Proverbio 9:4 - Kalin Apo Dios

⁴ “Omali kayo, dakayo ay maid getkenda, dakayo ay adi mang-osal isnan nemnemyo.

Proverbio 9:4 Iomraidhean Croise

Salmo 119:130

Nan kalim nan mangsilaw isnan daan di ipogaw et pasilibena nan ipogaw ay nalaka ay maaw-awis.

Salmo 19:7

Gawigawis nan linteg nan apo tay papigsaena nan nemnem. Matalek nan bilbilin nan apo tay nan kolang nan getkenda et pasilibena.

Isaias 35:8

Awnit wada nan nalawa ay daan ay makwani en Nadiosan ay Daan tay maid managbasol is mendad-aan isdi ya maid mang-al-allilaw isnan mendaan isdi.

Mateo 11:25

Dat menlowalo si Jesus et kanana en, “Ama, sik-a nan Apo id daya ya isnan batawa. Men-iyamanak ken sik-a tay inpagtekmo isnan egay nakaadal nan tet-ewa ay maipanggep ken sak-en ngem egaymo inpagtek isnan mangwani en nalaing ya masilib tapno adida maawatan.

Naipagtek 22:17

“Omali kayo am-in ta maitapi kayo,” kanan nan Ispiriton Apo Dios ya nan ipogawna ay kaiyaligan di awnit asawaen nan Kalnilo. “Owen, omali kayo,” kanan nan mangdenge isnan naayda. Am-in kayo ay mangkayat et ay-ayaganda dakayo ta am-in kayo ay maew-ewew et omali kayo koma ta dawatenyo ay ominom isnan danom ay maid bayadna ay mang-ited is biyag.