Naipagtek 6:10 - Kalin Apo Dios

¹⁰ Inbobogawda ay mangwani en, “Manakabalin ay Dios, tet-ewa nan am-in ay kanam ya osto nan ik-ikkam. Isonga tongona pay di mangbanagam isnan ipogaw isnan batawa ta baesam nan nangpatey ken dakami?”

Naipagtek 6:10 Iomraidhean Croise

Genesis 4:10

Dat kanan nan apo, “Ay tay dakan aped pinatey nan innodim? Nan basana isnan lota et dedengngek ay kankanana en maibaesan koma.

Salmo 119:84

Ngan pay nan kabaybayag di menseseedak? Tongona pay di mangdosaam isnan mangpalpaligat ken sak-en?

Salmo 13:1

apo, aye pay nan kabayag di nangkalingkingam ken sak-en. Kaatna pay di mang-itabtabonam ken sak-en?

Salmo 35:17

apo, ay kaatna pay di kabayag nan apedmo mang-iilaan ken sak-en dapay maid polos ikkam? lsalakanmo sak-en ay dagos tay mangpateyda ay kanegda nan layon.

Salmo 79:10

Ayta od dan kanan nan sasangaili en, “Into pay od nan Dios di Israelite?” Ipagtekmo koma ken daida ya ipailam gedan ken dakami ay men-ibaeska isnan nangpatpatey isnan babaam.

Salmo 9:12

tay adi kalkalingkingan Apo Dios nan maligligatan danapay dengngen nan men-adawaganda ta dosaena nan mang-aamis ken daida.

Isaias 61:2

Inbaana sak-en ay mang-ipagtek gedan isnan awnitna mang-isalakanan isnan ipogawna danapay abaken nan mangbosboso ken daida. Inbaana gedan sak-en ay mangliwaliw isnan am-in ay menseseg-ang.

Daniel 12:6

Dat sooten nan esang ken daida isnan anghel ay tinmatakdeg isnan oson nan ginawang en, “Ay kaat di kabayagna esapay ommat nan naayda ay kaskasdaaw ay banag?”

Lucas 2:29

“Apo, id wani et tinmet-ewa nan inpagtekmo gapo isnan naay onga isonga mang-apitka et tay naay inilak nan inbagam ay awnit omali ay mangisalakan isnan ipogaw, ay siya nan inbaam tapno getken am-in nan ipogaw.

Lucas 21:22

Tay siya na nan pinagdodosa ay matongpalan nan am-in ay insolat din mamadto id kasin.

Roma 12:19

Laylaydek ay bebsatko, adi kayo menbab-aes. Bay-anyo ken Apo Dios tay naisolat isnan inpasolatna en, “Sak-en ay kangatowan nan mang-ikkan isnan baes.”

Hebreo 12:24

ya ken Jesus ay nangipatongpal isnan balo ay tolag. Nan nang-itedana isnan basana isnan nateyana et gag-awis nan inpagtekna mo nan basan Abel tay kabaelan nan basan Jesus ay mangdalos isnan basbasol di ipogaw. Ngem nan basan Abel et baes nan ibagana.

2 Pedro 2:1

Kaneg id kasin wada nan mamadto ay baken tet-ewa ay mamadton Apo Dios et wada abes nan awnit men-it-itdo ken dakayo is baken tet-ewa tay men-itdoda is mangdadael ay mangsolin isnan tet-ewa. Olay si Kristo ay nangsobot ken daida et isotda siya. Gapo isnan deeyda ay ngawi ay ik-ikkanda et awnitda madosa ay pilmi ya golpi ay adida getken.

Naipagtek 11:18

Nan mang-ap-apos ken sik-a et dadama nan ligetda ngem inomdan id wani nan timpo ay ipailam nan ligetmo gedan tay inomdan nan agew ay banagem nan am-in ay natey ta ligalowam nan bab-aam ay mamadtom ya nan am-in ay ipogawmo ay mangpatpateg ken sik-a ay olay nan ninkabababa ya nan ninkangangato dakapay dadaelen nan kaipoipogaw ay nang-ik-ikkan isnan ngawi isnan batawa.” Siya di nan kinwanida.

Naipagtek 18:20

Ngem dakayo ay wada id daya et men-galalasing kayo gapo isnan nadosaana. Ya dakayo abes ay ipogaw Apo Dios ya nan aapostolisna ya nan mamadtona et men-gasing kayo tay binanag Apo Dios san deey ay ili ay nangibaes isnan ngawi ay inik-ikkana ken dakayo.

Naipagtek 18:24

Madosa gedan nan ili ay Babilonia tay siya nan nangpatey isnan mamadton Apo Dios ya nan tapin di ipogawna. Owen tay nail-ila isdi nan basan nan am-in ay mamati ay napatpatey isnan naay ay batawa.

Naipagtek 19:2

Ostoosto ya tet-ewa nan ikkana ay mangbanag isnan ipogaw tay dinosana san mendindinamag ay babai ay nang-awis isnan kaipoipogaw ay maitapi isnan ngawi ay ik-ikkana. Inbaes Apo Dios issan ngawi ay babai nan nangpatpateyana isnan baan Apo Dios.”

Naipagtek 3:10

Ngem gapo tay tongtongpalenyo nan inbagbagak ken dakayo en an-anosanyo nan am-in ay mapalpaligatanyo gapo ken sak-en et isalakanko dakayo isnan kaeegyat ay ligat ay awnit omdan isnan batawa ay mangpaneknek isnan ogalin di am-in ay ipogaw.

Naipagtek 3:7

Danat ibaga abes nan isolatko isnan mangipangpango isnan mamati id Filadelfia. Kanana, “Sak-en ay mangtongtongpal ken Apo Dios ya tet-ewa ay matalek isnan am-in et wada nan ibagak ken dakayo. Sak-en gedan nan nangbanes isnan lebbeng din si Ali David ay mentolay isnan am-in. Et mabalin ay ikkak nan am-in ay kayatko ay ikkan ay maiwed makasopla.