Nomero 20:4 - Kalin Apo Dios

⁴ Ayta od dakan inyali dakami isnan naay ay pondag? Waay kanam ngen en ta matey kami isna pati nan talakenmi.

Nomero 20:4 Iomraidhean Croise

Salmo 106:21

Kinalingkinganda nan Dios ay nang-isalakan ken daida isnan kaskasdaaw ay inik-ikkana id Egipto.

Exodo 16:3

ay mangwani ken daida en, “Pinatey koma laengen nan apo dakami isdin kawad-anmi id Egipto. Tay isdi et mabalin dadlo ay mensida kami is kalni ya mabalin ay mangan kami is kompolmi ay makan ay kaytenmi enggana ay maoma kami. Ngem inpaalim dakami isnan naay ay pondag ta matey kami is owatmi.”

Exodo 17:3

Ngem dadama ay naewew nan ipogaw isdi isonga motmotmotanda kayet si Moses ay mangmangwani en, “Dakan od inbala dakami id Egipto? Ay tapno pateyem dakami ya nan an-akmi ya talakenmi is ewew?”

Exodo 5:21

Dadat kanan ken daida en, “Inilan nan apo nan inikkanyo et dosaena koma dakayo tay dakayo nan gapona ay linmiget nan ali ya nan opisyalisna ken dakami. Inagtanyo daida is gapo ay mangpateyanda ken dakami.”

Nomero 11:5

Id Egipto et kanasisida tako isnan am-in ay ikan ay kayat tako dapay libli. Aye pay san kasimon, sandia, kotsay, lasona ya bawang.

Nomero 14:2

Dadat menlili ken da Moses ken Aaron et kananda en, “Gag-awis pay ay natey kami id Egipto wenno isnan naay pondag.

Aapostolis 7:35

Dat itoloy Esteban ay mangwani en, “Din si Moses ay egay dinawat din kadalaana ay nangwaniyanda en, ‘Ayke waday lebbengmo ay men-apo ken dakami ya mangibanag isnan ik-ikkanmi?’ et siya kayet nan inbaan Apo Dios ay men-apo ya mangipalobos ken daida isnan napalpaligatanda. Et nan anghel ay ninpaila ken siya issan kaiw et binadbadangana siya.