1 यूहन्ना 1:2 - काँगड़ी

² सैह़ जेह्ड़ा ज़िन्दगी दिंदा ऐ, धरतिया च आया, कने अहां तिसियो दिख्या, कने तिसदी गवाही दिंदे हन, कने तुहां जो तिसा सदा दी ज़िन्दगिया दा सुसमाचार दिंदे हन जेह्ड़ा पिता सौगी था कने अहां पर प्रगट होएया।

1 यूहन्ना 1:2 Iomraidhean Croise

यूहन्ना 1:18

परमात्मे जो कदी कुणी नीं दिख्या, सिर्फ तिसदे इकलौते पुत्तरें जेह्ड़ा अप्पु ई परमात्मा ऐ, कने अपणे पिता दिया गोदी च बैठेया ऐ, कने तिन्हीं परमात्मे जो प्रगट कित्ता।

यूहन्ना 1:4

तिस च ज़िन्दगी थी कने सैह़ ज़िन्दगी सारे माणुआं जो जोत्ती दिंदी थी।

यूहन्ना 10:28

कने मैं तिन्हां जो सदा दी ज़िन्दगी दिंदा ऐ। कने भेड्डां दा कदी नास नीं हुंगा, कने कोई तिन्हां जो मेरे हत्थे ते खोई नीं सकदा।

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

यूहन्ना 15:27

कने तुहां भी मेरे गवाह हन क्जोकि तुहां सुरू ते मिन्जो सौगी रेहयो हन।”

यूहन्ना 16:28

मैं पिता दे पास्से ते संसारे च आया; मैं भिरी संसारे जो छड्डी नैं पिता अल्ल चलेया।”

यूहन्ना 17:3

कने सदा दी ज़िन्दगी एह़ ऐ कि सैह़ तिज्जो इकमात्र सच्चे परमात्मे जो कने यीशु मसीह जो, जिसियो तैं घल्लेया ऐ, जाणन।

यूहन्ना 17:5

हुण हे पिता, तू अप्पु सौगी मेरी महिमा तिसा महिमा नैं कर जेह्ड़ी महिमा संसारे दिया सृष्टिया ते पैहल्ले, तिज्जो सौगी थी।

यूहन्ना 19:35

जिन्हीं एह़ दिख्या, तिन्हीं गवाही दित्ती ऐ, कने तिसदी गवाही सच्ची ऐ; कने सैह़ जाणदा ऐ, जेह्ड़ा तिन्हीं ग्लाया सैह़ सच्च ऐ, कि तुहां भी बसुआस करन।

यूहन्ना 21:14

एह़ त्री बरी ऐ कि यीशु मरेयां ते जिन्दा होणे दे बाद चेलेयां जो दुस्सेया।

यूहन्ना 3:13

कोई सुअर्गे च नीं गेआ, सिर्फ सैई जेह्ड़ा सुअर्गे ते आया, मतलब मैं माणु दा पुत्तर जेह्ड़ा सुअर्गे च ऐ।

यूहन्ना 7:29

अपर मैं तिसियो जाणदा ऐ; क्जोकि मैं तिसदे पास्से ते ऐ कने तिन्हीं मिन्जो घल्लेया ऐ।”

यूहन्ना 8:38

मैं सैई गल्लां ग्ला दा ऐ, जेह्ड़ियां मैं दिक्खियां जाह़लू मैं अपणे पिता सौगी था; कने तुहां सैई करदे हन जेह्ड़ा तुहां अपणे पिता ते सुणेया ऐ।”

प्रेरितां दे कम्म 1:22

इसतांई एह़ जरूरी ऐ कि इक्क देहया माणु चुणेयां जां, जेह्ड़ा यीशु मसीह दे कम्मां दे सारे बग्तां दा कने मरेयां ते दुवारी जिन्दे होणे दा गवाह ऐ।”

प्रेरितां दे कम्म 10:41

सारेयां लोकां पर नीं अपर तिन्हां गवाहां पर जिन्हां जो परमात्मैं पैहल्ले ते ई चुणी लेआ था, मतलब अहां पर जिन्हां तिसदे मरेयां ते जिन्दे होणे ते बाद तिन्हां सौगी खादा पीता;

प्रेरितां दे कम्म 2:32

इसी यीशुये जो परमात्मैं जिन्दा कित्ता, जिसदे अहां सारे गवाह हन।

प्रेरितां दे कम्म 3:15

कने तुहां सदा दी ज़िन्दगिया दा रस्ता दस्सणे आल़े जो तुहां मारी दित्ता, जिसियो परमात्मैं मरेयां ते जिन्दा कित्ता; कने इसा गल्ला दे अहां गवाह हन।

प्रेरितां दे कम्म 5:32

अहां इन्हां गल्लां दे गवाह हन, कने तिंआं ई पवित्र आत्मा भी, जिसियो परमात्मैं तिन्हां जो दित्या ऐ, जेह्ड़े तिसदेयां हुक्मां मनदे हन।”

रोमियो 8:3

क्जोकि जेह्ड़े कम्म मूसा दिया व्यबस्था अहां दे पापी सभावे दिया बज़ाह ते कमजोर होई नैं नीं करी सकी। सैह़ कम्म परमात्मैं करी दित्ते हन, मतलब जिन्हीं अहां दे पापां दी माफी तांई अपणे पुत्तरे जो बलिदान होणे तांई घल्लेया, कने जिन्हीं अहां पापी माणुआं साइआं सरीर धारण कित्ता, कने परमात्मैं मसीह दे सरीरे च पापे जो सज़ा दा हुक्म दित्ता।

गलातियों 4:4

अपर जाह़लू ठीक बग्त आया जिसदी योजना परमात्मैं बणाईयो थी, तां परमात्मैं अपणा इकलौता पुत्तर घल्लेया, जिन्हीं माणुये दे रूपे च जन्म लेआ, कने सैह़ इक्क यहूदी परवारे च पैदा होएया कने तिन्हीं मूसा दिया व्यबस्था दा पालण कित्ता,

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

2 तीमुथियुस 1:10

अपर हुण अहां दा उद्धारकर्ता यीशु मसीह आई रेह्आ ऐ, कने तिन्हीं अहां पर अपणा अनुग्रह कित्या ऐ, जिन्हीं इक्क तां मौत्ती दिया ताकता जो हराई दित्ता कने दूआ सुसमाचारे दे जरिये अहां जो सदा दी ज़िन्दगिया दा रस्ता दस्सेया ऐ।

तीतुस 1:2

तिसा सदा दी ज़िन्दगिया दिया आसा पर जिसदा वादा परमात्मैं जेह्ड़ा झूठ नीं ग्लाई सकदा, बड़ी पैहल्ले ते कित्या ऐ।

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

1 यूहन्ना 1:1

अहां इक्क ऐदेय माणुये दे बारे च लिखा दे हन, जेह्ड़ा ज़िन्दगिया दा वचन ऐ। सैह़ सृष्टिया दे पैहल्ले ते ई था, तिसियो अहां सुणेया, कने अपणियां अखीं नैं कने ध्याने दिख्या, ऐत्थु तिकर अहां तिसियो अपणे हत्थां नैं भी छुता।

1 यूहन्ना 2:25

कने जिसदा परमात्मैं अहां नैं वादा कित्या सैई सदा दी ज़िन्दगी ऐ।

1 यूहन्ना 3:5

कने तुहां जाणदे हन, कि यीशु मसीह इसतांई आया ऐ, कि पापां जो दूर करैं; कने तिस च कोई पाप नीं ऐ।

1 यूहन्ना 3:8

जेह्ड़ा कोई लगातार पाप करदा ऐ, सैह़ सैताने दे पास्से ते ऐ, क्जोकि सैतान सुरू ते ई लगातार पाप करदा आया ऐ। परमात्मे दा पुत्तर इसतांई आया ऐ, कि सैताने दे कम्मां दा नास करैं।

1 यूहन्ना 4:14

अहां पुत्तरे जो दिक्खी भी लेआ कने गवाही दिंदे हन कि पिता परमात्मैं पुत्तरे जो संसारे दे लोकां जो पापां ते छुटकारा दैणे तांई घल्लेया ऐ।

1 यूहन्ना 4:2

परमात्मे दी पवित्र आत्मा जो तुहां इस तरीके नैं पणछैणी सकदे हन; जेह्ड़ी आत्मा मन्नी लैंदी ऐ, कि यीशु मसीह सरीरे च होई नैं आया ऐ सैह़ परमात्मे दे पास्से ते ऐ,

1 यूहन्ना 5:11

कने सैह़ गवाही एह़ ऐ, कि परमात्मैं अहां जो सदा दी ज़िन्दगी दित्ती ऐ, कने एह़ परमात्मे दे पुत्तरे दे जरिये ऐ, जिसते अहां जो सदा दी ज़िन्दगी मिलियो ऐ।

1 यूहन्ना 5:13

मैं तुहां जो जेह्ड़े परमात्मे दे पुत्तरे दे नांऐ पर बसुआस करदे हन, इसतांई लिख्या ऐ कि तुहां जाणन कि सदा दी ज़िन्दगी तुहां दी ऐ।

1 यूहन्ना 5:20

अहां एह़ भी जाणदे हन, कि परमात्मे दा पुत्तर यीशु मसीह इस संसारे च आई गेआ ऐ कने तिन्हीं अहां जो समझ दित्तियो ऐ, कि अहां तिस सच्चे परमात्मे जो पणछैणन; कने अहां तिस च जेह्ड़ा सच्च ऐ, मतलब तिसदे पुत्तर यीशु मसीह च रैंह्दे हन। सच्चा परमात्मा कने सदा दी ज़िन्दगी ऐई ऐ।