Nomero 20:8 - Kalin Apo Dios

⁸ “Alaem nan sokod ay wada isnan sagang san baol ay naipapay-an nan dowa ay nadadampig ay bato ay naisolatan nan simpoo ay lintegko. Dakayot dagopen ken Aaron nan sinpangili dayot toyyen nan bato isnan sagangda am-in et awnit bomala nan danom. Siya na nan ikkam ay men-ipabala is danom isnan bato ta waday inomen nan sanada ay ipogaw ya nan talakenda.”

Nomero 20:8 Iomraidhean Croise

Genesis 18:14

Ay kanana en waday adi mabalin is ikkak ay apo? Ngem awnit tomet-ewa san kinwanik tay isnan maikasiyam ay bowan daket mensagong isna tay siya di nan omanakan Sara.”

Nehemias 9:15

Isdin pay naowatanda et inagtam daida is tinapay ay nagapo id daya ya isdin naewewanda et inagtam daida is danom ay nagapo isnan bato. Ya inbagam ken daida en omeyda isnan daga ay inkalim en idyam ken daida ta menkowada.

Salmo 105:41

Inpabalana nan danom isnan bato et men-ayos isnan pondag ay kaneg ginawang

Salmo 114:8

nan Dios ay nangpabalin isnan bato is napoposong ay danom. Owen, pinaayosna nan danom isnan batbato.

Salmo 33:9

tay isnan ninkaliyana dat mawada nan batawa ya nan am-in isnan nangbilinana et nawadada.

Exodo 14:16

Idokyawmo nan sokodmo isnan baybay ta magedwa nan danom ta nan gedangen nan Israelita et naimaggan ay lota

Exodo 17:9

Dat kanan Moses ken Josue ay esay nangbadbadang ken siya en, “Pomilika isnan lalalaki is men-ib-am ta omeyyo gobaten nan Amelikita is wakgat. Sak-en pay et esak tomakdeg isnan toktok nan bilig ay manggegeen isnan sokodko ay inbagan Apo Dios en ikawitko.”

Exodo 4:17

Ikakawitmo nan sokodmo ta awnitmo osalen ay mang-ikkan isnan kaskasdaaw.”

Exodo 4:2

Dat kanan nan apo ken siya en, “Ngan nan sana ay ginegen-am?” Dat kanan Moses en, “Sokodko.”

Exodo 4:20

Isonga dat ayagan Moses si asawana ya nan an-akna et ipalogana daida isnan kabayo et omeyda id Egipto. Inkakawitna san sokod ay inbilin Apo Dios en ikawitna.

Exodo 7:20

Pinatin da Moses ken Aaron nan inbilin nan apo. Et isnan sagang san ali ya nan iib-ana dat tet-ewa isawad Aaron nan sokodna et isaplitna isnan ginawang dat menbalin nan danom is basa.

Isaias 43:20

Olay nan atap ay animal ay kaneg nan atap ay aso ya nan koop et awnitda mangdaydayaw tay ipaayosko nan ginawang isnan pondag ay mang-ited is mainom isnan pinilik ay ipogaw.

Nomero 20:11

Dat ingaton Moses san sokod et ipat-ona ay mamindowa issan bato dat kabanala nan danom et ominom am-in san ipogaw ya nan tatalakenda.

Nomero 20:7

Dat kanan nan apo ken Moses en,

Mateo 21:21

Dat kanan Jesus, “Ibagak ken dakayo no mamati kayo ken Apo Dios ay maid dowadowana et makaikkan kayo abes isnan kaneg nan inikkak isnan naay ay kaiw. Baken pay kedeng di is maikkanyo nodi mabalin ay ibagayo isnan deey ay bilig en men-aton isnan baybay et men-aton tet-ewa.

Lucas 11:13

Adi, tay olay no ngawi kayo ay ama et getkenyo ay mang-ited isnan an-akyo is gawis. Ngem am-amed adi nan ikkan Ama tako id daya tay nan itedna isnan mendawat et nan Ispirito Santo.”

Juan 16:24

Enggana id wani et maiwed dinawatyo ken Ama ay maipoon isnan pammatiyo ken sak-en. Mendawat kayo et awnit maagtan kayo tasiyay maid kolang di gasingyo.”

Aapostolis 1:14

Inagew ay enda makilol-owalo tay naeesa nan nemnemda maipanggep isnan pammatida ken Apo Dios. Wada abes nan bababai ay naitapi ken daida ya si Maria ay inan Jesus ya nan bebsat Jesus ay lalalaki.

Naipagtek 22:1

Nakwas pay di dat ipailan san anghel nan ginawang ay kad-an di danom ay mang-ited is biyag. Menlengleng nan danomna ay magapgapo isnan tokdowan di mentolay ya nan Kalnilo.

Naipagtek 22:17

“Omali kayo am-in ta maitapi kayo,” kanan nan Ispiriton Apo Dios ya nan ipogawna ay kaiyaligan di awnit asawaen nan Kalnilo. “Owen, omali kayo,” kanan nan mangdenge isnan naayda. Am-in kayo ay mangkayat et ay-ayaganda dakayo ta am-in kayo ay maew-ewew et omali kayo koma ta dawatenyo ay ominom isnan danom ay maid bayadna ay mang-ited is biyag.