Salmo 127:1 - Kalin Apo Dios

¹ No adi badangan nan apo nan mensaad is baey et maid kapaayan nan oblana. Nan ili gedan no adi salakniban nan apo et maid silbin di gowaldiya ay menbabantay.

Salmo 127:1 Iomraidhean Croise

Salmo 120:1

Isnan madanagak et mendawatak isnan apo et dengngena sak-en.

Salmo 121:1

Iilaek nan bilbilig ay mangliliwes isnan Jerusalem. Into ngata nan menpabadangak?

Salmo 122:1

Men-gasingak isdin nangwaniyan di kaipoipogaw ken sak-en en, “Omey tako isnan baey nan apo.”

Salmo 123:1

apo, tangadek sik-a ay wada isnan daya.

Salmo 124:1

Kanan koma nan Israelita en ngan ngata nan inommat no egay badangan nan apo datako?

Salmo 125:1

Daida ay mentalek isnan apo et kanegda nan bilig ay Sion ay adi polos mawedwed nodi makneg ay eng-enggana.

Salmo 126:1

Kaneg baken kapapati ay insagong nan apo dakami id Jerusalem

Salmo 72:1

Apo Dios, isolowam nan alimi ta osto nan ikkana ay mentolay ken dakami. Ibingayam kad siya isnan kinalintegmo

Salmo 78:69

Pinakenegna nan kadaydayawana isdi isnan kangatowan ay bilig. Owen, pinegnadana ay gawis nan kaidaydayawana et kanegna nan batawa ay adi kamkammid ay eng-enggana.

Isaias 62:6

Jerusalem, isnan aladmo et men-ippeyak is gowaldiya et masapol ay adida igiginek isnan kag-aw ya labi. Masapol ay adida salsaldengan ay mang-ipanemnemnem isnan apo nan inkalina.

1 Corinto 15:14

Et no egay natago si Kristo et maid paay nan ibagbagami ya maid polos paay nan pammatiyo.

1 Corinto 3:7

Isonga atiatik nan silbin nan men-esek ya nan mensibog. Ngem nan mangsiken ay si Apo Dios et siya nan dakedake nan silbina.

Galacia 4:11

No keg tona nan ik-ikkanyo omegyatak tay keg maid paay nan oblak ay nin-it-itdo ken dakayo.

Deuteronomio 8:18

Nenemnemenyo na. Nan apo ay Diosyo nan mang-idya ken dakayo isnan kabaelanyo tapno bomaknang kayo. Ik-ikkana na gapo tay enggana id wani et oowenana nan tolagna ay din nakitolagana isdin alal-apoyo.