Naipagtek 22:17 - Kalin Apo Dios

¹⁷ “Omali kayo am-in ta maitapi kayo,” kanan nan Ispiriton Apo Dios ya nan ipogawna ay kaiyaligan di awnit asawaen nan Kalnilo. “Owen, omali kayo,” kanan nan mangdenge isnan naayda. Am-in kayo ay mangkayat et ay-ayaganda dakayo ta am-in kayo ay maew-ewew et omali kayo koma ta dawatenyo ay ominom isnan danom ay maid bayadna ay mang-ited is biyag.

Naipagtek 22:17 Iomraidhean Croise

Salmo 34:8

Padasenyo nan kinagawis nan apo. Nagasat nan menkamang ken siya.

Isaias 2:3

Isnan omay-ayanda dadat kanan isnan iib-ada en, “Akayo ta tomikid tako isnan bilig nan apo ay Dios di Israel ta omey tako isnan Templona. Danat isolo nan kaytena ay ikkan tako ta mendaan tako isnan daan ay pinilina. Tay nan isolsolon nan apo et magapo id Jerusalem ay makwani en Sion tay isdi nan menkaliyana isnan ipogawna.”

Isaias 2:5

Dakayo ay an-ak Jacob, akayo ta mendaan tako isnan solsolon nan apo ay kaneg silaw ay idyana ken datako.

Mikias 4:2

Et awnit kanan nan kaipoipogaw isnan iib-ada en, ‘Tomikid tako isnan bilig nan apo. Owen, entako isnan kad-an di Templon nan Dios di Israel. Tay awnitna itdo nan kaytena ay ikkan tako ta awnit tako maiwaned ken siya.’ Tay nan it-itdon nan apo et magapo id Jerusalem ay makwani en Sion tay isdi nan makikalkaliyana isnan ipogawna.

Juan 1:37

Dinngen pay san doway pasolotna san kinwanina dadat omonod ken Jesus.

Juan 4:10

Dat kanan Jesus, “No getkem koma nan idyan Apo Dios ya no sinowak ay mangmangwani en painomem et ibagam koma tapno agtak sik-a isnan danom ay mang-idya is biyag.”

Juan 4:11

Dat kanan san babai, “Apo, maid met igaodmo dapay adaadaem nan naay ay bobon. Ay intoy apedmo mang-alaan is danom ay mang-idya is biyag?

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

Juan 4:29

“Akayo pod ta entako ilaen nan lalaki ay nangibaga isnan am-in ay inik-ikkak. Ay baken ngen siya di nan Kristo?”

Juan 7:37

Nan kaodiyan ay agew isnan Fiestan di Bawbawi et siya nan kawedwedaan. Issan deey ay agew tinmakdeg si Jesus danat ibibiyad ay mangwani, “No sino nan maewew dat omali ken sak-en ta ominom.

Roma 3:24

Ngem kaneg nan kinwanik en mabalin ay gawis nan pangiilaan Apo Dios ken datako gapo isnan inikkan Jesu Kristo ay nangsobot ken datako. Siya nan badang Apo Dios ken datako ay maid bayadna.

1 Corinto 2:12

Ngem datako ay mamati et baken nan nemnem ay kaneg nan nemnem di adi mamati isnan batawa is inted Apo Dios ken datako. Nodi nan ostoosto ay nemnem nan intedna gapo isnan nang-itedana ken datako isnan Ispiritona tapno ostoosto nan mangtekan tako isnan adoado ay intedna ken datako.

Naipagtek 14:13

Daket kasin dengngen nan kali ay nagapo id daya ay mangmangwani en, “Isolatmo na. Menlogi id wani et nagasat nan mamati no mateyda.” Dat songbatan nan Ispirito Santo ay mangwani en, “Tet-ewa ay men-gasingda tay siya nan omillenganda isnan naligat ay oblada tay siya di gedan nan manggon-odanda isnan gawis ay inik-ikkanda.”

Naipagtek 2:7

No waday ingayo dakayot idnge pod nan ibagbagan nan Ispiriton Apo Dios isnan mamati ay madagdagop ay mangdaydayaw ken sak-en isnan il-ili. Kanana en, ‘Nan adi mangipalobos ay abaken Satanas siya et itedko nan kalebbengana ay mangan isnan begas di kaiw ay mang-ited is biyag ay maiwed patenggana ay tomotobo isnan kad-an Apo Dios.’”

Naipagtek 21:2

Daket ilaen gedan nan ilin Apo Dios ay lomaylayog ay nagapo ken siya id daya. Siya nan ili ay makwani en balo ay Jerusalem et menbelelegew ay kaneg nan napintapintas ay babai ay menbabado is gawis ay nakasagana isnan omayan nan mang-asawa ken siya.

Naipagtek 21:6

Danat kanan abes, “Nakwas et tay kinwasko am-in. Sak-en nan nangwada isnan am-in ay wada ya sak-en gedan nan mangkombos isnan am-in. Nan maewew et agtak siya is kalebbengana ay ominom isnan danom ay adi kalakowan ay magapo isnan balaan ay mang-ited is biyag ay maid patenggana.

Naipagtek 21:9

Nalpas nan nangwaniyana isdi dat omali nan esa issan deeyday pito ay anghel ay wada nan pito ay malakongda ay kad-an di pito ay kaodiyan ay ligat et kanana, “Aka ta ipailak ken sik-a nan asawan nan Kalnilo ay maiyalig isnan maitapiyana isnan kaipoipogawna.”

Naipagtek 22:1

Nakwas pay di dat ipailan san anghel nan ginawang ay kad-an di danom ay mang-ited is biyag. Menlengleng nan danomna ay magapgapo isnan tokdowan di mentolay ya nan Kalnilo.

Naipagtek 22:16

Dat menkali si Jesus kasin ay mangwani en, “Sak-en si Jesus ay nangibaa isnan anghelko ta ena ibaga nan naayda ken sik-a tasiyay ipagtekmo gedan isnan mamati ken sak-en ay madagdagop isnan nateketeken ay ili. Sak-en nan tet-ewa ay Apon din si David ya sak-en gedan nan makwani en batakagan.”

Naipagtek 7:17

tay nan Kalnilo ay wada isnan kad-an di tokdowan di ali et siya nan mangbanbantay ken daida ya siya nan mangipangpango ken daida isnan balaan di danom ay mang-ited is biyag ay maid patenggana. Et kaanen Apo Dios nan am-in ay seg-angda ta adida kasin men-ag-aga.” Siya dadi nan kinwanina.