Naipagtek 7:16 - Kalin Apo Dios

¹⁶ Isonga adida polos kasin kaow-owat ya adida kasin kaew-ewew. Adida pay mapaligatan isnan kaeegyat ay agew ya mailisida isnan pilmi ay poos di kompolmi

Naipagtek 7:16 Iomraidhean Croise

Salmo 121:5

Banbantayan nan apo dakayo. Owen, siya nan mangsalaknib ken dakayo

Salmo 121:6

isonga adi pasakiten nan agew dakayo isnan kag-aw wenno nan tedek isnan labi.

Salmo 143:6

Ingatok nan ledengko ay menlowalo ken sik-a. Mailiwak ken sik-a ay kaneg nan maewewan nan naaango ay lota is danom.

Salmo 42:2

Mailiwak ken sik-a, sik-a ay matatago ay Dios. Tongona pay, Apo Dios, nan makaeyak isnan kad-am?

Salmo 63:1

Apo Dios, sik-a nan Diosko et kakakayatko ay mang-edas ken sik-a. Mailiwak ken sik-a ay kaneg nan maewewan nan naaango ay lota is danom.

Isaias 25:4

Inmey ken sik-a nan kodokdo ya kaseseg-ang et maid inom-ommat ken daida isdin timpon di golo. Nan badangmo ken daida no maligatanda et kaneg siya nan linongda isnan lemlem ya kanegmo lingban daida isnan domangdang ay poos. Nan makedse ay ipogaw et makisapeda ay kaneg nan napigsa ay lemlem

Isaias 41:17

“No men-an-anap nan ipogawko is danom ya maango nan ayokookda is ewewda dat sak-en ay apo et idngek nan dawatda tay sak-en ay Dios di Israel et adiyak baybay-an daida.

Isaias 49:10

Et awnit adida polos kasin kaow-owat ya adida kasin kaew-ewew ya adida pay mapaligatan isnan kaeegyat ay agew tay sak-en ay mangsegseg-ang ken daida nan mang-ipangpango ken daida et iyeyko daida isnan balaan di danom.

Jonas 4:8

Idi makagkag-aw ay epdas binmala nan agew dat omipaey si Apo Dios is menpoos ay dagem ay nagapo isnan balaan di agew et nganngani pay maolaw si Jonas isnan pilmi ay poos isonga dat mendawat ay mangwani en, “Gawgawis pay et ay mateyak mo nan matatagowak isnan kaneg tona.” Tay kaytena ay matey.

Mateo 13:21

ngem adi lomamot nan kalin Apo Dios isnan nemnemna tay patiyena is sin-awyan danat dokogan ay dagos no mapaligatan gapo isnan pammatina.

Mateo 13:6

Ngem idi naagewanda dadat maango tay nalabaw nan linmamotanda.

Mateo 5:6

Nagasat nan manglaylayad ay mang-ikkan isnan layden Apo Dios tay awnit mapnekda.

Marcos 4:17

ngem adi lomamot isnan nemnemna isonga patiyena is sin-awyan danat dokogan ay dagos no mapaligatan gapo isnan pammatina.

Marcos 4:6

ngem idi naagewanda dadat maango tay nalabaw nan linmamotanda.

Lucas 1:53

Inagtana nan kaseseg-ang is masapolda danapay pakaanen nan babaknang ay maid polos gegen-anda.

Lucas 6:21

Nagasat kayo ay manglaylayad ay mang-ikkan isnan layden Apo Dios tay awnit kayo mapnek. Nagasat kayo ay menseseg-ang gapo isnan basolyo tay awnit kayo men-gasgasing.

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

Santiago 1:11

Tay no men-alalatong et may-osan nan mola dat matekdag nan bengada isonga omasiasi nan ilada. Siya di nan kaneg nan ommat isnan baknang isnan mang-as-asikasowana isnan kinabaknangna tay adi kapnek dat matey.

Naipagtek 21:4

Awnitna kaanen nan am-in ay gapo ay men-ag-agaanda. Awnit maid et matmatey ya maid menseseg-anganda ya maligligatanda tay am-in ay inom-ommat id kasin et namaidda.”