Naipagtek 7:12 - Kalin Apo Dios

¹² Kananda en, “Tet-ewa nan naayda. Maibagay si Apo Dios ay madaydayaw ya maipangato ay eng-enggana. Men-iyaman tako ken siya tay maid polos menkolangan nan kabaelana ya nan getkena. Tet-ewa am-in dana.”

Naipagtek 7:12 Iomraidhean Croise

Salmo 100:4

Songgep kayo isnan pantew di Templona ay men-iyaman dakayopay mendaydayaw. Owen, men-iyaman ya mendayaw kayo ken siya

Salmo 106:48

Madayaw nan apo ay Dios di Israelita. Owen, madayaw siya ay eng-enggana. Sapay koma ta aboloyan nan kaipoipogaw. Madayaw nan apo.

Salmo 107:22

Men-idatonda koma isnan men-iyamananda ya iday-engda nan gasingda ay mang-ibagbaga isnan inik-ikkana.

Salmo 116:17

isonga idyak nan igasingko ay men-iyaman dakpay daydayawen sik-a.

Salmo 147:7

Ikantayo nan men-iyamananyo isnan apo dakayopay menkotengteng ken siya.

Salmo 41:13

Madaydayaw nan apo ay Dios di Israelita. Owen, madaydayaw ay eng-enggana. Sapay koma.

Salmo 50:14

Isonga nan iyamanyo koma nan idatonyo ken sak-en ay Dios dayopay tongpalen nan inkaliyo ken sak-en ay Kangangatowan.

Salmo 72:19

Daydayawenyo nan napateg ay ngadana ay eng-enggana ya mapno koma nan batawa isnan dayawna. Sapay koma.

Salmo 89:52

Madaydayaw ay eng-enggana nan apo. Sapay koma.

Salmo 95:2

Omey tako isnan sagangna ay men-iyaman. Ibiyad tako nan kanta tako ay men-gasgasing isnan maidaydayaw ken siya.

Isaias 51:3

Awnitko ipaila nan seg-angko isnan Jerusalem ya isnan am-in ay nabakas ay il-ilitna. Olay no pondag nan dagana et awnitak om-aen ay kaneg san om-a ay ineskak id Eden. Et id isdi, awnit wada nan gasing, lagsak ya kankantan di mendaydayaw ya meniiyaman ken sak-en.

Jonas 2:9

Ngem sak-en et menday-engak ay mangdaydayaw ken sik-a. Men-idatonak ken sik-a ya ikkak nan inkalik. Kedkedeng nan apo is makaisalakan.”

Mateo 6:13

Adim ipalobos dakami ay bomasol nodi badangam dakami ta adi kami madoldolog.’”

Roma 11:36

Tet-ewa nan kanan nan naisolat tay siya nan nangboliw isnan am-in. Siya nan mang-ay-ayowan isnan am-in ta waday toloyda ya nan gapo ay naboliwda tapno madayaw siya. Isonga daydayawen tako siya ay eng-enggana. Sapay koma.

1 Corinto 14:16

Tay no dayawen tako si Apo Dios isnan teken ay kali et adi mabalin ay owenan nan adi makaawat nan kanan tako ay mangdayaw ken siya tay adida getken nan kali ay inosal tako.

2 Corinto 4:15

Isonga am-in ay ligat et it-itpemi gapo isnan mangbadbadanganmi ken dakayo. It-itpemi nan ligat tapno omadoado nan ipogaw ay mangtek isnan layad Apo Dios. Isonga omadoado abes nan men-iyaman ken Apo Dios et siya dadi nan esay madayawana.

Colosas 2:7

Nan pammatiyo ken siya et kaneg nan kaiw koma ay andoando nan lamotna tasiyay napaot. Solowenyo pay nan naitdo ken dakayo ay maipanggep ken siya tasiyay pomigsa kayet nan pammatiyo ya kanayon ay men-iyaman kayo ken Apo Dios.

Colosas 3:17

Isnan am-in ay ik-ikkanyo ya nan kankananyo, masapol ay nenemnemenyo si Jesu Kristo ta siya nan solotenyo ya masapol abes ay men-iyaman kayo ken Apo Dios ay Ama tako gapo ken Apo Jesu Kristo.

Naipagtek 1:18

Matatatatagowak tay olay no nateyak id kasin ngem kasinak natago et mawawawadaak ay eng-enggana. Sak-en gedan nan kalebbeng isnan mateyan di ipogaw ya isnan pagbalodan nan ab-abiikda ay makwani en Hades.

Naipagtek 19:4

Dat nan dowampoo ya epat ay aamam-a ya nan epat ay matatago et ninpangalokbobda ay mangdayaw isnan tomotokdo ay mentolay ay si Apo Dios. Dadapay kankanan en, “Tet-etet-ewa dadi. Madaydayaw si Apo Dios.”