Ruth 1:14 - Kalin Apo Dios

¹⁴ Dat kasin men-aga nan iinapona. Dat menpakada si Orfa ken katogangana et somagong isnan kad-an di iib-ada ngem si Ruth et inpapatina kayet ay makkey ken katogangana.

Ruth 1:14 Iomraidhean Croise

1 Aali 19:20

Dat taynan Eliseo nan kanowanowangna et ikakamona ay mang-onod ken Elias et kanana en, “Omeyak kad od menpakada ken da ama ken ina sakpay omonod ken sik-a.” Dat kanan Elias en, “Enka ngalod ngem nenemnemem ay nan apo nan mang-ayag ken sik-a.”

Mateo 10:37

Isonga kanak en nan mangpaam-amed isnan amana ya inana mo sak-en et adi maibagay ay pasolotko. Olay nan mangpaam-amed isnan anakna mo sak-en et adi maibagay gedan ay pasolotko.

Mateo 16:24

Dat kanan Jesus isnan papasolotna en, “No sino nan manglayad ay maitapi ken sak-en et masapol ay ibilangna ay natey et nan awakna ta baken nan laydena is ik-ikkana nodi nan laydek ta itoledna nan ligat ay kaneg nan mang-aw-awit isnan krosna ta omonod ken sak-en.

Mateo 19:22

Idi dinngen san lalaki nan kinwanin Jesus dat komaan ay menseseg-ang tay adina kayten ay taynan nan kinakadangyana.

Aapostolis 17:34

Wadada nan naitapi ken Pablo ay mamati ken Jesus. Nan esa et si Dionisio ay esay am-ama ay makipangbon isnan obong di Areopago. Si Damaris ay in-ina nan esa ya wadada abes nan tap-ina.

Deuteronomio 10:20

Ipategyo nan apo ay Diosyo ta siya et kedeng nan daydayawenyo. Itoltoloyyo nan talekyo ken siya et no mensapata kayo et nan ngadana et kedeng nan iyosalyo.

Deuteronomio 4:4

Ngem dakayo ay egay nangdokdokog isnan apo ay Diosyo et daan kayo ay matatago enggana id wani.

2 Timoteo 4:10

Tay tinaynan Demas sak-en gapo tay nan wada isnan batawa nan pilmi ay nemnemnemena id wani. Inmey siya id Tesalonica. Inmey abes si Cresente id Galacia ya si Tito et inmey id Dalmacia.

Hebreo 10:39

Ngem baken kaneg todi nan ik-ikkan tako tay baken tako kaneg nan ninsanod ay mamati ay adi maisalakan. Nodi itoltoloy tako ay mamati tapno tet-ewa ay maisalakan tako.

Ruth 1:13

ayke kayo gedan nakasagana ay menseseed engganay masikenda? Ay adi kayo makias-asawa kasin engganay masikenda? Menseseg-angak pala ken dakayo ay inapok tay binaybay-an nan apo sak-en.”

Ruth 1:15

Dat kanan Noemi ken siya en, “Ilaem pod et sinmagong et isnan iib-ana ya isnan diosna nan abilatmo isonga gag-awis no somagongka abes.”

Ruth 1:7

Dat menlobwat da Noemi ya nan inapona et komaanda isnan ili ay menteteanda ta omeyda isnan probinsya ay Juda.