Proverbio 3:6 - Kalin Apo Dios

⁶ Nenemnemem nan apo isnan am-in ay ik-ikkam et awnit iwanedna sik-a isnan osto.

Proverbio 3:6 Iomraidhean Croise

Salmo 32:8

Kanan nan apo, “Iwanedko sik-a isnan osto ay daan ya bagbagaak sik-a dakpay kawkawanan sik-a.

Isaias 26:7

Sik-a apo nan mangpagawis isnan daan nan gawis ay ipogaw ta nan nadadata nan dad-aanenda.

Isaias 30:21

No maliweng kayo isnan daanyo et awnit dengngenyo siya isnan dokoganyo ay mangwani en, “Naay nan daan ay daanenyo.”

Isaias 45:13

Sak-en mismo ay mang-ipaikkan ken Ciro isnan ikkana ta matongpal nan laydek ya mapaosto nan am-in ay banag et maid nangbayad wenno nangpasoksok ken siya ta ikkana dana. Dataek am-in ay daan ay daanena ta kasina tooden nan ilin nan Jerusalem danapay wayaan nan ipogawko ay naibabalod.” Siya na nan kinwanin nan apo ay manakabalin.

1 Corinto 10:31

Ngem ibagak nan gapo ay masapol ay adi tako kanen. Nan gapo na et tay masapol ay madayaw si Apo Dios gapo isnan am-in ay ik-ikkan tako ay olay isnan kanen tako wenno isnan inomen tako.

2 Corinto 8:16

Men-iyamanak ken Apo Dios tay inpalisona nan nemnem Tito isnan nemnemko ay bomadang ken dakayo.

Filipos 4:6

Adi kayo koma aped madadanagan is kompolmi nodi menlowalo kayo ken Apo Dios ta dawatenyo ken siya nan am-in ay masapolyo dakayopay men-iyaman ken siya gapo isnan am-in.

Colosas 3:17

Isnan am-in ay ik-ikkanyo ya nan kankananyo, masapol ay nenemnemenyo si Jesu Kristo ta siya nan solotenyo ya masapol abes ay men-iyaman kayo ken Apo Dios ay Ama tako gapo ken Apo Jesu Kristo.

Colosas 3:23

Isonga am-in ay ikkam et men-gagetka ay mang-ikkan ay kaneg si Apo Dios nan kabaa ken sik-a ay baken nan ipogaw.

Santiago 1:5

Ngem no wada ken dakayo nan kolang nan mangtekana isnan osto ay ikkana dat mendawat ken Apo Dios ta itdona nan ikkana tay men-gasing siya ay mang-ited ay maid polos imotana.