Naipagtek 7:17 - Kalin Apo Dios

¹⁷ tay nan Kalnilo ay wada isnan kad-an di tokdowan di ali et siya nan mangbanbantay ken daida ya siya nan mangipangpango ken daida isnan balaan di danom ay mang-ited is biyag ay maid patenggana. Et kaanen Apo Dios nan am-in ay seg-angda ta adida kasin men-ag-aga.” Siya dadi nan kinwanina.

Naipagtek 7:17 Iomraidhean Croise

Salmo 22:26

Dat makikan nan kodo et engganay mapnekda ya nan mang-an-anap isnan apo et das-anda siya dadat dayawen. Sapay koma ta mennam-ayda ay eng-enggana.

Salmo 23:5

Menpakanka pala ken sak-en ay iilaen nan mang-am-amis ken sak-en dakat lanaan nan olok is bangbanglo dakapay ponowen nan tasak ay mangipaila en sak-en nan nadayaw ay dinkatmo.

Salmo 28:9

apo, isalakam nan ipogawmo dakapay bindisyonan daida ay kokwam. Sik-a ay mang-ipaspastol ken daida, ay-ayowanam daida ay eng-enggana.

Isaias 25:6

Isnan bilig nan Sion et awnit men-isagana nan apo ay manakabalin is menlagsakan pala isnan am-in ay il-ilin nan batawa ay nan kagagawisan ay sida ya mainom

Isaias 25:8

Awnit pamaiden nan kangatowan ay apo nan tetey ta adiyet matmatey nan ipogaw et awnitna kaanen nan am-in ay gapo ay men-ag-agaanda. Awnitna kaanen nan kaibabainan di ipogawna. Nan apo ay mismo nan nangwani isna.

Isaias 30:19

Dakayo ay mentetee id Jerusalem et awnit adi kayo et men-ag-aga tay managseg-ang nan apo et no menpabadang kayo ken siya et idngena dakayo.

Isaias 35:10

Awnitda omdan id Jerusalem ay men-gasgasing dadapay menkankanta ya menbogbogaw is gasingda. Et men-gasgasingda et ay eng-enggana tay maid et babawi ya seg-ang ay eng-enggana.

Isaias 40:11

Ay-ayowanana nan ipogawna ay kaneg nan ikkan nan menbanbantay isnan kalnilona. Lak-eyena nan kabalbala ay nakapsot pay laeng danapay an-anosan ay mang-ipangpango isnan baban-eg nan an-akda.

Isaias 49:9

Daket kanan isnan balod en, ‘Mapalobosan kayo.’ Dakpay kanan isnan wada isnan menbolinget en, ‘Bomala kayo isnan kad-an di silaw.’ Et awnit kan-egda nan kalnilok ay mangmangan isnan bilig.

Isaias 51:11

Nan awnitmo isalakan et omdanda id Jerusalem ay men-gasgasing dadapay menkankanta ya menbogbogaw is gasingda. Owen, awnitda nalagsak ay eng-enggana ya adida kasin mensegseg-ang ya menbababawi.

Isaias 65:19

Olay sak-en mismo et pilmi nan gasingko gapo isnan Jerusalem ya nan ipogawna. Awnit maid am-in nan gapo ay men-ag-agaanda ya maid menpabadbadang.

Jeremias 31:9

Awnit men-ag-aga nan ipogawko ay somagong dakpay liwliwaliwen daida isnan mang-isagongak ken daida. Awnitak ipango daida isnan sag-en di danom. Ipangok gedan daida isnan mendawes ay daan ta adida maisogsogto tay sak-en nan aman di Israelita et si Efraim nan iyon-ada.

Mikias 5:4

San awnit omali ay mentolay et maitapi isnan men-itolayana nan kabaelan ya panakabalin ay nagapo isnan apo ay Dios. Isonga maolnos nan biyag di ipogawna ta ipagtek nan am-in ay ipogaw isnan batawa nan kinangatona.

Mateo 2:6

‘Nan ili ay Betlehem isnan probinsiya ay Judea et awnit siya nan kadadayawan isnan am-in ay ili isnan Judea tay isdi nan awnit maiyanakan nan mentolay isnan ipogawko ay Judio et siya nan mang-ay-ayowan ken daida.’”

Mateo 5:4

Nagasat nan menseseg-ang gapo isnan basbasolda tay awnit liwliwaen Apo Dios daida.

Juan 10:11

Dat itoloy Jesus ay mangwani, “Sak-en nan kagawisan ay mangbanbantay isnan kakalnilo. Nan gawis ay menbanbantay et olay matey gapo is ayyewna isnan kalnilona.

Juan 10:14

Ngem sak-en nan kagawisan ay menbanbantay tay nan ikkanmi ken Ama ay men-gin-ginetek et siya nan kaneg nan kalnilok tay getkek daida ya mangtekda abes. Et olay mateyak basta matago nan kalnilok.

Juan 4:10

Dat kanan Jesus, “No getkem koma nan idyan Apo Dios ya no sinowak ay mangmangwani en painomem et ibagam koma tapno agtak sik-a isnan danom ay mang-idya is biyag.”

Juan 4:11

Dat kanan san babai, “Apo, maid met igaodmo dapay adaadaem nan naay ay bobon. Ay intoy apedmo mang-alaan is danom ay mang-idya is biyag?

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

Aapostolis 20:28

Isonga dakayo ay amam-a, pagawisenyo koma nan nemnemyo dayot abes banbantayan ay gawis nan ipogaw ay inted nan Ispirito Santo ay biyangyo tapno solsolotenda si Kristo ay osto. Isolowanyo ay gawis nan mamati ken Jesus tay nan nang-itedana isnan awakna ay matey nan insakbotna ken datako.

1 Pedro 5:2

Siya dana nan kayatko ay ikkanyo. Men-gasing kayo koma ay mang-ayowan ay gawis isnan ipogaw ay intalek Apo Dios ken dakayo ay adi kayo mapilit. Baken koma nan mangnemnemnemanyo isnan lagboyo is manglaydanyo ay ikkan nodi laydenyo ay ikkan gapo isnan gasingyo ay mensilbi ken Apo Dios.

Naipagtek 14:4

Nan naayday ipogaw et nadalosda ay maid nadnadlawanda ken Apo Dios. Makmakkeyda isnan Kalnilo olay intoy omay-ayana. Et daida nan damo ay naited ken Apo Dios ya isnan Kalnilo ay iib-an nan nasbot ay kaneg nan damdadamdamo ay maani ay nabgasan ay pagey.

Naipagtek 21:22

Maid inilak is templo wenno simbaan issan deey ay ili tay nan kinatemplona et si Apo Dios ay manakabalin ya san Kalnilo.

Naipagtek 21:23

Nan ili gedan ay deey et adina masapol nan silaw di agew ya bowan tay menpat-a gapo isnan silang Apo Dios ya san Kalnilo.

Naipagtek 21:4

Awnitna kaanen nan am-in ay gapo ay men-ag-agaanda. Awnit maid et matmatey ya maid menseseg-anganda ya maligligatanda tay am-in ay inom-ommat id kasin et namaidda.”

Naipagtek 21:6

Danat kanan abes, “Nakwas et tay kinwasko am-in. Sak-en nan nangwada isnan am-in ay wada ya sak-en gedan nan mangkombos isnan am-in. Nan maewew et agtak siya is kalebbengana ay ominom isnan danom ay adi kalakowan ay magapo isnan balaan ay mang-ited is biyag ay maid patenggana.

Naipagtek 22:1

Nakwas pay di dat ipailan san anghel nan ginawang ay kad-an di danom ay mang-ited is biyag. Menlengleng nan danomna ay magapgapo isnan tokdowan di mentolay ya nan Kalnilo.

Naipagtek 4:11

“Sik-a nan Apomi ya Diosmi. Maibagayka ay madayaw ya maipangato gapo isnan dadama ay panakabalinmo tay sik-a nan nangwada isnan am-in ay wada. Owen, gapo isnan layadmo ay nangwada isnan am-in et naboliwda.”

Naipagtek 5:6

Idi kinwanina di daket ilaen ay wada nan kanega anak di kalnilo ay tomatakdeg isnan kad-an di tokdowan di ali ay linilikob san epat ay matatago ya san dowampoo ya epat ay aamam-a. San Kalnilo et kanega napatey id kasin tay wada nan kablatna. Wada nan pito ay sakgodna ya pito abes nan matana ay mangipaila isnan panakabalin nan Ispiriton Apo Dios ay mang-il-ila isnan am-in ay om-ommat isnan batawa.