Naipagtek 6:17 - Kalin Apo Dios

¹⁷ Tay id wani nan inomdanan nan kaeegyat ay ligetda et maid polos makaitoled is mangsango isnan ligetda.”

Naipagtek 6:17 Iomraidhean Croise

Salmo 110:5

Nan apo et wada isnan makanawanmo. Awnitna abaken nan aali isnan timpo ay makaligetana.

Salmo 2:12

Menpakombaba kayo ken siya ta adiyet makaliget et matey kayo. Nagasat nan am-in ay menkamang isnan apo.

Salmo 76:7

lyeegyat di kaipoipogaw sik-a isonga sino pay ngen nan makaitoled ay tomakdeg isnan sagangmo no makaligetka?

Joel 2:1

Mentanggoyob kayo id Sion, ay napateg ay bilig Apo Dios ta ipagtekyo nan kaeegyat ay awnit ommat. Pomayegpeg kayo ay iJuda tay nganngani nan men-okoman nan apo.

Joel 2:31

Awnit bomolinget nan agew et awnit gomadangdang nan bowan ay kaneg basa esapay omali nan napateg ya kaeegyat ay agew nan apo.

Malakias 3:2

Ngem sino ngata nan esa makaitoled isnan agew ay domatngana ya sino ngata nan matatago kayet no menpaila? Tay nan ikkana ay menbanag et kaneg nan ikkan nan apoy ay manglonag ay mangpino is balitok ta makaan nan ngawi ya kaneg nan ikkan nan naingel ay sabon ay mangkaan is logit.

Lucas 21:36

Isonga gawis no mensasagana kayo dakayo pay kanayon ay menlol-owalo tasiyay waday pigsayo ya toledyo ay mang-itpe isnan awnit om-ommat tapno maitapi kayo ken sak-en ay Iyon-an Am-in di Ipogaw isnan omaliyak kasin.”

Roma 2:5

Ngem dakayo et adi kayo menbabawi tay menkenteg nan oloyo. Isonga am-amed nan madosaanyo isnan agew ay mangipailaan Apo Dios isnan ligetna ay mangdosa isnan egay nangpati ken siya isnan mangbanagana ay maiyostoosto isnan kaipoipogaw.

Judas 1:6

Ya nan aanghel gedan ay nangtaynan isnan osto ay menteteanda ya lebbengda et inbalod Apo Dios daida ay nangipaey ken daida isnan menbolinget engganay omdan nan agew ay banagena nan am-in ta madosada.

Naipagtek 11:18

Nan mang-ap-apos ken sik-a et dadama nan ligetda ngem inomdan id wani nan timpo ay ipailam nan ligetmo gedan tay inomdan nan agew ay banagem nan am-in ay natey ta ligalowam nan bab-aam ay mamadtom ya nan am-in ay ipogawmo ay mangpatpateg ken sik-a ay olay nan ninkabababa ya nan ninkangangato dakapay dadaelen nan kaipoipogaw ay nang-ik-ikkan isnan ngawi isnan batawa.” Siya di nan kinwanida.

Naipagtek 16:14

Nan deeyday toloy dimonyo et mabalin ay ikkanda nan kaskasdaaw. Om-omeyda isnan am-in ay kad-an di mentolay isnan batawa ay mangipadagop ken daida ta mentotolagda ay manggobat ken Apo Dios ay manakabalin isnan makwani en kapapatgan ay agewna.