Naipagtek 9:2 - Kalin Apo Dios

² Danat lokatan nan lengaw dat bomala nan adoado ay asok ay kaneg asok di dakedake ay apoy et salinana nan agew. Isonga binmolinget nan batawa gapo isnan kaeegyat ay asok ay nagapo isnan lengaw.

Naipagtek 9:2 Iomraidhean Croise

Genesis 15:17

Ostoy linomnek et nan agew ay bomolinget daet mawada nan men-as-asok ay pag-otowan ya nan menbidbidang ay silew ay lomaos isnan gawan san naamam-as ay talaken.

Genesis 19:28

Inosdongana id Sodoma, id Gomorra ya nan il-ili ay sag-enda ngem asok et kedeng nan maiila.

Exodo 19:18

San bilig ay Sinai et malilingban isnan asok tay linmayog nan apo ay naitatapi isnan apoy isnan toktok nan deey ay bilig dat menpangato nan asok ay kaneg nan asok di mapop-oowan ay bilig. Et pilmi ay menpaypayegpeg nan deeyday ipogaw gapo isnan egyatda.

Joel 2:2

Awnit menbolinget ya kasasadot nan deey ay agew tay pilmi ay menliliboo et bomobolinget. Omal-ali nan adoado ay dodon et pabolingetena nan bilbilig. Maid kankanegna id kasin ya awnit maid kankanegna kasin.

Joel 2:30

Isnan deey ay agew et awnitak omipaila isnan daya ya isnan batawa is kaskasdaaw ay sinyal dat men-ayos nan basa ya wada nan poo ya bomolinget is asok.

Aapostolis 2:19

Awnit wada nan ipailak ay kaskasdaaw id daya ya isnan batawa tay awnit ipailak nan kabaelak ay kaneg naisoyat ay basa, apoy ya kaeegyat ay asok.

Naipagtek 14:11

Adi katkatey nan apoy ay mangpalpaligat ken daida ay eng-enggana. Aped men-as-as-asok. Isonga wadada isdi ay inagew ya linabi ay adi makalayaw tay daida nan nangdaydayaw isnan nang-ap-apos ken Apo Dios ya nan tinagtago ay kanegna dadapay namalkaan is ngadana.”

Naipagtek 16:10

Nakwas pay di dat omey nan maikalima ay anghel et ikolbona nan wada isnan malakongna isnan mentoltolayan nan kaeegyat ay nagapo isnan baybay. Dat bomolinget nan il-ili ay mentolayana. Nan ipogaw isdi et gegetlaenda nan dilada gapo isnan sakit di gaddilda

Naipagtek 8:12

Idi nintanggoyob nan maikap-at ay anghel dat mapontaan nan pagkatlon di agew, nan pagkatlon di bowan ya nan pagkatlon di taltalaw. Isonga namaid nan pagkatlon di silawda. Et menbolinget isnan pagkatlon di kag-aw ya pagkatlon di labi.

Naipagtek 9:1

Dat mentanggoyob nan maikalima ay anghel. Daket ilaen nan esay talaw ay naekdag isnan batawa. Dat maagtan siya is tolbek di eneb di lengaw ay maid patenggan di kaad-adaemna.

Naipagtek 9:11

Et wada nan apoda ay siya gedan nan anghel ay apo isnan lengaw ay maid patenggan di kaad-adaemna. Nan ngadana isnan kalin di Judio et Abaddon ya isnan kalin di Griego et Apolion. Nan kayatna ay kanan et mendadadael.

Naipagtek 9:17

Et siya na nan kaneg di kabkabayo ya nan mensasakay ay naipaila ken sak-en. Nan salidan di pegaewda et tolo nan kololda. Wada nan men-gadangdang ay kaneg apoy, amarilyo ya asol ay kaneg nan asol ay batek ay makwani en sapiro. San deeyday kabayo et kaneg olon di layon nan oloda et bomalbala isnan topekda nan asok ya apoy ya nan menbidbidang ay kaneg libo.