Naipagtek 4:11 - Kalin Apo Dios

¹¹ “Sik-a nan Apomi ya Diosmi. Maibagayka ay madayaw ya maipangato gapo isnan dadama ay panakabalinmo tay sik-a nan nangwada isnan am-in ay wada. Owen, gapo isnan layadmo ay nangwada isnan am-in et naboliwda.”

Naipagtek 4:11 Iomraidhean Croise

Genesis 1:1

Isdin loglogina ay esapay mawada nan am-in ay wada et binoliw Apo Dios nan daya ya nan batawa.

Nehemias 9:5

Dat kanan nan Levita ay da Jesua, Kadmiel, Bani, Hasabneyas, Serebias, Hodias, Sebanias yas Petahias en, “Itakdegyo ta dayawenyo nan apo ay Diosyo ay wawawawada ay maid patenggana. Madaydayawka koma apo tay sik-a nan kapatgan ya kangatowan isnan am-in.

Salmo 18:3

Men-adawagak isnan apo ay lebbengna ay madayaw et maisalakanak isnan mang-ap-apos ken sak-en.

Salmo 68:34

Ipagtekyo nan kabaelan Apo Dios ya nan gawis ay mentolayana isnan Israelita ya nan kabaelana gedan isnan daya.

Exodo 20:11

Tay sak-en ay apo et sinapok nan daya, nan batawa, nan baybay ya nan am-in ay nawada isnan enem ay agew ngem isnan maikapito ay agew et nin-illengak. Isonga sak-en ay apo et binindisyonak san deey ay agew di illeng daket ninbalinen ay napateg ay agew ay pala ken sak-en.

Aapostolis 14:15

“Gagayyem, dayon aped ik-ikkan na? Ipogaw kami ay kanegyo met laeng. Inmali kami isna ta ibagbagami nan gawis ay damag ay maipanggep ken Kristo ta taynanyo nan sinang didiosyo ay maid kapaayanda ta patiyenyo si Apo Dios ay naleleng-agan. Si Apo Dios et siya nan nangboliw isnan daya, nan batawa, nan baybay ya nan am-in ay mentetee.

Aapostolis 17:24

Et siya si Apo Dios ay nangboliw isnan batawa ya nan am-in ay mentetee. Et baken isnan sinang bab-aey ay sinapon di ipogaw is menteteana tay siya nan Apo isnan am-in, nan daya ya nan batawa.

Roma 11:36

Tet-ewa nan kanan nan naisolat tay siya nan nangboliw isnan am-in. Siya nan mang-ay-ayowan isnan am-in ta waday toloyda ya nan gapo ay naboliwda tapno madayaw siya. Isonga daydayawen tako siya ay eng-enggana. Sapay koma.

Efeso 3:9

Tay si Apo Dios ay nangboliw isnan am-in ay wada et inbaana sak-en ay mangipagtek isnan am-in ay ipogaw nan ikkana ta matongpal nan panggepna ay egayna inpagtek id kasin enggana id wani

Deuteronomio 32:4

Siya nan apo ay kapigsaan ay bomadbadang tay nalinteg ya maid kadelawan nan ik-ikkana. Nan Diosyo et matalek ya maid kampotna tay ostoosto siya ya maid pakaam-amdena.

Hebreo 1:10

Kinwanina abes en, “Isnan damodamo et sik-a Apo, nan nangboliw isnan batawa ya sik-a gedan nan nangboliw isnan daya.

Hebreo 1:2

Ngem id wani et baken kaneg todi tay nan Anakna nan inosalna ay mangipagpagtek isnan kayatna ken datako. Siya nan nangipaboliwan Apo Dios isnan am-in ay wada. Et siya gedan nan pinilina ay mangtawid isnan am-in.

Naipagtek 10:6

Dat mensapata isnan ngadan Apo Dios ay adi katkatey ay nangboliw isnan daya, nan batawa, nan baybay ya nan am-in ay mentetee ken daida. Kinwanina en, “Maiwed et maiyaw-awniyana pay laeng

Naipagtek 14:7

Inbibiyadna nan kalina ay mangmangwani en, “Patgenyo ay ostoosto si Apo Dios dakayopay dayawen siya isnan kinangatona tay omal-ali nan timpo ay mangbanagana isnan am-in ay ipogaw. Daydayawen ya patpatgenyo siya ay nangboliw isnan am-in ay wada, ay nan daya, nan batawa, nan baybay ya nan bomabalbalaan nan dandanom.”

Naipagtek 19:1

Nakwas di daket dengngen nan napigsa ay kali ay kaneg kalin di adoado ay ipogaw id daya ay mangmangwani en, “Madaydayaw si Apo Dios. Owen, dayawen tako ya patgen tako siya isnan panakabalina ya nan mangisalsalakanana ken datako.

Naipagtek 5:12

Dadat ibibiyad nan kantada ay mangmangwani en, “Nan makwani en Kalnilo ay pinateyda et maibagay ay madayaw ya mapateg ya maipangato tay maiwed polos menkolangan nan kabaelana ya nan getkena ya nan kinagawisna.”

Naipagtek 5:2

Daket ilaen abes nan napigsa ay anghel ay mangibibiyad isnan kalina ay mangmangwani en, “Sino nan maibagay ay manglatlat isnan naipipilkat ay papil ay naay ta lokatana?”

Naipagtek 5:9

Dadat kantaen nan balo ay kanta ay mangwani en, “Kedkedengka is maibagay ay mang-ala isnan nalololon ay papil ya mangkaan isnan pilkatna. Tay napateyka et nan nateyam nan naisbot isnan basbasol di ipogaw ta waday menbalin is ipogaw Apo Dios isnan magapo isnan am-in ay ili ay natkenatken nan kalida ya kaiilaanda.