Nomero 20:12 - Kalin Apo Dios

¹² Dat sagiiten nan apo da Moses ken Aaron et kanana en, “Gapo tay kolang nan pammatiyo ay mangipagtek isnan panakabalinko isnan Israelita ay baken san kinwanik ay maikkan is inikkanyo et awnit baken kayo is mangipango isnan naayda ay ipogaw ay songgep isnan daga ay inkalik ay idya ken daida.”

Nomero 20:12 Iomraidhean Croise

Salmo 106:32

Pinaliget gedan nan ipogaw nan apo id Meriba et nakaan nan anos Moses ken daida.

Salmo 99:8

Sik-a apo ay Diosmi et dinngem nan ipogawmo. Inpailam ay Dioska ay managpakawan ngem dinosam nan nakabasol.

Nomero 11:15

Mo siya na kayet nan ikakam ken sak-en et maseg-angka ta mangpateyka ta adiyak itotototoled nan dadama ay ligat ay naay.”

Nomero 20:24

“Adi makaey si Aaron isnan daga ay inkalik en idyak isnan Israelita nodi matey siya tay egayyo inikkan ay dowa din inbagak maipanggep din danom id Meriba.

Nomero 27:14

tay egayyo tinongpal ay dowa din inbagak isnan pondag nan Zin. Isdin ninliliyan nan sanada ay ipogaw maipanggep ken sak-en id Meriba et egayyo inpagtek nan osto ay panakabalinko ken daida.” Nan Meriba et siya san balaan id Kades isnan pondag nan Zin.

Mateo 17:17

Dat kanan Jesus, “Palalo kayo od ay ipogaw id wani. Baken osto nan nemnemyo tay nabayagak ay nakitetee ken dakayo et palalo nan anosko ngem adi kayo kayet pomati.” Danat kanan issan aman san onga, “Iyalim isna.”

Mateo 17:20

Dat kanan Jesus, “Gapo tay kolang pay laeng nan pammatiyo ken Apo Dios. Ngem ibagak nan tet-ewa et no waday pammatiyo ken siya ay olay teeteen ay kaneg nan kateteenan ay esek et mabalin ay kananyo isnan bilig ay naay en, ‘Omeyka isdi,’ dat tet-ewa omey. Maid polos adi mabalin is adiyo ikkan.

Lucas 1:20

Ngem gapo tay adika patiyen nan kinwanik et maomelka enggana ay omdan nan agew ay ommatana tay tet-ewa ay ommat isnan osto ay timpona.”

Lucas 1:45

Kaneg ken sik-a abes men-gasingka tay patiyem ay awnit tomet-ewa nan inbagan Apo Dios ken sik-a.”

Juan 1:17

Nan linteg Apo Dios nan inpagtek din si Moses ngem nan inpagtek Jesu Kristo et nan kinatet-ewan nan maipanggep ken Apo Dios ya nan layadna ken datako.

Roma 4:20

Ngem maid sokat nan nangpatpatiyana ken Apo Dios dapay egay nindowadowa nan nemnemna isnan inkalin Apo Dios ken siya. Nodi inam-amedna kayet nan pammatina ya dinaydayawna si Apo Dios.

Deuteronomio 34:4

Dat kanan nan apo ken Moses en, “Siya na nan daga ay inkalik ken da Abraham, Isaac yas Jacob en itedko isnan aan-ak ya aap-oda. Ipailak dana ken sik-a ngem adiyak ipalobos ay omeyka isdi.”

Deuteronomio 4:21

Et gapo ken dakayo, nakaliget nan apo ken sak-en danat isapata en adiyak makigdang isnan Ginawang ay Jordan ay omey isnan maloweb ay daga ay idyan nan apo ay Dios tako ken dakayo.

1 Pedro 3:15

Nodi patgenyo si Kristo ya dayawenyo siya isnan kinaapona. Kanayon ay mensagana kayo ta no waday mensoot ken dakayo maipanggep isnan mamatiyanyo ken Kristo et gawis ya osto nan songbatyo. Ngem anosanyo ya gawisenyo ay mangsongbat ken daida.