1 यूहन्ना 1:10 - काँगड़ी

¹⁰ जे अहां ग्लान कि अहां पाप नीं कित्या, तां परमात्मे जो झूठा बणांदे हन, कने तिसदा वचन अहां च नीं ऐ।

1 यूहन्ना 1:10 Iomraidhean Croise

यूहन्ना 3:33

अपर जिन्हीं तिसदिया गवाहिया पर बसुआस करी लेआ तिन्हीं इसा गल्ला पर छाप लगाई दित्ती कि परमात्मा सच्चा ऐ।

कुलुस्सियों 3:16

हर बग्त तुहां मसीह दे वचने दे बारे च सोचदे रेह्आ, तांजे जेह्ड़ा कुच्छ करदे कने सोचदे हन, तिसियो काबू च रखा। कने बड़ी समझदारिया नैं इक्की दूये जो सखा कने सलाह देआ, कने अपणे-अपणे मने च धन्यावाद करी नैं परमात्मे तांई भजन कने स्तुति गीत कने आत्मिक गीत गा।

1 यूहन्ना 1:8

जे अहां ग्लान, कि अहां च कुच्छ भी पाप नीं, तां अपणे आप्पे जो धोखा दिंदे हन, कने अहां च कोई सच्चाई नीं।

1 यूहन्ना 2:14

हे पिताओ, मैं तुहां जो इसतांई लिख्या ऐ, कि जेह्ड़ा सुरू ते ऐ तुहां तिसियो जाणी गै हन। हे जुआनो, मैं तुहां जो इसतांई लिख्या ऐ, कि तुहां ताकतवर हन, कने परमात्मे दा वचन तुहां च बणी रैंह्दा ऐ; कने तुहां तिस सैताने पर जय पाई ऐ।

1 यूहन्ना 2:4

जेह्ड़ा कोई एह़ ग्लांदा ऐ, “मैं तिसियो जाणी गेआ ऐ,” कने तिसदेयां हुक्मां जो नीं मनदा, सैह़ झूठा ऐ; कने परमात्मे दिया सच्चाईया दे मताबक नीं जींदा ऐ।

1 यूहन्ना 4:4

हे मेरे बच्चो, तुहां परमात्मे दे लोक हन, कने तुहां झूठे भविष्यवक्तां पर जय पाई ऐ; क्जोकि पवित्र आत्मा जेह्ड़ा तुहां च ऐ, सैह़ तिस सैताने ते जेह्ड़ा इस संसारे च राज करदा ऐ, म्हान ऐ।

1 यूहन्ना 5:10

जेह्ड़ा परमात्मे दे पुत्तरे पर बसुआस करदा ऐ, सैह़ अपणे मने दे अंदर परमात्मे दी गवाही रखदा ऐ। जिन्हीं परमात्मे बसुआस नीं कित्ता, तिन्हीं तिसियो झूठा ठैहराया, क्जोकि तिन्हीं तिसा गवाही पर बसुआस नीं कित्ता, जेह्ड़ी परमात्मैं अपणे पुत्तरे दे बारे च गवाही दित्ती ऐ।

2 यूहन्ना 1:2

सैह़ सच्च जेह्ड़ा अहां च पक्का बणी रैंह्दा ऐ, कने सदा तांई अहां सौगी मजबूत रैंह्गा।