Naipagtek 8:11 - Kalin Apo Dios

¹¹ Menpait nan ngadan san deey ay talaw et pinmait nan pagkatlon di danom isnan batawa isonga natey nan adoado ay ipogaw ay nang-inom isnan deey ay danom.

Naipagtek 8:11 Iomraidhean Croise

Exodo 15:23

Inomdanda isnan esay logal ay makwani en Mara ngem nan danom isdi et menpait ay adi kainom. Siya nan gapona ay nangadnan nan deey logal is Mara.

Amos 5:7

Madosa kayo, dakayo ay mangbalbaliktad isnan linteg ta sowitikenyo nan ipogaw.

Hebreo 12:15

Makailanyo tapno ostoosto nan mangsolsolotanyo ken Kristo tapno tet-ewa ay ganabenyo nan gawigawis ay badang Apo Dios ya makailanyo gedan tapno adi kayo baybay-an nan mang-ik-ikkan is ngawi tay no baybay-anyo daida et siya di nan menlogiyan di golo. Kanegna nan menpait ay no mailaok isnan gawis et papaitena nan am-in.

Naipagtek 12:4

Nan ikona et piniktiwna nan pagkatlon di talaw dadat maekdag isnan batawa. Dat omey isnan sagang san babai ay makaan-anak ta alaena koma nan anakna no bomala ta kanena.

Naipagtek 8:7

Nintanggoyob nan damo ay anghel dat omodan is dalalo ya apoy ay malalaokan is basa. Dat mapoowan nan pagkatlon nan batawa ya nan pagkatlon abes di kak-aiw ya am-in ay logam.

Naipagtek 9:15

Danat omey palobosan daida tay naisaganada isnan naay ay osto ay tew-en ya bowan, agew ya olas ay enda mangpateyan isnan pagkatlon am-in di ipogaw.

Naipagtek 9:18

Isonga dat matey nan pagkatlon di ipogaw isnan batawa gapo isnan asok, apoy ya libo ay bomalbala isnan topekda.