Naipagtek 22:14 - Kalin Apo Dios

¹⁴ Awnit dadama nan gasing nan mangdalos isnan badoda ay naiyalig isnan maowasan di basol tay daida nan wada nan kalebbenganda ay songgep isnan segpan nan deey ay ili ya wada gedan nan kalebbenganda ay mangan isnan begas di kaiw ay mang-ited is biyag.

Naipagtek 22:14 Iomraidhean Croise

Genesis 2:9

Inpatobona nan kak-aiw ay gawis nan kaiilaanda ya gawis ay makan nan begasda. Ngem isnan tengana et wada nan kaiw di biyag ya nan kaiw di nemnem ay gawis ya ngawi.

Genesis 3:22

Dat kanan nan apo ay Dios, “Id wani kaneg inawat san ipogaw sak-en isnan mangtekanda isnan gawis ya ngawi isonga masapol ay adida maipalobos ay kanen nan begas nan kaiw di biyag ta adida matatago ay eng-enggana.”

Salmo 112:1

Madaydayaw nan apo. Nagasat nan ipogaw ay mangpatpateg isnan apo ya magasingan ay mangtongtongpal isnan bilbilina.

Salmo 118:20

Siya na nan segpan di Templon nan apo ay kedeng nan nalinteg is makasgep.

Exodo 19:10

Dat kanan nan apo ken siya en, “Omeyka isnan ipogaw ta ibagam ken daida en dalosanda nan aw-awakda id wani ya is wakgat esadapay mangdayaw. Masapol pay ay labaanda nan badbadoda.

Daniel 12:12

Nagasat nan matalek ay mamati enggana ay makwas nan sinlibo ya tolonggasot et tolompoo ya lima ay agew.

Juan 10:7

isonga dat kasin kanan Jesus, “Ibagak nan tet-ewa ken dakayo, sak-en nan kanega segpan di pokokan di kalnilo.

Juan 10:9

tay sak-en nan segpan et am-in ay omali ken sak-en et awnitak isalakan daida et kanegda nan kalnilok ay songsonggep ya bomalbala ay mangmangan is gawis ay menkatagoda.

Juan 14:15

Intoloy Jesus ay mangwani en, “No laylaydenyo sak-en et tongpalenyo nan bilinko.

Juan 14:6

Dat kanan Jesus, “Sak-en nan daan tay kedengak is kagapowan di biyag ya kedengak is mangibagbaga isnan tet-ewa et maiwed makaey ken Ama no adi mendaan ken sak-en.

Juan 4:12

Inpatawid din alapo tako ay si Jacob nan naay bobon. Siya na nan sakdowanda isdin an-akna ya nan inmin-inoman din talakena. Ay kanam en nangatngatoka mo din si Jacob?”

1 Corinto 7:19

Tay baken nan menpasegyatanyo wenno nan adi kayo menpasegyatan is mappay nodi nan mangsolsolotanyo isnan bilbilin Apo Dios nan mappay.

1 Corinto 8:9

Ngem masapol ay makailan tako nan iib-a tako ay nakapsot pay laeng nan pammatida ta adida bomasol gapo isnan ikkan tako.

1 Corinto 9:5

Wada nan lebbengmi abes ay omasawa ya mangikawit isnan asawami isnan omayanmi ay men-itdowan ay kaneg nan ik-ikkan Pedro ya nan tapin di apostolis ya nan bebsat Jesus.

Galacia 5:6

Tay nan ipogaw ay maitatapi ken Jesu Kristo et baken nan ninpasegyatana wenno nan egayna ninpasegyatan is gapo ay gawis nan nemnem Apo Dios ken siya. Nodi nan gapo na et nan pammatina ay maipaila isnan manglaylaydana isnan ib-ana ay ipogaw.

1 Juan 3:3

Isonga am-in ay ipogaw ay mangnamnama is dana et adida polos layden ay mang-ikkan isnan ngawi tay maid polos ngawi is ik-ikkan Kristo.

1 Juan 5:3

No tongtongpalen tako nan bilbilin Apo Dios et siya nan kailaan nan kinatet-ewan nan layad tako ken siya. Ya nan bilbilina et baken naligat ay matongpal.

Naipagtek 2:7

No waday ingayo dakayot idnge pod nan ibagbagan nan Ispiriton Apo Dios isnan mamati ay madagdagop ay mangdaydayaw ken sak-en isnan il-ili. Kanana en, ‘Nan adi mangipalobos ay abaken Satanas siya et itedko nan kalebbengana ay mangan isnan begas di kaiw ay mang-ited is biyag ay maiwed patenggana ay tomotobo isnan kad-an Apo Dios.’”

Naipagtek 21:12

Nan baked san deey ay ili et andoando ya wada nan simpoo ya doway segpana et tonggal esay segpan et wada nan esay anghel ay mangbanbantay. Tonggal esay segpan et naisosolat nan ngadan nan simpoo ya doway an-ak din si Israel ay daida nan poon di am-in ay Judio.

Naipagtek 21:27

Ya adi polos gedan makasgep isdi nan baken nadalos isnan pangiilan Apo Dios ay kaneg nan menkamkampot ya nan mang-ik-ikkan is kababain tay kedkedeng nan naisolat nan ngadanda isnan liblon di Kalnilo ay nailistaan di matatago ay eng-enggana nan mabalin ay songgep.

Naipagtek 22:2

Men-ay-ayos isnan tengan di kalsa isnan deey ay ili. Isnan sinombangil nan ginawang et wada nan kak-aiw ay mang-ited is biyag. Binowan ay bomgasda isonga mamin simpoo ya dowa ay bomgas isnan esay tew-en. Ya nan toboda et daida nan iyag-agas di kaipoipogaw.

Naipagtek 22:7

Naay nan kalin Jesus. Kanana en, “Dengngenyo nan kanak. Adi mabayag et somagongak ken dakayo. Et nan am-in ay mangtongpal isnan naisolat isnan naay ay liblo et awnitda men-galalasing.”

Naipagtek 7:14

Daket kanan, “Adiyak getken, apo. Waay sik-a nan mangtek.” Danat kanan, “Da tona nan ipogaw ay mamati ay nangilasat isnan dadama ay ligat isnan batawa. Kanegda linabaan nan badoda isnan basan nan makwani en Kalnilo ta pomolaw ay maiyalig isnan naowasan nan basbasolda.