Proverbio 3:2 - Kalin Apo Dios

² Tay no idngem nan isolsolok et awnit an-ando ya gawis nan biyagmo.

Proverbio 3:2 Iomraidhean Croise

Salmo 119:165

Natalna nan nemnem di ipogaw ay manglaylayad isnan lintegmo et maid polos makaamis ken daida.

Salmo 128:6

Matagotagoka koma ta ilaem nan aap-om is kasin. Maoolnos koma nan Israelita.

Salmo 21:4

Dinawatna nan ando ay biyag et inidyam. Owen, nan an-ando ay biyag ay maid patenggana.

Salmo 91:16

Paan-andowek nan biyagna engganay mapnek siya danat liknaen nan mang-isalakanak ken siya.”

Roma 14:17

Tay isnan mentolayan Apo Dios et baken nan kanen nan ipogaw wenno nan inomena is napateg. Nodi nan napateg et nan osto ay maikkan ya nan natalna ay nemnem ya nan gasing ay it-ited nan Ispirito Santo.

Roma 15:13

Isonga kanak en sapay koma ta si Apo Dios ay nang-ited isnan namnamaenyo et itedna abes koma nan natalna ay nemnem ya dadama ay gasing gapo isnan pammatiyo ken siya. Tay no siya di nan ommat et pomigpigpigsa nan mangpatiyanyo isnan namnamaenyo gapo isnan kabaelan nan Ispirito Santo ay mangbadbadang ken dakayo.

Roma 5:1

Isonga gapo isnan pammati tako et gawis nan pangiilaan Apo Dios ken datako. Ya gapo isnan inikkan Jesu Kristo ay Apo tako et nakaan nan liget Apo Dios ken datako gapo isnan basbasol tako.

Deuteronomio 11:21

Tay no ikkanyo dana et awnit mabaybayag nan matatagowanyo ya nan an-akyo isnan daga ay inkalin nan apo en idyana isdin alal-apoyo. Awnit dakayo ya nan an-akyo ya ap-oyo et mentee kayo isdi ay engganay daan nan daya ya nan batawa.

1 Timoteo 4:8

Tay olay no waday paay nan mangipapigsaan tako isnan awak tako ngem am-amed nan kagawisna no papigsaen tako nan mangsolsolotan tako ken Apo Dios. Tay nan maikkan ay kaneg todi et siya nan mangbadbadang ken datako isnan biyag tako id wani ya isnan biyag tako ken Apo Dios.