Proverbio 3:3 - Kalin Apo Dios

³ Adim kak-aanen nan layad ya talek isnan ogalim nodi kanegmo iyoway isnan bagangmo ya ippeymo isnan nemnemmo.

Proverbio 3:3 Iomraidhean Croise

Salmo 119:11

Ipasnekko isnan nemnemko nan lintegmo tapno adiyak makabasol ken sik-a.

Salmo 25:10

Nan apo et matalek ya maid patenggan nan layadna isnan am-in ay mangtongpal isnan tolag ya lintegna.

Salmo 85:10

Ipailan nan apo nan adi menbalbaliw ay layad ya talekna isnan ipogawna ya ipailana gedan nan kinalintegna danapay palamlamninen nan ipogawna.

Exodo 34:6

Dat lomaos isnan sasagangen Moses et kasina kanan en, “Sak-en nan apo ay Dios ay managseg-ang. Bakenak nalaka ay makaliget nodi managlayadak ya matalekak.

Mateo 23:23

Aye nan awnityo dosa, dakayo ay men-is-isolo isnan linteg ya Fariseo ay aginsosolot ken Apo Dios. Tet-ewa ay dalonyo tongpalen nan linteg Apo Dios ay kaneg nan mang-ag-agtanyo ken siya is bingayna ay olay nan kaatikan ay ap-apitenyo ay mangipabango isnan madengdeng ngem kalingkinganyo nan kaam-amedan isnan lintegna ay nan osto ay ikkanyo isnan ipogaw ya nan mangbadanganyo isnan makasapol is badang ya nan mang-ikkananyo isnan ikkan di matalek. Gawis nan mang-it-itedanyo isnan bingayna ngem masapol ay adiyo kalkalingkingan nan naayda ay kaam-amedan isnan linteg.

2 Corinto 3:3

Mail-ila isnan ik-ikkanyo ay nagapo ken Kristo nan pammatiyo et dakami nan inosalna ay nangibaga isnan pinatiyo. Bakenyo kaneg nan tet-ewa ay solat ay tinta nan naisolat nodi nan Ispiriton Apo Dios ay naleleng-agan ay Dios nan nangisolat. Et baken nan nadadapig ay bato ay kaneg nan naisolatan nan linteg Moses is nangisolatana nodi isnan nemnemyo ay mamati.

Efeso 5:9

Tay nan ipaik-ikkan Jesu Kristo isnan tinanggewana et nan am-in ay gawis, nan nalinteg ya nan tet-ewa.

Deuteronomio 6:8

ya ibedbedyo isnan takkayyo ya isnan kitongyo nan naisolatan di bilin ta mang-ipanemnemnem ken dakayo.

Hebreo 10:16

“Kankanan Apo Dios en siya nan makitolagak isnan ipogawko isnan omali ay timpo. Awnitko ipaisnek nan bilbilinko isnan nemnemda ta adida kalkalkalingkingan.”