Naipagtek 8:4 - Kalin Apo Dios

⁴ Dat ngomato nan asok di insinso ay nagapo issan ginegen-an di anghel ay tomatakdeg isnan sagang Apo Dios ay maitapi isnan lol-owalon di ipogawna.

Naipagtek 8:4 Iomraidhean Croise

Salmo 141:2

Omdan koma nan lowalok ay kaneg nan omdanan nan insenso ay mangpagasgasing ken sik-a ya nan mang-ingatowak isnan ledengko ay menlowalo et kaneg koma nan mang-awatam isnan maidatdaton ay minasdem.

Lucas 1:10

Idi pop-oowana nan insinso, menlol-owalo abes nan kaipoipogaw isnan pantew.

Aapostolis 10:4

Dat omegyat si Cornelio et ikikiyatna. Danat kanan, “Sino nan ibagam, Apo?” Dat kanan nan anghel, “Nenemnemen Apo Dios sik-a tay getkena nan ik-ikkam ay menlowalo ken siya ya getkena gedan nan ik-ikkam ay mangbadbadang isnan kokodokdo ay ipogaw.

Naipagtek 15:8

Dat mapno nan Templon Apo Dios is asok ay mangipaila isnan panakabalina ya nan kinangatona. Isonga maid makasgep isdi engganay makwas nan pito ay ligat ay ikkan nan pito ay anghel.

Naipagtek 8:3

Dat domateng nan esay anghel ay nananggen is balitok ay maipaypay-an di insinso dat omey tomakdeg isnan altar. Naagtan siya is adoado ay insinso ta maitapi isnan lol-owalon di kaipoipogaw Apo Dios danat poowan isnan balitok ay altar ay wada isnan sagang di tokdowan di ali.