च लेई अंदा ऐ।

1 थिस्सलुनीकियों 1:10

कने हुण तुहां तिसदे पुत्तरे दा सुअर्गे ते बापस ओणे दा इन्तजार करदे रेह्आ जिसियो परमात्मे मरेयां ते जिन्दा कित्या, मतलब यीशु मसीह जो, जेह्ड़ा अहां जो ओणे आल़े कोपे ते बचांदा ऐ।

1 तीमुथियुस 6:2

जिन्हां दे मालक बसुआसी हन तिन्हां जो बसुआसी होणे दे नाते घटिया ना समझन, बल्कि सैह़ तिन्हां भी ठीक ढंगे नैं सेवा करन, क्जोकि इसते फायदा लैणे आल़े बसुआसी कने प्रेमी हन। इन्हां गल्लां दी सिक्षा कने पालण करणे तांई लोकां जो हौंसला देआ कर।

इब्रानियों 2:12

कने यीशु परमात्मे नैं ग्लांदा ऐ, “मैं तेरे बारे च अपणे लोकां जो दस्सगा; कि तैं मिन्जो तांई कितणे खरे कम्म कित्ते हन, जाह़लू सैह़ अराधना तांई किठ्ठे हुंदे हन, मैं तेरी स्तुति करगा।”

इब्रानियों 3:1

इसतांई हे प्यारे साथी बसुआसियो, तुहां परमात्मे नैं मिलणे तांई सद्देयो गै हन, यीशु पर ध्यान देआ, जेह्ड़ा अहां तांई परमात्मे दा संदेस लेई करी ओणे आल़ा दूत कने महायाजक ऐ।

इब्रानियों 3:14

जे अहां अपणे पैहल्ले भरोसे जो अन्त तिकर मजबूत बणाई रखदे हन, तां अहां मसीह दे हिस्सेदार बणी जांदे हन।

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

2 पतरस 1:16

क्जोकि जाह़लू अहां प्रेरितां तुहां जो अपणे प्रभु यीशु मसीह दी सामर्थी दा, कने बापस ओणे दा समाचार दित्या था, तां अहां तुहां जो चलाकियां नैं मनगढ़ंत काहणियां जो नीं दस्सदे थे, अपर अहां अपणियां अखीं नैं यीशु मसीह दिया महिमा जो दिख्या था।

1 यूहन्ना 1:1

अहां इक्क ऐदेय माणुये दे बारे च लिखा दे हन, जेह्ड़ा ज़िन्दगिया दा वचन ऐ। सैह़ सृष्टिया दे पैहल्ले ते ई था, तिसियो अहां सुणेया, कने अपणियां अखीं नैं कने ध्याने दिख्या, ऐत्थु तिकर अहां तिसियो अपणे हत्थां नैं भी छुता।

1 यूहन्ना 1:5

जेह्ड़ा समाचार अहां यीशु मसीह ते सुणेया, कने तुहां जो सणांदे हन, सैह़ एह़ ऐ कि परमात्मा जोत्ती ऐ कने तिस च जरा भी नेहरा नीं।

1 यूहन्ना 1:7

अपर जिंआं परमात्मा जोतिया च ऐ, तिंआं ई अहां भी जोतिया च चलण, तां इक्की दूये नैं संगति रखदे हन, कने तिसदे पुत्तर यीशु मसीह दा खून अहां जो सारे पापां ते सुद्ध करदा ऐ।