Nomero 11:4 - Kalin Apo Dios

⁴ Wadada nan baken Israelita ay naknakkey isnan Israelita isnan ninbab-aatanda. Menbigawda ay pilmi is kalni dat olay nan Israelita dadapay ilogi ay menlili ay mangwani en, “Wada komay kalni.

Nomero 11:4 Iomraidhean Croise

Salmo 106:14

Pilmi pay nan bigawda isdin kawad-anda isnan pondag ya padpadasenda si Apo Dios.

Exodo 12:38

Ado pay ay baken Israelita nan nakkey ken daida ya naitapi gedan nan ado ay kalnilo, kalding ya bakbaka.

Exodo 16:12

“Dinngek nan lilin nan Israelita. Ibagam ken daida ay isnan masdem et awnit wada nan kalni ay isdada dat isnan wakgat et wada abes nan makan ay kanenda enggana ay mapnekda. Et awnit siya na nan manggetkanda ay sak-en nan apo ay Diosda.”

Exodo 16:3

ay mangwani ken daida en, “Pinatey koma laengen nan apo dakami isdin kawad-anmi id Egipto. Tay isdi et mabalin dadlo ay mensida kami is kalni ya mabalin ay mangan kami is kompolmi ay makan ay kaytenmi enggana ay maoma kami. Ngem inpaalim dakami isnan naay ay pondag ta matey kami is owatmi.”

Nomero 14:1

Sinlabiyan ay nin-ag-aga nan deeyday ipogaw gapo isnan seg-angda isnan aw-awakda.

Nomero 14:22

ay awnit maid matago isnan naayda ay aamam-a is esa songgep isnan deey ay daga. Inilada nan somili ay silangko isnan ninpap-ailaak ya nan kaskasdaaw ay inpailak id Egipto ya isnan pondag ngem namin-ado ay pinadasda nan anosko ya adida kayten ay tongpalen sak-en

Roma 13:14

Baken nan ngawi ay kaykayat nan awak tako is palaglagsaken tako. Nodi nan ogalin Jesu Kristo ay Apo tako nan toladen tako.

1 Corinto 10:6

Inpasolat Apo Dios nan inommat id kasin ta makailan tako ay adi manggamgam isnan ngawi ay kaneg nan inik-ikkanda.

1 Corinto 15:33

Ngem adi kayo maal-allilaw tay baken di is tet-ewa. Makailanyo ta adi kayo makigaygayyem isnan baken osto nan nemnemda modatya malak-am kayo.